اقتباس المشاركة الأصلية كتبت بواسطة لاتهتم مشاهدة المشاركة
السلام عليكم

اول شي بغيت اعلق ع الموضوع وعلى ردودكم بارك الله فيكم



انا من رايي ان النقد لازم يكون عن الناحيه الفنيه للاعب مب الشخصيه والي كتب الاستراحه وغيرها تراه يقصد انه يجرح ياسر من خلال قضيته بالاستراحه

وواضحه وضوح الشمس واذا ماكان جي ليش بدلو العنوان عقب

وبعدين هو قاعد بالاستراحه وبالشارع شدخل امه الناقد بالسالفه ينقد اللاعب داخل الملعب ماله حق بحياته الشخصيه

ترى النقد هالزمن صارت وقااااحه وقلة ادب

عفوا يا اخويه لا تهتم على ما اعتقد انا في الامارات

ما احيد انا في السعوديه يعني طبيعي بنستخدم مسطلحاتنا في الكتابه

وما فيه اي عيب في مسطلح استراحه في لغتنا ولا حتى في دولتنا

الى اذا بتلعب وبتغير الكلمه وبتحولها للهجه السعوديه او الكويتيه هناك بيكون لها معنا ثاني

والعروف انه الصحافه في كل دوله تعتمد على معنا الكلام والمسطلحات المعروفه في دولتها

واذا كنا لازم ننتبه على معنا الكلام ليش ما نعلق او ننتقد على كل لاعب بلغته عشان ما يطلعلنا

باجر واحد يقول لا الكلمه الي قلتوها لها معنا خارج عن الادب عندنا ...هل هذا الشي بيرضيك مثلا ؟؟!!
بس مستحيل هذا يصير ..


ثاني شي الكاتب كتب هذا الكلام بسبب التفائل الكبير الي صاب الجمهور العيناوي

بقولهم انه ياسر ويانا وبيبدع ونفخو اللاعب زياده عن اللزوم وفي المباره الاولى

ما بان حتى بربع مستواه مع احارامي كان اغلب وقته واقف وحركته بطيئه

كانه بطاريته مخلصه وهذا يسما تشبيه فما قام به الصحفي بوصف حالة ياسر انه كان باستراحه

اي مرتاح في المباره ما بذل مجهود وهذا معناها عندنا في الامارات اما اذا كنت تبا تغير معناها

على حسب دولة اللاعب هذا كلام ثاني
تحياتي البزي