|
ممكن نتكلم بالموضوع هذا أكثر
في البداية
لا يازمن
لا يازمن
مو هذا انا
هذا انا وهم
هذا انا هو انا
مافي انسان عرف يفهمني
اشلون اخوي ماعرف قصدي
اشلون بكل سهولة قدر يظلمني
اشلون بكل سهولة قدر يجرحني
ليش قارن افكاري بباقي الناس
وين الوفا وين صدق الاحساس
وين الاخوة الاغلى من الالماس
ابنشدك يا اخوي ويا حبيبي
لا مني حبيتك واشهرت حبي لكل البشر
قلت هذا اخوي وهذا حبيبي
وانشدك يا اختي ويا نظر عيني
لا مني اشهرت حبي لك لكل البشر
وقلت هذي اختي وهذي اغلى احبابي
وانشدك يا يمه ياللي ولدتيني
لامني حبيتك وانتي اغلى من عيوني
واشهرت حبي لك قدام كل البشر
واسالك يا صديقي ويا رفيقي
لامني حبيتك واغليتك وفديتك بروحي
واشهرت حبي لك قادم كل البشر
ليش البشر ما ظلموني مع اخوي واختي وامي بحبي لهم
لكن انتي يا صديق الروح فيك ظلموني
ليش قالوا عنا كلام شين في الحب الوافي
ليش ما جربوا الحب الصدوق اللي فيه الوفا بدون ماآسي
ليش ظنوا فينا ظن الدناءة وما رضو يفهموني
هذا تفكيركم يا يا بشر
الله يخلف علينا بناس ماهم بشر
ناس يعرف الحب والصدق والاحساس
ناس تعرف معنى الصداقة والاخوة الغالية مثل الالماس
--------
في الأخير أقووول
شو الحل النهائي لنسيان الألم والجراح والفراق
لين متى بنضل ساكتين وكاتمين الهم والحزن والجرح في قلوبنا
لين متى بيتم الطرف الثاني عديم الإحساس وبليد المشاعر ويعتبر ربيعه أو إخوه في الدنيا لعبة يلعب إبها وقت مايبا ويفره ويختار له لعبة يديدة ثانية ( إنسان ثاني )
جرح المشاعر .. جرحٌ نازفٌ يرفض التوقف .. جرح كلما التأم عاد ليُفتح .. جرحٌ كئيب حزين بغيض
الجرح في الألم البدني يمكن رؤية الجراح و الكدمات أما الألم العاطفي فهو يخلف في الغالب القلق و الحزن والهم والوحدة والخوف من تكرار الصداقة وعدم الوثوق بالناس
---------------
كل واحد يطربنا بإعترافاته الأخيرة
أبدأ بنفسي
أنا صارلي من كمن إسبوع هالموقف من كمن إسبوع خسرت إنسان عزيز وغالي على قلبي
طبعا تركني بدون سبب
لكن ماأقول غير الدنيا دوارة
وكما تدين تدان
يلا دوركم بس قلبي عورني
أخوي أول شي اقول لك .. الحياة ماتوقف على انسان
بس صدقني ماشي فايدة انك تكتم اي شي بخاطرك .. بالعكس خلك صريح ويا اصحابك ..
واللي بيزعل من الصراحه يعني مايعتبرك صديق وصاحب
وبعدين النسيان نعمة من رب العالمين وكل شي ننساه لو فكرنا بطريقة ايجابية
" الخيرة فيما اختاره الله "
المشاركة الأصلية كتبت بواسطة spiderrak
إمممم
كلامك صحيح يإخوية
وأنا إنسان ولله الحمد لله صريح وماأجامل ولا أنافق
لكن هذا النصيب
عموما وأكيد الله عطانا نعمة النسيان لكن مب كل شي ننساه ياإخوية
عشرة العمر والعيش والملح ماأظن الواحد يقدر ينساها وخصوصا إذا كان إحدى الطرفين وفي ومخلص
عسب جذا إذا غيري نسى عشرة العمر معاية والعيش والملح هذا يدل على ضميره
أما أنا وأعوذ بالله من كلمة أنا .. ولله الحمد ماأنسى عشرة العمر ولا أنسى العيش والملح
وفي مثل يقولون عنه العيايز ماتهون العشرة إلا على ولد الحرام يعني المقصود ولد الحرام مب من يابته أمه ولد الحرام من كل ونكر وعلى ماأعتقد هالشي معروف عندنا نحن كإماراتيين
وسلامتك
والحمدلله على كل حال
اللهم لاإعتراض
صعب صعب حد ينسى .... وحتى لو حاولت تنسي يمكن بعقلك ولكن بقلبك لا ....
