السلام عليكم ورحمة الله

انا بتكلم بصراحه اخواني وخواتي وسامحوني يمكن كلامي يكون جارح لكن من اللي اشوفه

الحين لاجار يدخل على جاره.. الجار يدخل المستشفى ويطلع وجاره مايدق عليه الباب وان دخل عليه.. فنجان قهوه مايشرب!!! ليش؟؟؟ يارك مب محتاي منك فلوس.. ولابيطلبك لكنه جارك يعني ربيعك ..
قبل الجار لو طبخ وفاحت ريحة الاكل لازم يطعم جاره الحين سنه لسنه جان بيطرشون!!! ليش؟؟ جارك مب يوعان لكن يحب يشاركك فرحتك حزنك يشل عنك شي
كل واحد سكن في هاي الفلل وزمط عمره ليش فيكم مرض؟؟ تبى اتشوف يارك احدر عليه سلم مو توايج عليه من الدريشه !!!
يارك ان بغى يسافر توصى ابيته وعياله حشى بلاهم الناس كل واحد صاك على عمره الباب
الرسول وصىّ على سابع جار وانت جارك باب بالباب ماتسال عنه ؟!!!!


بنات الخاله وبنات العمه وبنات الاخت وبنات الاخو من يقعدن اجاكرن هاي ساعتي وشوفوا شنطتي
ليش هالخقه كلها؟؟!!! تراكم اهليه واللي عندابوج عند عمج والي عند خالتج عند امج واللي عند اخوج عندج الصراحه قبل البنات من يتيمعن سوالف وضحك ولعب وغيره لو انهن كبار لكن الجمعه والمحبه تجمع القلوب ...مب الحين بنات هالزمن جاخيين وامشين اهلهم على كيفهم ومسوين مشاكل عند الاهل

خوات ماهم بخوات!!!!! .....موووووووووووووت ان اتيمعن وان تيمعن كل وحده تجذب على الثانيه بسم الله شو صاير بالدنيا ؟؟؟!!!!الاخو بياكل اخوه والاخت تحقد على اللي عند اختها (اعرف مو الكل لكن اللي شفته بعيني يثبت انه فيه من هالنوعيه )

حرمت الاخو تراها اختكم ومنكم وفيكم اتغايظونها ليش ؟؟؟!!!!هي اللي كانت على الخير والشر معاكم اتشوفون نفسكم عليها ليش ؟؟؟ولو كانت هي وهي وهي تراه انتوا بعد في يوم من الايام تتطبعون بطبعها

ليش الام استوت البنت تمشي كلامها عليها؟؟؟؟ ليش الامهات ضعفن في الشخصيه؟؟؟ اجاري الزمن ولا مشاعر البنت وين الام اللي تلف بنتها عن عيون الشباب وان طولت البنت في الرمسه عالتلفون خذت الام حذرها .. والحين الام ولا عليها ولا سائله عن البنت لاتقولن ثقه لالالالالالا


الهندي ولا الوافد قبل يوم يشوف المواطن ولاالمواطنه ينزل راسه وفي حدود الحين لالالالا هبابهم يغازلون بناتنا حتى الهندي مايكسر عينه ليش والله ليش ................؟

الوحده لما تمشي مع بوعيالها في السوق ساتره على نفسها من فوق لين تحت وهو يبص بص لغيرها ... ليش عيل مسبل بحرمتك وراك تباها تلبس ؟؟قولها مو مخلي عمرك سي السيد وانته هناك تلهث للبنات ...

ليش الريال مايصبر على ام عياله لافي مرض ولاغيره وين عيل شريك العمر؟؟؟ وعضيد الدنيا وغيره
الحرمه من يابت 3 بنات عرس عليها يبى الولد ليش؟؟؟ الحياه بس بالاولاد مافكر انه اللي عطاك بنات قادر يعطيك اولاد

قبل يوم انسير المحلات في احترام بين العامل والزبونه الحين تبين ماتبين طلعي برع

ليش كثرن محلات البناطلين ونادر مانحصل تنانير وغيره حياتنا استوت بناطلين وعبي وسوع وشنط بس
يعني مظاهر !!!!!

ليش البنت لما تتاخر محد يعاقبها ليش البنت تحظر عروض الساعه 9 و10 و12 فالليل في السينما
ليش وين اهلها ؟؟؟؟
والله قبل يخسي نتأخر دقيقه من المعهد ولاغيره انخاف في اي وقت ايينا هذاك الطراق المحترم

قبل حتى ولد الفريج يغار على بنت فريجه ان شافها !!!!فيه غاريه الحين لاااا هباب الولد ينقز في بيوت الناس انصاص الليالي

بلاهن البنات من يشوفن واحد ردن لفن الشيله شو السر ورا هاي الحركه؟؟؟ خلو المعرس في حاله يابنات هالزمن لاتدمرون بيوت خافن الله تبن ريل عرسن ولو اهلكم قالو انتوا صغار قولوا لا احنى نبى ريل
وفكوا بنات الناس من المشاكل وخلوهم يرتاحون ويرقدون بسلام

العبي العبي العبي ماشي الحين الحياء ضاع عند الاغلبيه بس هذا الاسكيني والعباه مرفوعه لين تحت الباط والعصاقيل تقولن توث بك ولا كراعين طائر اللقلق حرام والله حرام تسريحه حق مركز ليش ...؟

