امسحوا سجلات هواتفكم قبل الزواج..الهاتف المتحرك سبب 50 في المئة من الخلافات الأسرية..

[لاتهتم]

يعني المقصود ,,أن أي بنت كانت تغازل قبل العرس وعندها كم خروف أو كم حبيب ,,وكل ماتطلع مكان تطرش مسج أو برودكاست أو تتصل

حق الحبيب : حبيبي أنا طالعه السوق ويا أهلي ,,والخروف يرد ويقول : حبيبتي تغشّي في السوق و ديري بالج على عمرج وقبل ماتطوفين

الشارع طالعي يمين ويسار ( نفس مال مدارس لوك لفت أند لوك رايت كروس ذا رود هههه) أنتي جوهرة ولاتضحكين في السوق جدام الرياييل,,

(خف علينا يابرنامج الشريعة والحياة يا برنامج الدين والدنيا) وتمر سنوات وسنوات والبنت تتزوج وتخلي كم مسج في تلفونها ,,فيأتي

الطيب ويدفع دم قلبه ويتزوجها وعقب العرس هي ماعندها غير : ربيعتي عفرووه في مطعم في برج خليفة وربيعتي شمووه الحين

ساكنين ليلة وحدة في برج العرب ,, ياحظهم ,,وأنا يالسة في البيت ,,مالت عليّ وعلى حظي ( الريّال فلّس من هالعرس الخيالي )

وبعض الأزواج إذا الحرمة قالت : حمودي خاطري آكل من مطعم فلاني لأنه راقي ووجبة لشخص واحد 200 درهم ,,والريّال يفز

ويقول أنا أشتغل عشانج وأنتي حبيبتي روّحنا ,,وثاني يوم ,,حبيبي أبا أسكن ليلة في برج خليفة ,, آخر الشهر يي يسلف من عند

الحالم مئة درهم وعند بو عبدالله مئة وخمسين درهم حق البترول ,, وفي الصيف حرمته تقول : حبيبي قوم أخواتي يسافرون زيلامسي

وميونخ ,,والحبيب يأخذ سلفية ,,وبعد كل التضحيات ,,تي بنت الأجاويد وتقول أبا ساعة نفس أختي بـ 20 ألف درهم ,,

وعقب كم شهر ,,الحبيب المتيّم أستوى من مرتادي مقاهي إللي على كورنيش القواسم ومايرد البيت إلا للرقاد ههههههه ,,

كم أنت مسكين ياللي راتبك 20 ألف ومصاريف زوجتك 30 ألف درهم ههههه

أو تطلق بسبب مسجات أيام الخرفان أي مسجات قبل الزواج ,, أو لأنه فلّس من كثر مايلبي طلبات زوجته ,,

هو ماحدد بس البنات الله يهديك حتى الشباب ترى كل واحد عنده لسته بتلفونه وعاد اللي قلته عن البنت نقطه فبحر الخروف اللي يسير الشقق وغيره وغيره لاتبين الريال ملاك جدام البنت الشباب مب مقصرين ترى

وشكلك من مرتادي المقهى اللي ع شارع القواسم خخخ وشكرا

[الحالم]

هو ماحدد بس البنات الله يهديك حتى الشباب ترى كل واحد عنده لسته بتلفونه وعاد اللي قلته عن البنت نقطه فبحر الخروف اللي يسير الشقق وغيره وغيره لاتبين الريال ملاك جدام البنت الشباب مب مقصرين ترى

وشكلك من مرتادي المقهى اللي ع شارع القواسم خخخ وشكرا

أنا من مرتادي كورنيش القواسم مب مقاهي كورنيش القواسم,,أحب أمشي وأعيش حياتي لا تدخين سواءاً السيجارة أو المدواخ ,,ولا أحب أدخل مقاهي ولا كوفي شوب لأنها مضيعة للوقت والصحة,,بالعكس أنا كل ما أشوف واحد يدوخ شيشة أرأف بحاله,,أنا أحب أمشي سواءاً بحيرة خالد أو كورنيش القواسم وأحياناً كورنيش خورفكان يعني بتاع كله ,,إذا تباني أطلّع عيوب الشباب أنا حاضر ,, ولكن في شباب زعلوا لأني قلت : أنه يقص عليها ويقول لها ,,تغشّي في السوق ,,وأنا أغار عليج حتى من أبوج ,يوم تركبين ويا أبوج أركبي وراء مب السيت الأمامي ,,ياشاب يا بوشباب هذا أبوها يعني يعرف مصلحتها ,,وبعد يقول لها يوم تردين إتصلي عسب أعرف إنج رديتي ,,يعني لو ماردت هل بتبلغ الشرطة هههه منوه أنت عسب تبلغ الشرطة وشو تقول حق الشرطة ,,إني كنت أغازل وحدة وسارت السوق ولا ردت ,,أتوقع أبوها خطفها ,,لا ياشيخ ههه,,
في بعض البنات :تأخذ بيزات من الخروف الطيّب عسب تتعدل وتطلع ويا الخروف الوسيم أو بالأحرى الذئب البشري ,,

فعلاً في شباب أعرفهم زين مازين يغازلون ويدفعون حق الصديقات أو المغربيات ,,وحريمهم ماشاء الله عليهن أدب وأخلاق ومحترمات ولكن شو نسوي الخروف ومايهوى ,,في شباب يضيّعون فلوسهم على تزويد السيارات أو كورسات لعضلاته أو بعبارة أخرى كمال الأجسام وفي شباب مال بولينغ وبليارد وكله تحدي إللي يخسر يعطي حق الفائز 500 درهم يعني نفس القمار وفي شباب يعقون فلوسهم في الديسكوهات على الرقاصات بس عسب المطرب يقول أحسن يابوحمد و بو طلال ( خوفي يطلع واحد ويقول أنت تعرف كل هالأشياء أكيد تسير هالأماكن فأقول له أن الولد يطلع من بطن أمه يعرف كمبيوتر وأيباد وأنا عاصرت ورابعت ناس وناس وأعرف كل الخبايا)قلت كل هالكلام لأن في ناس مايصرفون على أسرهم قد مايصرف برع ,,وفي حريم ماعندها غير هات وهات وهذي ربت وهذي خطبت يبون هدايا وذهب ,,فشيلة أودي لهم هدية بـ 500 درهم لأن الكل ودوا لها هدية بألفين وثلاث ,,فهني يتوهق الريّال وينصح زوجته أن ميزانيته ماتسمح ولكن منوه يفهّم هالزوجة أن هذا حرام ,,ماعندها إلا طلقني أو ودني بيت أبوي أو لب طلبي ,,وفي شباب كل شهر يسافرون بانكوك للعربدة ويخلون حريمهم في البيت ويا العيال ,,أكتفي بهذا القدر طوّلت عليكم ,,