واصعب شي حد يتركك بدون مايخبرك شو السبب ... واذا رحل تظل طول عمرك تذكره وتسأل شو السبب ؟؟ وليش تركني ورحل من حياتي ؟؟ مع انه صديقي ورفيق دربي...
واذا عرفت السبب ترتاح حتى لو انت غلطان اهم شي سمعت السبب حتى لو السبب سخيف... ويمكن في طرف آخر كرهه فيك لازم تبرر ... ولو هو صديق ورفيقك يحبك ويخاف ع صداقته معاك كان واجهك ... ولازم نحاول نحاول ننسى .... هذه مشكلتنا مشكله القلوب الحساسه مثلنا عمرنا ماننسي ...
وتسلم على الموضوع ...
السلام عليكم أخي,
يمكن كلامي ما بيعجبك لاني ما رح أواسيك
انا بقلك انت الغلطان والحق عليك لانك ما عرفت تختار الصاحب ولا الاخ
انت الي عطيتو مكانة بعقلك وقلبك اكثر مما يستحق
انت الي سمحتلوا يتوطن بحياتك وياخذ من وقتك جزءكبير ويمكن هذا على حساب ناس ثانيين يستحقوا صحبتك اكثر
انا اسفة بس انت يا أخي الي ما عرفت تميز بين الزين والشين
وانت الي ما عرفت تقرأ بوجهه انت شو بالنسبة له وليش ماشي معاك
واسمحلي اعاتبك مو لانك صريح وحكيت على مشكلتك لا بالعكس لكن لانك رجل وانا اعرف انه الرجل ما يندب حظه ولا يتاثر هالقد على شيء ضاع منه
حتى تعيش مرتاح حاول تنقص من الحساسية والعاطفة الي عندك
اتذكر انك رجل والرجال ياما تمر عليهم ظروف ومواقف تهد جبال لكن الله عطاكم بنية وعقل وقلب قوي ماشاء الله حاول تستغل هالنعمة وتتدرب على القوة ورباطة الجأش و الدنيا هذه انتظر منها الكثيييييييييييير
اعتبر الي مر عليك مجرد درس صغيرون
خليك دائما يقظ وجاهز للاقوى حتى لا تتفاجأ مثل ما حصلك هالمرة
ثقتك لا تعطيها لكل من هب ودب .... بتندم
سامحني اذا جرحتك بكلمة لكن والله شاهد انا اعتبرتك اخي (وانا ما عندي اخ)
وتالمت لقصتك لانه بكلامك جرح كبير ما تداويه السنين
ثانكس عالتجاوب إختي
ومشكلتنا إن قلوبنا طيبة زيادة عن اللزوم وصعب ننسى عشرة العمر
والحمدلله على كل حال
وشكرا
مشكورة شهرزاد راك
على ردج وصراحتج
وبالعكس مسموحة بالحل وكلمة الحق لازم مانزعل منها لازم نتعلم منها
وهذي قرصة لازم أتعلم وأستفيد منها
وأحطي ألف حساب وحساب للأيام اللي ياية
والحمدلله على كل حال
ومشكورة ياإختي كثير على ردج الجميل والصريح
يزاج الله خير
ضوابط المشاركة
رد مع اقتباس