اللي بيرقمج ولاشي من هالقبيل لاتصدين ورا وتقولين ( اف بلاحركات بايخه ) انتي البايخه يوم شاخطه الجحال دايره كامله على الويه والتسريحه ومرصصه على الدفريشن اللي ورا .. وماتبينه يلحقج لاتلومينه يبغي يفرغ طاقته فيج لانج رخيصه بحركاتج ومياعتج وبروجج الفوشي ولا البرتقالي

لاوالحين هابين بنات ((انا اسميهم خوات مايلي)) ... بنات 14 اونهن فري واوبن مايند وايد !!!!لبس وحركات بنات عرب وناس وكله تقليد للاجانب ليش كوني فري وابن مايند بحدود مو بقلة ادب ومياعه

مره شفت وحده لابسه من هالعبي البحرينيه وكل حين ورفعت العباه ورفعت لين ماوصلتها لين وروجها ووالله العظيم والله الشاهد علي ليش كل ها؟؟!!! علشان يطلع البنطلون اخ اخ على تربية هالجيل

وبزيد على كلامي
بلاها العانس تشكي الحال؟؟ وحنانها للعرس؟؟ تراه الدنيا مو ريل وبس.. مارزقج في الدنيا بيرزقج في الاخره لانه الريل ساعات يكون نقمه على الحرمه وتتمنين تردين لحجرتج واستقرارج
بلاهن الحريم الكبار استخفن ويعيشن دور بنات 14 خبال ضاربنهن الله اعلم؟؟!!!! ولا الزهايمر ضاارب فيهن ضربه؟؟!!
ليش الصديقه هالوقت تحسد اربيعتها ان شافتها في سعه مع ريلها وعيالها تدخل عرض في حياة اربيعتها ؟؟؟
ليش الحرمه استوت كتاب مفتوح للغرب وللقريب انسانه غامضه ليش هاكله ما اعرف ؟؟؟
ليش انقول ساعات اقربلك عقرب لك مقوله غلط والله غلط لانه القلوب مب صافيه لو القلوب صافيه قلنا اقرب لك اسعد لك ... ليش انقول الدنيا اتغيرت الدنيا نفس ماهي لكن قلوب بني ادم اعوذ بالله منها كيف استوت متروسه غيره وحقد وحسد
وبعد بزيد ليش الريال كتاب مغلق حق حرمته ليش مستوي انسان غامض اذا حرمتك ماشاركتك احزانك وواستك منوه بيواسيك بنت الحرام؟؟؟ اللي كلامها كله جذب × جذب !!!!ليش صاد عن زوجتك ام عيالك؟؟؟ ليش قل النقاش بين الزوجين؟؟؟ ليش من اييك التيلفون تعرق وترتبك؟؟؟ ليش مسجاتك دوم بليا تقرير؟؟؟ ليش من ترد البيت تغلق موبايلك؟؟؟ ليش الحرمه يوم اتقولك طلعها تنافخ جنك دايناصور وان حد من ربعك سوالك طرت له ؟؟؟هاي انسانه هاي حرمتك هاي حبيبتك هاي ام عيالك هاي نور بيتك هاي البركه في البيت هاي شرفك هاي امك وابوك هاي جنتك ونارك هاي سترتك يوم تمرض هاي اللي اتداري عليك هاي الطاهره زوجتك ام عيالك ليش جيه الرياييل مايقدرون الجوهره اللي بين ايدهم ؟؟؟ام عيالكم يعني تحمل وتشقى وتتعب ان ماعطيتها الحب والحنان امنوه يعطيها غريب من الشارع !!!!!؟؟؟
اااااااااااااااه وحسافه على العقد اللي ينكتب بين الزوجين غدا العقد على المثل ( نقعه في الماي واشربه )
بلاهم الرياييل همهم الجنس وبس!!!؟؟؟ مابيقردن الحرمه ولا بيقوللها احلى الكلام اللا هذيج اللحظه وبعدين وبعد تفريغ الطاقه وين اللي كان ....والله قهر قهر قهر


بلاهم الناس تاكلين وياهم وماوحالج تغسلين ايدج قطعوج تقطيع ليش شو السبب .............؟

مانصيح دمووووووع انصيح قهر على قلوب الناس
ليش عيل صياح في صلاة التراويح في رمضان واونه هنيه الدين وانتوا قاطعين الارحام وتنمون في الناس
الناس على كثرة عمرتها والقلوب بعدها .... عمره لرب العالمين ولا سايرات اتقصن قطع من العموي و لا عبي الشرقيه

والله قلووووووووووووب قلوووووووووووووووووووووووووووووب خاطري اصارخ من الغيظ اللي في قلبي الود ودي ارد للثمانينات اقسم بربي ارد للكشه والصدر العالي ارد للحاره الاوليه واللعب مع البنات ودي ارد ارد ارد ارد لرمضان علشان اركض اودي الفطور للييران واكشف عن المغطاي ان كان كراميل وفوقه جلي خشيته لي لبعد الفطور خاطري ارجع لبنات حارتنا لعب وسوالف ولاشالين هم الدنيا

ياخواتي ليش ليش ليش.....................................؟؟؟؟





بلاااااااااااااااااااااااااااهم الناااااااااااااااااااااااااااااس بسم الله الرحمن الرحيم جي غدوا

لاادب
ولاحيا
ولا ورقابه
ولا حث عيال على الصلاه
ولاخوف
جرأه من الدرجه الاولى
تحطيم الرقم القياسي في قلة الادب

من حقي اصيح دم مو دمووووووووووع على اللي قاعده اشوفه
قهر من اهالي ومن بنات وشباب هالزمن اخ والله اخ عليهم الصراحه