مواطنات يُطالبن بضوابط تحدّ مــن زواج المواطنين بأجنبيات

[غزلان الشماليه]

لا حول لا قوة الا بالله
ربي يعطيك العافيه ع الخبر

[ابو ابراهيم]

اللي يقول ارتفاع المهور السبب!!
و اللي يقول مصاريف العرس!!
واللي يقول متطلبات المواطنة!!
و القائمة طويلة، لكن هل قام أحد بعمل استبيان موجه للمتزوجين من أجنبيات فقط؟ لأنهم هم الوحيدين اللي يعرفون ليش تزوجوا من أجنبيات، و أي حد غيرهم يحدد أسباب تكون مجرد نظريات ممكن تكون صحيحة إما بشكل كلي أو جزئي لكن احتمال الخطأ فيها أكبر.
لو تم حصر الاسباب من خلال سؤال المتزوجين من أجنبيات و من ثم تمت دراسة الاسباب و تم وضع حلول أو بدائل للأسباب اللي ممكن معالجتها، أعتقد بيتم التخفيف من المشكلة ولو بجزء بسيط.
أما بالنسبة لمعاقبة المتزوجين من اجنبيات فأنا أعتقد ان هذا الامر غير مناسب لأنه اللي تتزوج مواطن في النهاية بتتبع جنسية زوجها اللي هوه مواطن و بتصبح مواطنه و اولادها مواطنين

[L A W Y E R]

مع احترآمي . . هذآ كلآم فاضي !!

كيف يطالبون بضوابط تحد من زواج المواطنين من اجنبيآت ؟؟

السالفـه مب سالفة غلاء مهور و لا غيره !

الزواج يبنى على عدة أسس ، من هآذي الأسس التقبل . .

انا أعتقد إن هآذي حريـة شخصيـه ،

و محد يآخذ نصيب غيره ،

و العنوسـه مب عيب و لا عآر على البنيـه

هل تعتقدون فيهآ شي اذا المواطنه خذت لها وآحد من برع و عآشت ويـآه في بلآده ؟

انا بإعتقآدي لا . .

،

لآ المواطنه مكتوبـه بإسم المواطن

و لا المواطن مكتوب بإسم المواطنـه

،

حتى الإسلام مآ حرم الزواج من اجنبيآت ، أبآح الزواج من أي جنسيه كآنت !!

فـ انا ضد فرض ضوابط ،

دام الريآل مرتآح و يشوفها زوجه صالحه و مناسبه له ، ليش لا ؟؟

[*مسك الإمارات*]

هه المهر البنت لوخذت مهر شوي اخرته بيسيريدور على مايتسمون مكودات وانا بعيني شايفه قال خفوا المهر علثه وبس ويوم بياخذ من برا يالله ابغي فيزه حق اهلي بسافر حق اهلى ابغي هدايا حق الأهل بيقولون ليش هذا بخيل والله العظيم مواطن كان فالسوق يشتري حق اهل زوجتة هدايا ماركات ويقول لين الحين مخسر 50 الف هدايا وبعد باقي شوي والتذكرة ماتقل عن 5000 درهم لها وحدها بدون الاولاد ويالله بعد وبعد لو بنت لبلاد دافع 60 او 70 وايد عليهاولو بتخسر كله راد لبنت لبلاد ولا بعدابغي سيارة وشروط تاتي وكل ياولد لبلاد وياما شفت مواقف بس كم بنقول الله المستعان وبدون زعل والسموحة

[خيماويه 1]

[align=center]حرم علي شو سالفتج؟؟
ليكون انتي......؟؟؟


مسك الامارات صح لسانج ولي قلتيه نقطه في بحر وربي
ودوم اسطوانة الرياييل خاصه في مجتمعنا الحريم والحريم كيدهن عظيم وشرهن مادري شو بلاه
خاري ترا ماعندهم جذي للعلم يعني ورياييل بلادنا متخلفين جدامهم للأسف هذا واقع


والله انا اقول الله ايكافينا من شركم يالرياييل[/align]

[حرم علي]

[align=center]حرم علي شو سالفتج؟؟[/align][align=center]
ليكون انتي......؟؟؟


[/align]

أنا شو فديتج ؟؟؟؟؟؟
كملي , ليش حاطة نقط ؟!!!

فديتج انا واثقة من كلامي اللي كتبتة , ومب هامني حد , لا بنت ولا ريال ,,,
وهاي هي الصراحة , اللي مستحيل تعترفن فيها , اعذار البنات اقبح من ذنبهن
واتحدى ريال واحد بس يرد علي , و يقولي انا غلطانه


والله انا ما بصدع براسي في هالموضوع ,,
عساهن ما تزوجن طول عمرهن , انا شو لي ؟؟
بالنفاااد اللي ينفدهن ,, خل يخيسن في بيت اهلهن لين ينقع الشيب في راسهن ,
وساعتها خل البطره تنفعهن ... و عقب يركضن ورى الخطابات
هالشي مستوي جدام عيني , ما يبته من راسي وبكيفي

الحمد لله انا قنعت ب 25000 اللي فروها علي , ولا زادوني درهم , واقسم بالله اني ماخليت شي ما اشتريته , وبعد زاد منها , لا اتشرطت ولا تتطلبت , ولا هم يابولي شي ..... اللهم لك الحمد والشكر

والحين عندي بيت , وزوج , وعيال ,, وانتوا كيفكن
اطلبن واتشرطن ,, وخلوا الريال يطير عنكن
بيت اهلكن ابرك لكن

ولا تنسين اختي (( أقلهن مهرا , أكثرهن بركة ))


والسموحة منكم .... مابا أجادل حد في هالموضوع , مابغي اصدع براسي ..

