حمص احلى من مطعم الصحاري

[حرم علي]

ماا شااء الله علي ,, ما شاااء الله ,, تف تف تف , عن احسد عمري
سويت هالطريقة واضبطت عندي من اول مره , صدق اطلعت خطيرة



المقادير

2 علبة حمص ( نخي ) او ( دنقوا )
فنجان عصير ليمون
فنجان زيت زيتون
ملعقة صغيرة ملح
كاس صغير طحينة
فنجان ماي

للتزيين

بقدونس مفروم
فلفل احمر ناعم

الطريقة

فوري الدنقوا في ماي حار لمدة 10 دقايق
صبي كل المكونات في الخلاط , واخلطيه لين يختفي الحمص
اذا استوى الحمص سميك صبي شوي ماي وطحينة
واذا استوى الحمص وايد سائل زيدي عليه شوي دنقوا
صبي الحمص في صحن مدور , وسوي حفره في الوسط
صبي داخل الحفرة زيت زيتون , وكم حبة دنقوا
وزيني الحمص عالجوانب بالبقدونس المفروم , وذرة من الفلفل الاحمر

وعليكم بالعافية

ملاحظة : بتحصلين شرات هالصحون في اسواق الامارات

[الحالم]

مطعم الصحاري أسعاره معقولة مب نفس
القيصر والصوفي حتى الخبز بفلوس ويقول
لك كم حبة زيتون تبا,لأن كل حبتين بدرهم
أما حمصج غييير يا حرم علي,,

[نبض انسان]

تسلم بس انا من محبى المتبل اكثر

[حرم علي]

تسلم بس انا من محبى المتبل اكثر

شراتها بالضبط بس بدال الدنقوا حطي باذنجان محروق بس

[حرم علي]

مطعم الصحاري أسعاره معقولة مب نفس
القيصر والصوفي حتى الخبز بفلوس ويقول
لك كم حبة زيتون تبا,لأن كل حبتين بدرهم
أما حمصج غييير يا حرم علي,,

صدقت قصير وايد غالي , طلبنا صحن عيش و ربيان وكم خبزة طلع علينا 280
و من يومها حرمت اشتري من عنده , اطبخ بروحي احسن

[وفوي المطاف]

احنا شغالتنا تسوي نفسه بالضبط

شكرا لج

[الحالم]

[quote=وفوي المطاف;1059419802]احنا شغالتنا تسوي نفسه بالضبط

شكرا لج
لا يكون شغالتكم منال العالم وأنا مادري
أكيد هي إشتغلت في السعودية ولبنان
لا تا كلين وايد عقب ماتقدرين تقومين من مكانج,,هههههه

[ماروكو]

يم يم شكله روووووووووعة
مشكووووووووووورة عالطريقة