سؤاااااال .. ؟؟؟

[رو7 و رو7]

مرحبا ..
السلام عليكم ورحمة الله وبركاته ..



شحالكم ... ؟؟؟

المهم .؟

الكل يمر بأوقات ضيق وحزن .. أو .. أوقات فرح ووناسه .. أو .. حماس ..
وكل واحد منا له طريقته في التعبير عن هذي الحالات ..

السؤال : شو تسوووون ( أن كانت تصرفات أو كلام أو حركات ) في الحالات المذكورة .. ؟؟؟؟

## بعدين بقول لكم عن نفسي ..

[الخاطريه]

ضيق وحزن >> احب ايلس بروحي ماحب ايلس ويا حد ..واكتب ..ومودي مول ماب رايق للناس

أوقات فرح ووناسه << افرح واقول الحمدلله .. والابتسامه منوره ويهي

حماس >> اكون متفاءله .. وحماسي بارد هههه ..يبداء بسرعه ويختفي بسرعه *_*

مشكوووره عالاسئله

[رو7 و رو7]

ولكم ... ^^
وليش جي بارده .. حماس معناته عندج طاقة كبيرة .. أستغليها في تحقيق أهدافج .. في الحياة ..
ربي يعين ويوفق الجميع ..

[ملاك بأخلاقي]

أنا بالضيق والحزن : أروح على طول اتسبح أغير مزاجي انتعش شوي وأصلي ركعتين
ف الفرح وآلوناسه : خخخ ارقص هههه <<<< اسوولف أسير أبوس أمي جيه من دون سبب ولا أسير اطبخ طبخه محترمة
إذا كنت متحمسه : اسوولف واستهبل وي ربعي واغصص بهذي والعوز بهذي وجيه يعني وبس وشسمه

امممم وهيك يسلمووو ع الموضوع الفنتكيشن خخخ

[رو7 و رو7]

ثاااانكس على المشاركة ..
أتمنى الكل يشارك بعد ...
بحلوة القراءات أكثر من الردود ..

[نبض انسان]

السلام عليكم ورحمه الله وبركاته ..

فى وقت الحزن والهم والغم
أصيـــــــــــــــح أصيح بحرقه بعد ودموعى على طول تنزل لانى انسانه حساسه وايد . ما احب حد يجرحنى او يستفزنى ولو بكلمه وحده ..وساعات اقعد اتسمع اى شي يهدينى ..

اما فى أوقات لمن اكون فيها فرحانه اقعد أشتغل بالبيت من الخاطر وعادى أسوى جمن شغله بنفس الوقت وأقعد أرتب البيت . وساعات اقعد اسولف مع ولدى الكبير الى بالصف الثالث لانه يفهمنى فديته ..

[الاماني الكبيرة]

هو انا لمليت التفت صوب الشعر اسمع وخصوص شلات خالد المري اللي هو العذب اما في كل الحالات اكتب شعر يعني لضقت اكتب شعر واقول ضيقتي من انسان ولى ديوان مسويه لي ..حتى الكل كل ماسير مكان اشله يقولون لي ها الديوان معااج هع ... تسلمين ع الموضوع ...

[أوركيـد ~]

مرحبا ..
السلام عليكم ورحمة الله وبركاته ..



شحالكم ... ؟؟؟

المهم .؟

الكل يمر بأوقات ضيق وحزن .. أو .. أوقات فرح ووناسه .. أو .. حماس ..
وكل واحد منا له طريقته في التعبير عن هذي الحالات ..

السؤال : شو تسوووون ( أن كانت تصرفات أو كلام أو حركات ) في الحالات المذكورة .. ؟؟؟؟ :aa_doh:

## بعدين بقول لكم عن نفسي ..

و عليـكم السّـلام و رحمة الله و بركـاته ،
بوقت الفرحـة .. أول شي أقول الحمدلله و الله يديم الأفراآح .. و لازم أشارك اللي أحبهم بفرحتـي و أفرحهم ويـاآي
و بوقت الضيـق .. أنعزل عن النـاس .. أخبـر أقرب شخص لـي ( زوجي ) و هو يسـاعدني إذا كنـت أواجه مشكلة أو يخفف عني

[بنتـ DxB]

بأوقات ضيق وحزن .. مالي الا قرآني
أوقات فرح ووناسه ~ اذا كان شئ يون من الخاطر اقول الحمدالله و اوي اي شئ مره هههه