شو السالفة ؟؟ يبون صورة الجواز بدون حجاب !

[حرم علي]

اللي يعرف حد يشتغل في الجنسية الجوازات في بوظبي , ابغيه يستفسر لي عن شغله اصدمتني
سمعت يقولون ان الحين اللي بيجدد الجواز لازم يكون نص الشعر ظاهر من جدام بمقدار 3 انج
وهذا نظام كندي يديد !! ابغي اعرف السالفه صدق والا لا ؟
لان جوازاتنا صادرة من بوظبي , ومستحيل أجدد الجواز إذا هالنظام اجباري
ردوا علي ضروري

[قطرة من الأمل]

والله ما أدري يا أختي
أول مرة أسمع عن هالنظام

يمكن يكون إشاعة

أو يمكن يبون يعرفون البنت اللي في الجواز فيها شعر ولا صلعة
ههههههه

اسمحيلي والله ما عندي غير هالتفسير

[عيناوية حرة]

مستحيل مابيطلبون من المسلمين هالطلبات
وان شاءالله حد يفيدج

[غصن الورد]

ما أعتقد أن ولاة الأمر فى لبلاد ستسمح بهذا الأمر
اللى يبغى ينفذ ويطبق هذا الشئ ومتعود شى يرجع له
ولكن فى حال صدر هذا الأمر كثير من الأشكالات وبلبله ستحدث والأمر بيكون صعب أن الواحد يجدد جوازه هذا جواز فى الدنيا ولكن من سينجى من جواز الآخره

وممكن تكون أشاعه يديده ويا مكثر الأشاعات هذى الأيام

[حرم علي]

ما أعتقد أن ولاة الأمر فى لبلاد ستسمح بهذا الأمر
اللى يبغى ينفذ ويطبق هذا الشئ ومتعود شى يرجع له
ولكن فى حال صدر هذا الأمر كثير من الأشكالات وبلبله ستحدث والأمر بيكون صعب أن الواحد يجدد جوازه هذا جواز فى الدنيا ولكن من سينجى من جواز الآخره

وممكن تكون أشاعه يديده ويا مكثر الأشاعات هذى الأيام

مادري والله يا اختي عسب جي انا ابغي اتاكد من هالخبر
وحده من بوظبي سارت اتجدده وردوها مرتين عسب انها متحجبه عدل
اونه لازم اتكون كل اليبهه طالعه وما يغطيها الحجاب !!
يعني لازم يوم تتصور اطلع ربع القصة
لو السالفة صدق , والله ما اجدده والله , لأتم بدون جواز طول عمري

[✖ۈهمـ✖]

ههههههههههههههههههههههه

ياخي انتو ع طولـ اتصدقون كل شي ..

يقولولكم لا تتكلمون إلا اذا شفتو الخبر في الجرايد في التلفزيون في الاذاعات .. الخ ..

يعني خبر متأكدين منه مبـ سمعنـآ ..؟؟؟

بالعقل يعنيـ .. بيطلعون شعـرنا شو هالمخ .. اكيد لآ ومليووووووون لآ ..

ممنوع الشعر يطلع .. بس ويهج ترااا ..

[حلو الاطباعي]

الله أعلم..بس ماظنيت

[نقيب الأشراف]

ســـــــــــــــــــــــــــــــــؤال :
منو يذكر شو كان أول ماصدرت الجوازات يحطون
-ولآأقولكم خلوني أجربها أكثر - ((يكتبون)) مكان الصوره
للحريم ؟؟

[حرم علي]

ســـــــــــــــــــــــــــــــــؤال :
منو يذكر شو كان أول ماصدرت الجوازات يحطون
-ولآأقولكم خلوني أجربها أكثر - ((يكتبون)) مكان الصوره
للحريم ؟؟

مكتوب محجبة
او معفي الصورة
يا خوي هذا قبل زمن يدتي , مب الحين زمن العولمة

[أم حنان]

مستحيل ......
اكيد اشاعات .