مرحبا ..

اسعد الله صباحكم / مساءكم بكل خير

من وجهة نظري وان حسبناها بناحية العقل بعيداً عن العواطف نحصل ان الانسان اهون له ان يكتشف في يوم من الايام حقيقة الشخص اللي مخدوع فيه اهون من انه يعيش طول عمره ضحية كذبه .. وضحية صديق مزيف

صحيح ان هالنوعيه كثار و ان الموضوع محزن مؤلم مبكي ولكن الله تعالى خلق فينا نعمة النسيان .. وماتوقف الدنيا على روحة انسان وانا عندي قناعه انه اذا اسقط قنااع احد الاشخاص في يوم ما وظهر لك بانه كان مجرد منافق بوجهين حتى ان كنت قد عطيته ثقتك وحبك وتقديرك واحترامك و ف يوم شفت انه ماايستااهل وانه مب قد الثقه ومب قد المخوه لاتندم لانك تعاملت معاه بطيب اصلك فالمنطق يقول انك انت الاقوى ..

انت راح اتكون الاحسن قدام الله تعالى وقدام الناس بعكسه هوه اولا :
(لعن الله المنافق ذو الوجهين)
ثانيا : راح تهتز صورته في عين الناس ، راح يقلون ربعه لانه البقيه بيفقدون الثقه فيه
راح يكون غير مقبول بوجوده بينهم .. والكل بيتحذر منه ومن مخالطته ومن مجالسته

ففي كل الاحوال انته بتكون كسبان ايقولك من يضحك اخيرا يضحك كثيراً
اهم شي انك انت تصدق مع نفسك ومع الناس ومع الله سبحانه وتعالى وتعامل الناس حسب ما امرك دينك وحسب ما امرتك عاداتك وبتكسب حب وتقدير الكثيرين .. وبتمشي مرفوع الهامه لاتشوبك شائبه ..

هذي من وجهة نظري و مجرد اضاافه متواضعه على كلام اخواني اللي كفوا ووفوا

قواكم الله

منصور ..