[align=center]
بصراحه إذا أقالوه فهذي خسارة لنا .. ميتسو قال في أخر تصريح له
أنه ما يمتلك لعيبه كثر مثل المنتخبات الكبيره .. و أنه ما يقدر يدش في عقب اللاعب علشان يخليه يلعب و أييب أهداف
يعني صدق .. فرص كثيرة يتنا ... و ضيعوها اللعيبه ليش نعلق شماعة الخساره على المدرب يعني تبون المدرب يدخل الملعب و يشوت عن اللاعب و لا كيف يعني ..؟؟
الخطه .. بنقول فيه بعض الأخطاء بس نفس الشي .. لعيبة الإمارات ما عندهم نفس طويل للقتال و شخصيتهم ضعيفه جدام المنتخبات الثانيه .. ما عندهم روح القتال في الملعب .
و بعدين منو قال نحن بنصعد ... لا حد يقول متشاؤم و غيره
بس بصراحه انا ضد صعود اي منتخب فاشل الى كأس العالم .. و منتخبنا فاشل .. نحن نسينا كيف صعدنا لهذا الدور ..؟؟
يعني نحرم .. كوريا الجنوبيه و اليابان و السعوديه و إيران و أستراليا .. و نضيف بعد قطر و البحرين و نصعد نحن
لا بوي .. المدرب مب بس هو السبب و كان المفروض انهم يتركونه و يحاسبونه على أخطائه .. على الاقل بيكون عندنا أستقرار .. مب يقيلونه و عقب أييبون مدرب مواطن يحاول يلملم الباقي
عقلية الاحتراف .. غير موجوده .. يتعلمون اشويه من اندية ما غيروا مدربينها بال 10 سنين و فوق يمكن .. مع انهم مب كل سنه اييبون بطوله بس شو بنقول
على الدنيا السلام يا منتخبنا .. و مشكور يا ميتسو و يا إسماعيل و يا جمهور الامارات على كأس الخليج و الحينه بنرقد 30 سنه بعد و عقب بناخذ كأس الخليج الثانيه .. و الكره تدور
العتيبي
[/align]
رد مع اقتباس