حظر حج البدل على الحملات والغرامة بحق المخالف

[نبض انسان]

انا مافهمت الصراحه

[مختفي]

انا مافهمت الصراحه

>> كتبت رد طويل، وللأسف طار ههه

انزين، ما أعرف شو هو اللي ما فهمتينه

بس أعطيج مثال:
واحد متوفى، الله ما كتب له أنه يحج
حد من أهله يبغي يحج عنه (يعني يحج بداله)

لو بيسير يحج بنفسه تراه أسعار الحملات غالية
خمسين أو ثمانين ألف درهم وأكثر

مب كل حد يقدر يدفع هالمبالغ

شو يسوي؟!
يروح لحملة من الحملات ويعطيهم المبلغ (مثلاً 2400 درهم)
بحيث هم يخلون واحد يروح يحج بدل المتوفى
>> يعني كأنه يتأجرون واحد لشغل
وطبعاً حج البدل أرخص بكثير في هذي الحالة


فهم شو يقولون ألحين: أنت ما تضمن أن اللي بيروح يحج عن المتوفى بيقوم بتأدية شعائر الحج كاملة أو بشكل صحيح
ويشوفون أن السالفة صارت تجارة وسمسرة أكثر من أنها أداء فريضة
***

ارجعي واقرئي الخبر مرة ثانية، وإن شاء الله تكون الصورة وضحت

إن شاء الله يكون هذا قصدج من السؤال
وإذا لا، عادي خبريني