هل ترى؟
سيري عنده يا رساله
واسأليه إش لون حاله؟
هل ترى مشغول عنّي؟
وإلاّ أنا دايم في باله؟
* * * *
هل ترى فيني يفكّر؟
هل ترى يقلق ويسهر؟
هل على فرقاي يقدر؟
هل لشوفي دوم واله؟
* * * *
هل عيونه تفتقدني؟
هل تشوّق لي وحنّي؟
هل سأل في يوم عنّي؟
هل أنا أمرّ بخياله؟
* * * *
يا رساله طمّنيني
عن غلاي ونور عيني
هل ترى بعده يبيني؟
هل أنا لا زلت فاله؟
* * * *
يا رساله شوفي قلبه
هل بعد لي به محبه؟
وإلاّ كل شي كان لعبه؟
مثل ما لعب اليهاله
* * * *
يا رساله من غناتي
الخبر والرد هاتي
ما أقدر أتريّا وأحاتي
يالله سيري يا رساله
شعر: حسين خميس آل علي