السوق الكويــــتي....

[قد الحب]

بسم الله الرحمن الرحيم

اشحالكم يا اعضاء منتدى الرمس الغالي

رح اتكلم عن موضوع جدا هااااااااام وخاصه في بيئتنا اللي هي راك والاهم من هذا كله رح اتكلم عن مكان تقريبا اهالي راك لازم يترددون له في المناسبات او بدونها طبعا المكان عرفتوه من العنوان اللي هو الســـــــــــوق الكويتي...

انا وايد مضاايجه من تصرفات الشباب وااااااااايد يعني الحين هذا السوق حق الشباب ولا البنات الصراحه نص الزحمه منهم يسببون ازدحام مو طبيعي واخر شي طبعا حق المغازل واستعراض السيارات ويحط هالاغاااني ويتمشى بكل برووود والله قهر بتقولون ناخذ اغراض والله ان كنت هناك نص الشباب يدور المكان 100 مره والله حفظنا شكله وشفنا السياره وبعديين يعني

والقهر الزايد الشرطه ليش واقفه اللي ما تعرفهم ما ادخلهم واللي تعرفهم اونه واسطه ويالله ادخلو

وطبعا اللي ما تعرفهم قلال اووف انا مليت من هالتصرف وارد واكرر لاتقولون نحن نشتري وما ادري شو لان اغلب الشباب ايك من صوب المحلات اللي فيها عبي

والحل يعني ياشبااااب والله مليت حسو شوي نحن نروح عسب نشتري مب متفيجن لسخافاتكم

السموحه ع الاطاله واتمنى اشووف رايكم

قد الحـــــب

[ملكه الحب]

صدقتي اختي قد الحب والله هالشباب اربع وعشرين ساعه ف رااك والله نحن نظايج من هالتصرفات

تسلمين حبوبه ع الموضوع الراااااااائع ..

[معسول الشفاتي]

السلام عليكم ورحمة الله وبركاته

اختي انا زرت راك جم مره وفي مره رحت صوب السوق الكويتي
يعني شفت الحاله الكسيفه اللي تصير ^^
بس انتي خلج بشغلج وما عليج من حركاتهم
حتى لو لفوا مليون مره بعد ما بيضرج

وهمسه لشباب ( اللي ما يرضى لأهله لا يرضاها لغيره )


ولي عووده

تقلبي مروري

[العنود]

والله خاطري اشوف هالسوق وان شاء الله فالمستقبل

والله يعينكم....

[عاشقة القمم]

سبحان الله ، كنت مفكره أكتب عن هالموضوع ، بس قلت ألحين يسوون الشوارع ومسكرين الطريج ، يعني محد متفيج يدخل ، ،،>>> الشباب ألحين بيتيمعون يالمنار وبن ظاهر ، لين ما يخلصون الشارع لكويتي ...

ما نقول غير الله يعينا ويهدي اليميع

[ترانيم الغلا]

الصراااااااااحه صدقتي ف كلامج اللي قلتييه>>واصلا حسوووا انه في رب يرااقبكم وهذاا كللله تااخذوون علييه سيئااات>>يعني ابتعدوا عن هالسواالف وبعدين سااالفه الاغااني ع فكره اللي يحطي اغااني ومطوول علييه هذاا حراام وانت اصلا تاااخذ سيئاات كل اللي يسمعوووووووون...!!
والسمووووووحه..
تحيااتي

[الشاكي83]

والله قد الحب انا من النوع الي يكره السوق الكويتي حتى اذا ودي اشتري اغراض ما ادخله الا للضروره وبعدين ما احب اودي اهلي السوق الكويتي سوق المعيريض يسد الحايه او المنار او اظهر برع راك وبعدين تتصورين في محل عطور عدال الواحه داخل السوق ما عنده باركنات فالشباب ما يتعنون ويدورون باركنات فيوقف عند باب المحل ويدق له هرن كأنه يبغي عصير او ساندويش ويجرب كذا عطر ومسبب عرقلة سير وما يتحرك الا اذا سمع هرن الدوريه وعقب يوم يخالفونه يصيح

خذيها قاعده اختي قد الحب الي يرضى حق اهله عادي عنده بنات الناس

وبعدين من يدق باب الناس يدقون بابه

[جروح]

هييييي والله عالعوووق وصدقتي بكل كلمه قلتيها

زحمه وارف ولا بعد يسون حركات ومغااازل

ياخي اللي ماترضااه لأهلك لاترضاه لبنات النااس

[سلا الروح]

السلام عليكم ورحمة الله وبركاته

بصراحه كلامج صح يا قد الحب انتي من راك تقولين جيه عيل اللي ايون من اماكن ثانيه شو يقولون والله نطفر من الحركات ونتمنى ما نيي مره ثانيه هالمكان وهذا كله بسبة الزحمه وانا اقصد بالزحمة اللي ييون بس حق الحركات اللي مالها معنى........................



والسموحه ..............................سلا الروح

[ساحرة القلوب]

انا وايد مضاايجه من تصرفات الشباب وااااااااايد يعني الحين هذا السوق حق الشباب ولا البنات الصراحه نص الزحمه منهم يسببون ازدحام مو طبيعي واخر شي طبعا حق المغازل واستعراض السيارات ويحط هالاغاااني ويتمشى بكل برووود والله قهر بتقولون ناخذ اغراض والله ان كنت هناك نص الشباب يدور المكان 100 مره
صح كلامج