مع احترامي لكل اللي ردوا

انا استغربت من الهجوم الل قام ع البنات اللي يصورن و يشلن كاميرات !

يعني معقوله الحين كل البنات اللي شلوا كاميرات نسوا عاداتهم و تقاليدهم !
في كل مكان الشين و الزين .. و انتوا ما تقدرون تعممون ! دوووووم نشوف بنات يصورن باماكن عامه و هن بكامل حشمتهن !!

و لو قصدكم ان اللي يشلون كاميرات يخالطن الرجال ! ترى هالايام الاختلاط في كل مكان ، مكان فيه كاميرات او مافيه !

يعني الحين خليتوا اللي يشتغلن فالوزارات و السفارات و ييتوا على اللي يصورن .. ترى الاختلاط استوي في كل مكان ..

انت لو قصدك تنبه البنات من الاختلاط ، ياخوي ترى الاختلاط استوى شي طبيعي ! مب لازم تدور لك علثه غريبه عسب تسند كلامك عليها !
الاختلاط ندري انه غلط .. بس بعد صح لو كانت البنت ملتزمه باخلاقها و احترامها !

ماعرف ليش هالفكره عن الاعلاميين !!
يمكن لنه شي يديد .. بس لو فكرتوا بنطاق اوسع بتلاقوون وايد تصرفات تطلع من مهن انتوا تحسونها ان اللي يمتهنونها ملااااك !!
مثلا المدرسه !!
في مدرسات يوم تشوفهن تقول و النعم ،، و في مدرسات من يعرفون انه في نشاط خارجي مشوا على مثل " من دق طبله قال انا قبله " ! ما شفتوا بعض المدرسات فالاحتفالات و المهرجانات يخالطن الرجال بصوره كبييييره ! بشكل يخلينا ناخذ فكره غلط عنهم !


و لو قلنا انه مب عايبنك سالفه الكاميرات و التصوير ! ليش ما عممته على الشباب بعد ! والا انتوا بس تهتمون انه هذا ولد حلال و هذي بنت حرام !! لاتنسوووون انه يوم القيامه كلنا بنتحاسب بالتساوي عند ربنا .. ذنبي و ذنبك واحد ، حسابنا ، واحد ..

انتوا ترمسون دايما من طرف العادات و التقاليد و تنسون ربكم !!
لنه ياهل الخير تهتمون فالخلق اكثر من الخالق !

دامه شي ما حرمه ربي محد له حق يرمس .. دامنا بنسويه صح و ما بنتعدا الخطوط الحمرا .. محد اصلا له يفكر انه يرمس ..