[ تقرير مصور ].. رحلتي إلى ماليزيا

[الأغين]

وهذا الأخ بوذا نايم

وهنيه بدأت أسئلتي تنهال على المرشد لانه في السيارة خبرنا انه بوذي وأعز اصدقائه مسلم وهم متعايشين بحب وسلام في ماليزيا

وانا قلت بما أنه بوذي خلني أستغله وأفهم اكثر هذي الثقافة الغريبة!! (البوذيه)

أول سؤال: من هو بوذا؟؟ وليش الناس تعبده ؟

جواب المرشد: بوذا هو ابن أحد الملوك وكان غني جدا لكن أثناء حكم الوالد منع ابنه من الخروج لرؤية العامة!! وبقي بوذا بالقصر مدة ولما كبر بدا يسأل نفسة كيف الحياة خارج اسوار القصر وقرر عصيان والده والخروج ، وبعد خروجة تفاجأ بالفقر والجوع والمرض والحياة الحقيقية التي يعانيها الشعب فقرر أن يترك القصر ويعيش مثل الفقراء فخرج من القصر بقطعة قماش (الساري) فقط وترك كل ملذات الحياة داخل القصر وبدأ يعيش بالعراء وينام تحت الشجرة!!

وبعد فتره تجمع الناس حولة وتعلموا منه المبادئ التي قرر أن يعيش بها ومع الوقت بدأت الناس تتبعه وسميه هذه المبادئ بالبوذيه واصبحت لها طقوس ورجال صالحين

السؤال الثاني: بوذا تبعكم حلو ووسيم وبدون كرش اما بوذا تايلاند مكرش؟ كيف يكون فيه أكثر من بوذا إذا كلهم عباره عن ابن الملك

الجواب: بوذا اللي تشوفينه هو البوذا الأصلي أما (بو كرش) فهذا رجل صيني تعلم قواعد البوذيه من هذا اللي عندنا ونقلها للصين والناس بدأت تمجد وتتبع هذا الرجل واعتبرته بوذا تبعهم >> بدون تعليق!!

ولفت انتباهي أصنام لأشخاص غير عن البوذا النايم

السؤال: طيب هذا بوذا وبو كرش بوذا تقليد .. هذيل منو؟؟

الجواب: رجال صالحين اهتموا بالبوذيه ونشروها فتخليدا لذكراهم عملت هذي الاصنام وهي مطليه بورق الذهب >> INTERSTING

بعدها اكملنا التجوال وشفنا جرات خزفيه موضوعة على الجدار وقرينا اسماء اشخاص وتاريخ وفاتهم وبعض المعلومات عنهم وصورهم !!

السؤال مرة أخرى للمرشد (لعوزته بالاسئلة محد قاله يصير بوذي لووول) لكن جميل ان تفهم ثقافات وعادات الدول

السؤال: منو هذيل الاموات وشنو هالجرات اللي بالداخل

الجواب: في ثقافتنا كل ميت لازم نحط له جرة ونبخرها بين فترة وفترة بأعواد البخور ونبدل كل شهر تقريبا نوع من الطعام يوجد داخل الجرة!

سؤال: طيب ليش؟ يعني وهو ميت بياكل ؟؟

المرشد: لا لكن روح الميت حاضرة وتنزل بركاتها على أهل بالبيت (بالطعام!) وقال انه هذا مجرد اعتقاد وهو شي من عاداتنا لذلك نسويه لكل ميت واولاد الميت هم المسؤولين

الاغين: ألحين كل ميت بوذي مات حطيتوا له جرة في معبد!! أي معبد هذا اللي بيكفي كل هالجرات

المرشد يضحك على تفكيري ويرد لا طبعا الاصل ان توضع الجرة في المنزل لكن بعض الاغنياء ما عندهم وقت يأكلون أمواتهم بيعطون المعبد فلوس كل شهر وهم يبدلون الأكل بالنيابه عندهم!! أما الأكثرية فهم يخصصون في البيت ركن للميت وجرته!

الحين شوفوا هالمنظر

مريت صوب هذيلا الويه ويه بوذا لكن كل واحد مسوي حركة!! وشي صندوق أحمر شكل الحصاله على كل واحد!! وفي القاعدة رسوم لحيوانات مختلفة!!

السؤال: شو سالفة ايد بوذا كل وحدة غير عن الثانية!!
الجواب: قصدج يد التبرك !!
الأغين: ليش انتوا تتبركون بإيده

قال هاي يسمونها يد التبرك

شوفي هذي؟!

فوق 12 حيوان (وانتوا بكرامه) وتحت كل حيوان سنوات ميلاديه

كل شخص يدخل يدور وين سنه ميلاده ويشوف الحيوان اللي تندرج تحته السنه

مثلا (ميلادك سنه 85 إذا روح دور على بوذا اللي قاعدته مرسوم عليها الثور) واتبرع في الصندوق وبوذا بيده المباركة (استغفر الله) ينزل بركاته عليك!!

وقبل الخروج من المعبد لفتت انتباهي لوحه شوفوا منوا فيها

ما شاء الله شيوخنا منورين الله يحفظهم >> هيبه بين الجماعة ومحد يسواهم

وخرجنا من المعبد متوجهين إلى مصنع القهوة والشوكولاته وفيه تباع أنواع كثيرة جدا من القهوة وعندهم صينية تضحك ترمس عربي وقسم ثاني يبيع شوكولاته بجميع انواعها (ما صورت لكثرة النساء في هذا المكان)

وجنبه على طول مصنع القماش والرسم عليه بطريقة سهله وبدائية !!

بداية الرسم على القماش

باستخدام الواكس يطبعون الرسم على القماش >> الواكس يمنع تداخل الألوان مع بعض

بعدها يودونها للتلوين

هذا يسمونه الماكينه لانه بثواني يرسم لك لوحة فنية رائعة واستخدامة للفراشاة والألوان مش طبيعي >> صدق ماكينه!

وبعدها يغسلون القماش عسب يروح الواكس ويطل مكانه لون ابيض

هذي بعض من انتاجات الرجل السابق ( الماكينه)!!

وأخيرا دخلنا للمحل

يتبعِ في القريب العاجل إن شاء الله