مختفـــــــــي



هيه و الله صدقــك ..

ما شاء الله عليهـم الثلاثي : صاحب التميـز .. بنت الخليج .. سري للغايـه ..

ما عليهم قصــور على مجهودهم الطيـــــــــب ..

الله يجزيــهم كل خيـر ان شاء الله ..

هلا بك زود أخويــــــــــه ..

يمــــــي يمـــي .. تسلم ع الضيافـــه اللذيـــــــــذه

ههههه خذ راحتــك مـــــــــــره ..

حيـــــــــك الله و رسولــــــــــــــــــه

تسلـم و الله .. ما عليك قصــــــــور ..


بســـــــــم الله ..

التخصص :

- سبب اختياركِ له . و إن أردتِ اختيار غيره فما هو خياركِ ؟!

تخصصي : تربيــه .. إنجلش ..

بالنسبــــــــه لكليــة التربيه : مثل ما يقولون مجبـــر أخاك لا بطـــــــــل ..

الأهــــــــل .. في عندهـــم قاعده .. يا نشتغل و يا حريـــم يا ماشي شغـــــــل ..

عشان جيـــــــــه درست التخصص اللي أقــدر أستفيــد منه بالمستقبــــل ..

و أتوظـــف من وراه ..

و طبعــــــــــــــــا شي أكيــد أدرس يهــــــــــال من ( صف أول ليـن خامس ) ..

لإنــي ما أحــب أدرس كبــــــــــار

و الماده : اللغــه الإنجليـــــــزيه : لإني أحب ها الماده و أفضلهــا عن باقــــــــــي المواد ..

و إذا بختار تخصص ثانــــــــــــي .. ما حطيت شي فبالي من البدايــــــــه ..

لإني عارفه إني ما بوصل له .. خخ ..

بس كنت أباه شغل مكتب و أوراق و بس .. أريح من هم التربيه و بلاويهـــــــــــا اللي سنه عن سنه تزيـــــــــــــــد و تتغيـــــــــــــــر *.* ..

- مدى استفادتكِ منه في حياتكِ ..

نحن ألحيــــــن في عصــر تحول فيــه كل شي للغه الإنجليـــــــــزيه .. صح ما أتقنهـا 100 % حتى لو تخصصـــي .. بس أكيــد عقب الخبـــــــــره لسنوات جدام ان شاء الله ببدأ أتطــور فيهـا للأحســـــــــــن ..

مثل ما يقولون : مواكبـــــــــة العصـر بتعلم و إتقان اللغه الإنجليـــــــــــزيه بس طبعـــــــا ما يأثر ها الشي على لغتنا الأم .. لغة القرآن الكريـــــــــــــــم .. اللغه العربيــــــــــه ..

- أقرب المساقات ( أو المواد ) إلى نفسكِ ..

تبا الصراحــــــــــــــــــه .. من زود ما عطونـــــــــا مساقات مالها داعي .. يعني مب من تخصصنـا .. كنت أحفظ و أمتحــــــــــــن و عقب كل شي يــــــــروح .. للأسف في الجامعـــــــــــه ما اهتمــــــــوا في تطويـــر اللغه و كيفيــة التحدث صح .. صح في مساقات بس قليلــه جدا من ها الناحيـــــــــــــه .. و ها الشي السلبي اللي ما حبيــته ..

كانت تعيبني مساقات البيئه الصفيــــــــــــــه .. و الإداره الصفيــــه .. مساقات تطرح كيفيـــة التعامل مع الطــــــــــــلاب بشكل صحيح .. و الوسائل اللي نستخدمهـــــــــــا لجذب الطلاب للعلــم بطريقــه حلــوه ..

حبيـــــــــت آخر كورس وايـد : كورس التدريب لإني طبقت اللي تعلمتــــــــــــه .. و درست صف ثالث في مدرسه من مدارس العيـــــــــــن .. و لإن المشرفه اللي من المدرسه و كانت تشرف عليه .. ما شاء الله عليــــــــــها علمتني أشيــــــــــاء وايــده ما ركزوا عليهـا فالجامعـــه ..

ربي يحفظها و يوفقهـا ان شاء الله ..

- أكثر المساقات استفادة بنظركِ ..

المساقات اللي تعلمنــا الــ skills الأساسيـــــــه فاللغـه الإنجليـــــــزيه .. و لو إنها كانت تفتقــر للغــه بشكل أساســـــــــي ..

و مساقات البيئــــــــــه الصفيـــــــــــه ..



اللغة الأم :

- بتنا نسمع كثيراً في السنوات التي مضت عن اعتماد اللغة العربية مادة أساسية في دول غير ناطقة بها (خصوصاً أوروبا و أمريكا ) و أصبحت إحدى أكثر اللغات إثارة للاهتمام لديهم .. ما رأيكِ بذلك؟ وإن حدث وقابلتِ شخصاً في يوم من الأيام يتحدث العربية بطلاقة منقطعة النظير قد تكون أفضل مني و منكِ .. فما هو موقفكِ ؟

تصـدق أنا أول مره أسمع عن ها الشي منـك

للأسف شي يقهــــــــــــــر إن دولتنــا نحن تراجعت في ها الشـــي .. و أصبحت تركز ع اللغه الإنجليزيــه أكثــر .. صح تطــــــــــور .. بس لازم يكون في حدود الحفاظ ع اللغـه الأم .. >> هاي بشكل عام أرمس عنهـا ..

بخصوص سؤالـــــــــك ..

