دونات حرم علي

[حرم علي]

احس اني من زمان ما دخلت المطبخ .. من الهيازه والكسل اللي فيني
وكل يوم اكلنا من المطاعم ,, لين لاعت جبدي منه
اليوم تنشطت وقمت من الصبح وعجنت الدونات
وصورت لكم الطريقة
طبعا هالمقادير لثلاث اشخاص ,, اذا تبغين تزيدين عليها كيفج

المقادير

3 كاسات طحين _ فنجان شكر _ ذرة ملح _ بيضتين _ حليب _ زبده او سمن _ ملعقة صغيرة جرفة
ملعقتين روب _ ملعقة صغيرة خميرة فورية ( فرنسية ) _ زيت _ ماء نص لتر للعجن

الطريقة

ننخل الطحين مع الملح . ونحط الخميرة والشكر والجرفة ( يعني المكونات الجافة )

نحط باقي المقادير

السمن او الزبده , والبيض المخلوط بالحليب والفانيليا , والروب

اعجنيها بالماي بس شوي ,, واذا حسيتي انا تلصق اعجنيها بزيت ,, ولا تزيدين الماي
وخليها تختمر لمدة ساعة او اكثر

هذي صورة العجينة بعد ما اختمرت

كوري قطعة صغيرة من العجينة ,, وافرديها بالنشاب __ حطي طحين عسب ما تلصق
قطعيها دوائر بالقطاعة .... انا ماعندي القطاعة واستخدمت كوب الحليب (( اخترااع ))

وقطعيها من الوسط (( استخدمت غطاة الدغوس )) خخخ عالاقل تأدي الغرض

خلصت التقطيع و تركته 10 دقايق .. عسب تنفش وتختمر زيادة

نسخن زيت غزير في التاوة

لا تقلبينها الا بعد ما تنفش في الزيت

حطيهم على ورق النشاف عسب يتشرب الزيت ,, ورشي عليهم شكر مطحون مخلوط بجرفة

وهذا شكلها النهائي

وبالعافيه عليكم

[9amt el8alb]

يعطيج العافيه فديتج ...
سلمت يمناج عالدونات و التصوير ...


من زمااان ما اكلت .... ابي يم يم يم ....



دمتي بخير و عافيه ^^

[نبض انسان]

هلا والله يا عيني علي الدونات أنتي شراتي انحط ها الفانيلا ..
يالله بعزم نفسي وبيج

[فديت غرووري]

تسلم يمناااااج على الدوناااات


ابغي ....منهم

بالعااااافيه عليكم

[حرم علي]

نبض انسان وفديت غروري , حياكم الله لو كنتوا قريب مني طرشتلكم

[حرم علي]

يعطيج العافيه فديتج ...
سلمت يمناج عالدونات و التصوير ...


من زمااان ما اكلت .... ابي يم يم يم ....



دمتي بخير و عافيه ^^

الله يسلمج أختي ... حياج اتفضلي

[ابو نهيان]

ياااا الله خلاص بتحول الشارجه
بسكن هناااك وانتي يااا اختي حرم علي
مااااتقصرين كل يوم طرشي لي من هااا الاكل
الغااااوي والحساااااب اخر الشهررررر
خخخخخخخخخخخ

[حرم علي]

ياااا الله خلاص بتحول الشارجه
بسكن هناااك وانتي يااا اختي حرم علي
مااااتقصرين كل يوم طرشي لي من هااا الاكل
الغااااوي والحساااااب اخر الشهررررر
خخخخخخخخخخخ

حياك الله اخوي بو نهيان ,, وفاااالك طيب بنطرشلك من اكلنا كل يوم
ومابا بيزات . انا مب عاشق الطقس

[عاشق الطقس]

امممممم حلو كتير اوي

يسلموووو هالديات

بارك الله فيج يا شفتنا ننتظر اجمل الطبخات اللزيزه

لا تيوعونا وايد كسرت الرجيم بسبب الكلات خخخخخخخخخخخخخخ

[عاشق الطقس]

حياك الله اخوي بو نهيان ,, وفاااالك طيب بنطرشلك من اكلنا كل يوم
ومابا بيزات . انا مب عاشق الطقس

ما عليك منها كلام بس

اول يوم وثاني وثالث بعدين بيكون ببيزات

نفس دعايات العاب بالنت اول اسبوع او شهر وبعدها يكون بفلوووووس

انا فقير مسكين ...البيزات اللي باخذها بحطيها ببطونكم لما ترجعون اش اش اش