Fm الأولـــى

[فرعون الفريج]

دوري دوري الحين


وايد مواقف تتقاذف في رأسي


طبعا كنت طالب مسالم وهادي جدا

طبعا تتذكرون كنا نربط كتبنا بالسير ....خليت كتبي برع ورحت اتريق قبل لا ايي الباص

طبعا الريوق اللذيذ شاي حليب ونغمسه بصمونه وجبن كرافت ....

المهم لما رجعت لكتبي لقيت "التيس" أيضا كان يتريق منهم و "قارم" الدفتر

المصيبه كان علينا واجب ...وما يحتاي اخبركم عن الباجي

[نبض انسان]

مساكم الله بنور نرجع لمحور حديثنا..

ذكريات كثيره تجول بخاطرى ولكن بكل صراحه نفتقد هذه الاجواء الاكشنيه الى كانت تستوى بالصف ومن مضايقات من بعض البنات..
فى بنات وايد بصفنا يشلون الرمسه ويحطون عليها اشويه بهار للمدرسه بس عشان يضربونا بالعصا المنقعه بماى وملح. تذكرون كيف كانو يضربونا بايدنا يالله مايسوا علينا ماحلينا الواجب يوقفونا بأخر الصف وارفعو ريل وحده شو كنغر خخخخ.

ولا ياحلاته البطاطس بالدرج وكل ما المعلمه تعطينا ظهرها نخمط لنا شويه بطاطس دكان دكان مب درج ..
عاد انا حبى اشخبط بالطاوله ياقلوب يا شفايف خخخ مال أول

[فرعون الفريج]

مساكم الله بنور نرجع لمحور حديثنا..

ذكريات كثيره تجول بخاطرى ولكن بكل صراحه نفتقد هذه الاجواء الاكشنيه الى كانت تستوى بالصف ومن مضايقات من بعض البنات..
فى بنات وايد بصفنا يشلون الرمسه ويحطون عليها اشويه بهار للمدرسه بس عشان يضربونا بالعصا المنقعه بماى وملح. تذكرون كيف كانو يضربونا بايدنا يالله مايسوا علينا ماحلينا الواجب يوقفونا بأخر الصف وارفعو ريل وحده شو كنغر خخخخ.

ولا ياحلاته البطاطس بالدرج وكل ما المعلمه تعطينا ظهرها نخمط لنا شويه بطاطس دكان دكان مب درج ..
عاد انا حبى اشخبط بالطاوله ياقلوب يا شفايف خخخ مال أول

شل الرمسه وطبخها ورش بهارات شيء طبيعي في المدرسه ...ومرات توصل حلوه ومرات سبايسي تحرق

اما سالفه البطاطا في الدرج عجيبة ... على ايامنا كان داقوس ووقت الفسحه الكل عنده يتزود من الداقوس لتعديل الفلافل اللي ماله طعم مع البطاطا المدهنه

[فرعون الفريج]

صباحكم ورد


صباح جديد مع الأولى FM


ترا باجر اجازة ...



سؤالنا اليوم : شو رايك بالمطبات وكم مطبـــة في فريجكم

[اماراتي وافتخر 40]

وايد مطبات...بس احسن....دراجات وسيايير تقول بسباق وهالمطبات بتأدبهم الصراحه

هاك اليوم شفت من الدريشه دريول عاطينه ستيشن الزفت ما وقف ع المطبه طار فوقها....ترى مال عمك ما يهمك..

تلزمهم بالسرعه....فالمطبات احسن

[فرعون الفريج]

وايد مطبات...بس احسن....دراجات وسيايير تقول بسباق وهالمطبات بتأدبهم الصراحه

هاك اليوم شفت من الدريشه دريول عاطينه ستيشن الزفت ما وقف ع المطبه طار فوقها....ترى مال عمك ما يهمك..