المخوخ مصديه الله يهديهن

[غروب 77]

حرم علي اعصابج

[فريجاك]

من وجهه نظري :

انه المتطلبات اللي لازم الزوج يوفرها لزوجته كبيره وكثيره ..

مثل المهر و والعرس والهدايا الخ ...

يعني المفرووض يسوون توعيه حق الآباء بخصوص المهر وتكاليف العرس حتى الشاب يقدر يوفر حياه كريمه له ولزوجته ..

واغلب المعرسين عايشين بديوون وحالتهم حاله الا اللي ابوه او احد من اهله ساعده ..!

والمشكله انه مو ضامن حياته تكون سعيده مع زوجته فالمفروض الواحد يراعي هالشي ..

انا من رايي الناس تبدا بدايه جديده فاسعار المهور والكل يفهم انه الفرحه تكون بعد الزواج مو قبله ..

يعني الواحد اذا فلس قبل الزواج شو يسوي بعد الزواج بكوون مقهوور وكل مايشوفها بيتذكر شو السبب ههههه

وعسى الله يسهل علينا ..

شكرا عـ الخبر ..

[ريووووووف]

قبل إن يشترطن هذه الشروط التعسفية
المفروض المواطنون يطالبون بضوابط تحد من غلاء المهور و إن يتم حرمانهن بأشياء تقابل ما اشترطن .

..فعندما يطلب المرء شيء قد يخرج الانسان عن إرادته كحب شاب فتاة اجنبية هذا أصلا معارض ويسلب حقه الأول في اختيار من تشاركه حياته ..
إلا يكفي إن الله منحنا التعارف و إلاندماج ولم يحدد ذلك بقوله : "وخلقناكم شعوبا وقبائل لتعارفوا"....

إذا كان الأمر هدفه التقليل من العنوسه فالحل معالجة أسبابها وتأهيل الفتيات على تحمل أعباء الزواج :..

تحرم المواطن مستقبله لأنها أحق إنها تتزوجه لكن ما أسألت ما حقوقه هو وطلبات ورأيه فالموضوع...





..... رأي أصف مع الشاب المواطن
ؤبعدين يكفي ها الضغوط على الشباب.. اللي خلته يميل الى الزواج بأجنبيه سرا أو يميل الى العلاقه المحرمه..
قبل ان تضعين هالشروط يالمواطنأت قيسيؤها على إخوانكم وأبائكم
ؤبعدين ... آلحب والرغبه تلعب دور.. موؤ غصب. يتزوجج.
ومهما زادة الضغوط والشروط زاد عدد الطلاق ۋ العنوسه
وصح أنكم كلكم تندرجون تحت اسم مواطنين بـس تختلف الأصول .. وهذا يلعب دور
هل المواطنه الاصل ترضى تتزوج من عيمي ولا بلوشي ؟؟
ؤبعدين شروط أبوج وتحمليها مهر نص مليون ؤبعدين يروح يطر بالجمعيات الخيريه


لاتقولين السياره أحسن عني ..هيه أحسن عنج لانها توديه. لمصدر رزقه ....
لاتقولين الأجنبيه أحسن عني ..هيه أحسن عنج لأن صبرت عليه ؤبعدين كافئها بالفيلا ۋ السياره لاتقولين سحرته..
سحرته بتربيتها للعيال بصبرها بمسؤليتها تجاه البيت؟؟ فوق هذا. فيهن جمال


ؤبعدين ها نصيبج ليش تعترضين

موؤ غصب الزواج منج ولا تبيع نفسها و لا تعرض نفسها وتجبر المواطنين الزاج منكن
مع الشاب المواطن المظلوم
*ضد زواج الأجنبيات من مواطن لكن الحب و الرغبة تجتاح الضوابط و الشروط التعسفيه

[ريووووووف]

أنا شو فديتج ؟؟؟؟؟؟
كملي , ليش حاطة نقط ؟!!!

فديتج انا واثقة من كلامي اللي كتبتة , ومب هامني حد , لا بنت ولا ريال ,,,
وهاي هي الصراحة , اللي مستحيل تعترفن فيها , اعذار البنات اقبح من ذنبهن
واتحدى ريال واحد بس يرد علي , و يقولي انا غلطانه


والله انا ما بصدع براسي في هالموضوع ,,
عساهن ما تزوجن طول عمرهن , انا شو لي ؟؟
بالنفاااد اللي ينفدهن ,, خل يخيسن في بيت اهلهن لين ينقع الشيب في راسهن ,
وساعتها خل البطره تنفعهن ... و عقب يركضن ورى الخطابات
هالشي مستوي جدام عيني , ما يبته من راسي وبكيفي

الحمد لله انا قنعت ب 25000 اللي فروها علي , ولا زادوني درهم , واقسم بالله اني ماخليت شي ما اشتريته , وبعد زاد منها , لا اتشرطت ولا تتطلبت , ولا هم يابولي شي ..... اللهم لك الحمد والشكر

والحين عندي بيت , وزوج , وعيال ,, وانتوا كيفكن
اطلبن واتشرطن ,, وخلوا الريال يطير عنكن
بيت اهلكن ابرك لكن

ولا تنسين اختي (( أقلهن مهرا , أكثرهن بركة ))


والسموحة منكم .... مابا أجادل حد في هالموضوع , مابغي اصدع براسي ..

المخوخ مصديه الله يهديهن

بارك الله فيج حرم علي والله يكثر من أمثالج. .... عجبني كلامج والله يبارك لج ببيتج وعيالج