عيش ابيض مع دجاج مشوى بالقرن..

[نبض انسان]

السلام عليكم خواتى ..






المهم ما احب الرمسه الزايده
المهم يبنا ديايه مغسله زين مازين بس لاتشلون الجلد عنها .
اول شي انيب مله كبيره ونحط فيها معجون طماط واحد مع عصير ليمونه وحده وملعقه كركم وملعقه قرفه وملعقه سنوت وملعقه خل وملعقه فلفل أسود وزيت زيتون وخلطوهم عدل بعدين افركوها بالديايه من كل مكان وخلوها على الاقل ساعتين او ساعه بالثلاجه عشان تتشرب النكهه..

وبعدين يبو صينيه فرن وقصدروها وحطوها الديايه فوق القصدير وشغلو عليها الفرن من فوق واذا استوت من فوق اقلبوها على الويه الثانى
انا خدت منى تقريبا ساعه وربع ..

والعيش طبعا اتعرفون اتسونه ..
بس اذا اتحبون اتغيرون من نكهه العيش المستوى ,, يمكن انكم اظيفون ماى الورد مخلوط مع اللون الاصفر مال الاكل وخلطوه مع العيش بكون طعمه ولا أروع او مع بصل مقى ..

[Bin s@id]

ما أحب لحم الدجآج وآآيد >_<
تسلمين و ما تقصدرين . .
في ميزآن حسنآتج ^_^

[توأم حمود]

(( مله- سنوت)) ما أعرفه ممكن توضحين أكثر ؟؟؟؟؟

مشهي يعطيك ألف ألف ألف عاااااااافيه

[مختفي]

وعليكم السلام ورحمة الله وبركاته

يا هلا ومرحبا أختي/ نبض إنسان

ما شاء الله

يم يم >> سنفور أكول خخخ

أنا لما أشوف أمي تسوي العيش مثلاً أو المرق
أقول: يبغي لي أجرب أسوي مرة خخخ
أسالها: كيف الكمية؟ أو كم دقيقة ياخذ هذا أو ذاك؟ ، تقول لي: أنا ما أحسب الوقت
بعدين أقول: ممم يعني لو جربت شكلي بخبص الدنيا، خلينا على البيض وبيتزا التوست هههه


المهم

تسلم الأيادي على الطبخة الشهية

والله يعطيج الصحة والعافية

ربي يحفظج ويرعاج

[نبض انسان]

ما أحب لحم الدجآج وآآيد >_<
تسلمين و ما تقصدرين . .
في ميزآن حسنآتج ^_^

جى ماتحب الدياي احسن من هسوسه اللحم

[نبض انسان]

(( مله- سنوت)) ما أعرفه ممكن توضحين أكثر ؟؟؟؟؟

مشهي يعطيك ألف ألف ألف عاااااااافيه

المله يعنى طاسه هاى الى نخلط فيها الكيك او العجين
السنوت هو الكمون عزيزتى ..

[نبض انسان]

وعليكم السلام ورحمة الله وبركاته
وعليكم السلام والرحمه
يا هلا ومرحبا أختي/ نبض إنسان
هلا فيك ^^
ما شاء الله

يم يم >> سنفور أكول خخخ

أنا لما أشوف أمي تسوي العيش مثلاً أو المرق
أقول: يبغي لي أجرب أسوي مرة خخخ
أسالها: كيف الكمية؟ أو كم دقيقة ياخذ هذا أو ذاك؟ ، تقول لي: أنا ما أحسب الوقت
بعدين أقول: ممم يعني لو جربت شكلي بخبص الدنيا، خلينا على البيض وبيتزا التوست هههه


المهم

تسلم الأيادي على الطبخة الشهية

والله يعطيج الصحة والعافية

ربي يحفظج ويرعاج

الله يسلمك مختفى والله نورت موضوعى بردك صدقنى الطباخ سهل بس يباله مزاج..

[بنتـ DxB]

تسلم إيدج الغاليه
مبدعه دوم في الطبخ ما شاء الله عليج ~

[الحالم]

شكل دجاج مستحي وحتى ويهه احترق ,,

عيش أبيض لازم يكون ويا إما صالونة أو شطة نفس مال مندي أو روب

لأني ما أحب عيش ابيض خالي ,, ما أقدر أبلعه ,,

تسلمين على هالطبخة وحتى حبات العيش طويلة يعني وجبة مية مية ولا فراخ الجمعية ,,بالهني

[اماراتي وافتخر 40]

هلا هلا

تسلم ايدج حبيبتي ام محمد

دومج فنانه