تلزمهم بالسرعه....فالمطبات احسن

صح تادب بعض الناس ...بس بعض السيارات تتاثر

خصوصا المطبات اللي تقول سادح فيل عالشارع ...ماتعرف متى تصعد ومتى تنزل

او المطبات العنقوديه اللي تسوي للسياره مساج واتدغدغها لك

[نبض انسان]

صبحكم الله بالخير والسرور

وها هو صباح جديد يطل علينا مع مواضيع جديده تخدمنا خخخخ اندمجت مره
طرحت موضوع المطبات وها موضوع حلو بحد ذاته . اخى الكريم المطبات ماعليها كلام اتفيدنا وايد وخاصه لناس الى يعيشون بجانب الشارع ان كان العام ولا الشارع الداخلى .. اعوذ بالله احنى بيتنا ما يخلى من الازعاج ان كان شاحنات او دراجات او سيارات فالمطبات اتخليهم اشوى يخفون لانه عدنا اعيال نخاف عليهم يركضون بالشارع ولاغيره كم بنيود بارك الله فيك .. فالهدف من المطبات تقليل من سرعه السيارات . ولكن فى مطبات مثل ماقلت شرات الفيل خخخخ اش كبرها بروحى اتملل منها ومحطوطه فى اماكن مب فى محلها..

[فرعون الفريج]

صبحكم الله بالخير والسرور

وها هو صباح جديد يطل علينا مع مواضيع جديده تخدمنا خخخخ اندمجت مره
طرحت موضوع المطبات وها موضوع حلو بحد ذاته . اخى الكريم المطبات ماعليها كلام اتفيدنا وايد وخاصه لناس الى يعيشون بجانب الشارع ان كان العام ولا الشارع الداخلى .. اعوذ بالله احنى بيتنا ما يخلى من الازعاج ان كان شاحنات او دراجات او سيارات فالمطبات اتخليهم اشوى يخفون لانه عدنا اعيال نخاف عليهم يركضون بالشارع ولاغيره كم بنيود بارك الله فيك .. فالهدف من المطبات تقليل من سرعه السيارات . ولكن فى مطبات مثل ماقلت شرات الفيل خخخخ اش كبرها بروحى اتملل منها ومحطوطه فى اماكن مب فى محلها..

المتهورين مالهم لحل حتى لو سويت مطبة الفيل المسدوح

يبالهم مطبة مسامير


فاصل موسيقي ...من الحان غبتشيوني ولد كوفي


وننتظر مشاركاتكم

[الكابتن]

على أساس شوارع رأس الخيمة ماشي مطبات مووول...حفر بس..خخخخ

المهم...يوم حطوا "معابر مشاة" بشوارع الجميرا...صوروا المفاجآت اللي تحصل من قبل السايقين يوم يكتشفون ان بالشارع مطبات عريضة...هههه الله المستعان

طبعا وضع المطبات تكون على دراسة وافية من قبل المختصين ومب بشكل عشوائي...فاللي يطالب بمطب جدام بيته ما بتكون على حساب انسيابية الشارع وسهولة مرور السيارات...ترى حتى السايق من حقه يسوق سيارته من دون بريكات ونطّات...بعدين شو بتم من السيارة صاحية؟

[فرعون الفريج]

على أساس شوارع رأس الخيمة ماشي مطبات مووول...حفر بس..خخخخ

المهم...يوم حطوا "معابر مشاة" بشوارع الجميرا...صوروا المفاجآت اللي تحصل من قبل السايقين يوم يكتشفون ان بالشارع مطبات عريضة...هههه الله المستعان

طبعا وضع المطبات تكون على دراسة وافية من قبل المختصين ومب بشكل عشوائي...فاللي يطالب بمطب جدام بيته ما بتكون على حساب انسيابية الشارع وسهولة مرور السيارات...ترى حتى السايق من حقه يسوق سيارته من دون بريكات ونطّات...بعدين شو بتم من السيارة صاحية؟

ردك عجيب



نعم ابداع ..في المطبات وحسب ذمه راعي البيت ...البعض يحط مطبات اسمنتيه لو حب يمد واير كهرباء من الخيمه للبيت مثلا ...واكيد شيء دراسات وافيه مع ربعه واهله بخصوص ان المطبه ما تخسره وايد