من وجهة نظري الخاصه : الغرب عندهم قابليـــــــــه أكثر للتعليـــــــــــم من العــرب .. مع إن العـــرب هم اللي بدوا في الإختراعــــــــــــــــات .. يت فترة علمـــــــــاء العرب في الماضي و قفـــــــــــوا بعد وفاتهم محــد كمل وراهم المشــــــــوار .. إلا القلــــــــــه القليلــه ..

و بدأت التطورات و الإختراعـــــــــات في الغــرب .. لإنهم يستغلـــــــــــوا الفرص .. و المواهب اللي تكون عندهــــــــــــــم و ينموهـا بالطريقه الصح اللي تفيدهــــــــم و بنفس الوقت تفيــد بلدهــــــــم ..

و لو يـــــــــت على تعلم اللغـه العربيــه و إتقانهـا من قبلهـــــــــم الصراحه ما بستغرب ها الشــــي ..

لإن دافعيــــــــــــــتهم إيجابيـــــــــه و تختلـــف عن دوافـــــــــــع العـــرب السلبيـــه ..



الثقافة :

- حيّز المواضيع العلمية .. أو البرامج الثقافية من علمكِ أو ثقافتكِ ..

للأسف أقولها و بصراحــه أنا ما اهتـم بالثقافــات و المواضيع العلميــه وايــــد ..

أحيــــــــــانا .. اتينـــي فترات أحب أتصفح النـــــــت .. سواء منتديات و لا مواقــع ثانيـــه ..

و أتصفحــــــــها .. بهدف التصفح و القراءه بـــس ..

البرامـج العلميــه : تقدر تقول إني أحصرها ع المسابقات بس اهتمامي فيهـا مب لهـاك الزود ..

>> مول مب مثقفه الإخــــــــــــت

- نوع الثقافة المحبب إليكِ ..

الثقافه الدينيـــــــــــه : أحب أقرأ قصص .. مواضيــع دينيـــــــــــــه ..و إذا استدعــى الأمــــــــر أناقــــــــش و أكتب مواضيـــــــــــع من مفهومــــــــــي لأشياء أقراهــــــــا و أحب أفيــد غيري فيهـــــــــا بطريقتـــي الخاصـــــــه ..



من واقع الحياة :

- حدث و أن هيأ الله لكِ إنساناً غير متوقع عمل على قضاء حاجة لكِ ..

هيـــــــــــــــــــه ..

ها الشخـــص ساعدنـــي بتخطي أمــــــــور كثيــره .. و فتح لي المجــال .. بإني أفيــد و أستفيــد من غيـــري من خلال مشاركاتــي في النت .. يعني دخولي للنت في البدايــه كان مجرد التسليــــــــــــه و السوالف بس ..

بفضل رب العالميـن و من عقبه تشجيع ها الشخــص لي .. اكتشفت إن عندي أشيـاء ما كنت أعرف إنهـا موجوده فينــــــــــي و قمت أظهـــــــــرها .. عشان أستفيـد و يستفيـد غيــري فيهـــــــــــــا ..

مثال بسيـــــــــط : الشخص هذا هو اللي شجعني ع كتابة المواضيع بطريقتــي الخاصــه ..

بتقول ها الشــي عادي و بسيــــــــط .. بس من وجهة نظري أنـا .. استفـــــــــــــدت أشيـــــــــاء وايــــــــــــــده .. و مستحيــــــــــــــــل أنسـى فضــــــــــــــله عليــــــــه ..

الله يحفظه و يوفقـــه منو ما كان و ويــــــــــــن ما كــــــــــــــــــان ان شاء الله

- أحسست يوماً بلحظة قوية تأثرتِ بها مما يدل على عظيم رحمة الله بعباده ( إن أردتِ ذكر موقف ) ..

هيـــــــــــه .. كنت بعدني صغيره .. على أيام المدارس .. بس ما أذكر أي صف بالضبـــط ..
يوم تساقطت فيه حبات البرد بشكــــــــــــل قوي و كانت صغيـــــــــــره ..
انقطعت الكهربا .. و يوم ماطـــــــــر .. و كان الوقت فالليــــــــل ..

سبحــــــــــان الله ..

تسمع صوت شي قـــــــــــــــوي ياي من تحــت .. و ياي صوبكــــــــــــم ..
ما أدري ليش لحظتهـا على الرغم من صغـر سنـــــــــي .. إلا إني ويا ها الموقــــــــــــف ..
تخيلــــــــــــــت يوم القيـــــــــــــامه .. و الجنــه و النـــــــــــار ..

هاك اليـــــــــوم الناس فرحانه و أنا أصيـــــــــــح لإن تفكيري كان منحصر على أهوال يوم القيــــــــــامه ..

لحظات أثـــرت فينــــــــي .. و حسيت فيهـــــــا بعظمة الخـــالق .. و موقف بعده لين يومك يتكرر في إذنــي ..

سواء صوت حبات البــــــــــرد القويــه .. و لا صوتـــي أنا يوم أصيــــح ..


بالعكـــــــــس حبيت الإسئله وايـــــــــد .. لإنها ذكرتني بأشيــــــــــاء جدا جميلـــــــه ..

و لإن أول مره تنطرح لـــي أسئله بها الشكـــــــــــــل ..

و أتمنى إني كفيــت و وفيت بالإجابــــــــه على أسئلتـــك ..


و يحفظـــــــــك و يوفقــــــــــك يــــــــــــــارب ..