♠♠ قائمــــة الأعــــضاء المفقــــــودين ♠♠

[نبض انسان]

اماراتيه وبنت دبى ويــــــــــــــــــــــــنكم مفتقدتنكم

[اماراتي وافتخر 40]

تسلمين يا نبض.....والله تدرين اليهال والمدارس ...الله يعينا بس....حتى نفسياتنا استوت طفاس

[نبض انسان]

هامور الله يوقومك بالسلامه يارب وأجر وعافيه ان شاء الله..
مستر وى عن ها الحركات وايد صرت تختفى بعطيك كرت اخضر ها ولا اتحمل على عمرك ممنوع غياب الاعضاء
انا بروحى احوس بها المنتدى شرات المعزه ههه

[وفوي المطاف]

قتلني التشبيه ي النبض

معزه مرة وحده هههههه

ماعليج ي الغلا

اتحملي شهر بس

لين ما نخلص من الامتحانات وتبدا اجازة الصيف

بتشوفين المنتدى قممممممة ف النشااااااااااااااااط

[نبض انسان]

السلام عليكم ورحمه الله وبركاته

عسي ماشر يا اعضاء انا حاسه انكم ماخدين على خاطركم منى مب محتاجه اقول منو ..
انا افتقدكم الصراحه حاسه انى صرت كله بروحى

[اماراتي وافتخر 40]

ليش ياخذون ع خاطرهم يا نبض؟؟؟محد مثل طيبتج بس الدنيا تلاهي وانا اختج

السلام عليكم ورحمه الله وبركاته

عسي ماشر يا اعضاء انا حاسه انكم ماخدين على خاطركم منى مب محتاجه اقول منو ..
انا افتقدكم الصراحه حاسه انى صرت كله بروحى

[&أحلى pŕĭňČěšŝღ]

السلام عليكم ورحمة الله وبـركاته..

شحـآلكم جميعا أحبتي أسـرة منتدى الرمس..

ألسمـوحة ع الغيبة الطـويلة ،بسبب الظـروف..
والصراحة ما نسيتكم افتقدتكم واااايـد..

إن شآء الله ربي يسر لي ولكم ونرجـع جميعا مثل كنا قبل...

وأخيـرا:دعــوآتكم لأبـوي آلغالي بالشفاء العاجل

[بنتـ DxB]

فديت روحج يا بنض انسان في ذمتيه انه فيج الخير
لا خلى و عدم منج يالغاليه
انا بخير و سهاله ما نشكي الا فرقاج يالغاليه ،، والله اني مشغوله في حفلات تخريج الروضه
و مسؤوله عن تخريج 6 شعب ~ تعب من الخاطر ~ و ان شاء الله بتي الاجازة و بنتفاعل أكثر في المنتدى ~

سلآمي للجميع و عساكم على القوهـ ~
موفقين يآرب

[▌║ℳř Ŏบị ~♛]

السلام عليكم ورحمة الله وبركاته
صباح / مساء الخير حبايبي واهلي وربعي وكل شي
شحالكم عساكم طيبين ، ويا هلا بالي نوروا المنتدى بتواجدهم مره ثانيه

طبعا بقولون انته بروحك محد هههههـ ، الله يسلمكم خبرتكم قبل اني كنت مريض
قبل كم اسبوع وتعافيت ،لكن المشكلة ان الكحه تمت عندي وكل يوم تزيد وخذت اكسجين ع مدى اسبوعين وماخف
فزاد علي وبدى النفس عندي ينقطع ><" من اسبوع تقريبا وكل يوم مستشفى @.@
لكن الحمد لله على كل حال ، دعواتكم لي بالشفاء

وحليله مشرفنا هامورصغير ، امس كان وياي طالعين رباعه ، وجافني تعبان
وخذني المستشفى وتم معاي من غرفه لغرفه ومن الدكتور لين الاشعه ، وعشاني بعد ههه
ماقصر يزاه الله خير ، ربي يحفظه ربيعي واخوي ويسلم عليكم وايد ، ويقول بيرجع بس مشغول شوي

وبشش ههههـ
بقولون شو ها المزعج كاتب تعبير


انتوا طمنوني عليكم ؟؟

[نبض انسان]

أجر وعافيه يا مستر وى ان شاء الله اتخف الكحه وبترتاح من صدعتها ..
وهامور ان شاء الله يرجع تراني تملليت بروحى والله..