رحلتيه إلى السعوديه

[admire]

بسم الله الرحمن الرحيم



شحالكم شخباركم يا اعضاء منتدانا الغالي ..اول شيء حبيت اقول الحمدالله ع سلاآمه لكل الي ردو من السفر





احم احم انا وربيعتي وتوأم روحي وهيه بنت خالتي طلعنا السعوديه لآداء فريضة العمره ...بحملة جمعية الإصلاآح وعشان جي حبينا ان ننقل لكم هذا التقرير لتعيشو معنا الجو الجميل والرائع ..



فلنبدأ:-



بسمـ الله الرحمن الرحيم







اول شيء جهزنا جواآزاتنا وفكرنا بسفرة السعوديه لآن ماشي افضل من ها المكاآن بالعالم ..







وبعد ما قرروا موعد سفرتنا وهو بتاريخ 7-7-2009م
جهزنا شنطنا اسمحو لي ما حصلت لقطه حلوه للشنطه غير ها ..








وبعدين قمنا وركبنا السيارة وطلعنا بيت الأهل نسلمهم ويودعونا ومن بيت الأهل طلعنا ع طول رآك صوب تجمع الباص وها باصنا ^^







وهناآك شفت توأم روحي بنت خالتي سلمو علينا وشفت إسمي عندال بنت خالتي وهيه بنت النعيمي فمكاآن الي نباه





؛






وها شكله الباص من داآخل..}~



المهييييييييم عدد المقاعد 50 مقعد وعدد الأشخاص 25 شخص تقريبا مامتأكده



عدد البنات: 15


عدد الأولاد:10مع سائق الباص والمشرف الباص
عدد العوائل: 3 عوائل



{الطنيجي+النعيمي}{الفليتي النعيمي+النقبي}{الشامسي} ^^



عدد الأمهات : 6
عدد الأطفال: 4
عدد المراهقات: 7
عدد المراهقين: 8



وعشان جي من حق كل فتاة أن تأخذ كرسيين هع







والحين أكتمل الباص وجلسوا الجميع في مقاعدهم وهنا بدأ السيد والمشرف بالتحدث وقال : كلكم موجودين حد ناقص وبدأ بمناداه للتأكيد وهكذا بدأت الرحله ...










بدأنا بالدعاء السفر ونحن فالطريج ..و بدأنا بالسوالف وضحك وغشمره وبدأ مشرفنا بالمساآبقات واحم احم اول فائزه بالمسابقات كلها ههههه وحصلت ع 20 درهم ^^..ويلسنا لين ما وصلنا للحدود وفتشونا وجي بس خوفني الجلب خفت ع شبسي الي فالباص هههههه اسولف ..







بعد ما خلصنا من التفتيش كملنا دربنا متجهين إلى المدينه المنوره ..حسيت بالملل جاآن ايلس واسمع أناشيد بأمبيي ..المهيييييم تمينا ع هاي الحاله لين ما شل مشرفنا المايك وقال تبون نكمل المسابقه الي ضحكني فالمسابقات إنه محد عنده اوراق وعشان جي يلسنا انطرطر الأوراق الي محطين عليها اسامينا هههههه المهيييم بعد ما غيرنا الجو واستانسنا وضحكنا




دخلنا المديييينه وواحد من الشباب خرط وقال المسجد النبوي عاد الكل القام وما صدقوووووو يالسيييييين يصارخون ههههههههه ..المهيييييييم وصلنا للفندق ونحن تعبانين هلكانين ..
وصلنا العشاء ع ما اظن ..وها فندقنا إيلاف طيبه

و نزلو الأغراض الي فالباص وعطونا المفاتيح الغرف .. عاد انا استانست لأن غرفتنا عندال غرفة قوم خالو ..المهيم كنا كلنا فطابق السادس ..



وها مفاتيح غرفنا لا شعار الفندق نفس شعار طيران الإمارات ..هع



وها غرفتنا .. تقريبا كل الغرف نفس الإستايل .. الحلول إن الفندق قريب من الحرم .. وطبعا الفطور ع حساب المطعم أما الغذا والعشاء ع حسابنا افكورس



؛



وهذي فطورنا طبعا يقدمونها ع شكل بوفيه ونحن نختار ..^^



وهذي غذانا..



واخيراً عشانا ..
فاليوم الي بعده وهو موعد الرحله لإستكشاف المدينه المنوره




قمت الصبح ودقيت ع تنظيف الغرف اطلب منه ترتيب الغرفه .. لآن حالت الغرفه لا ترثى له ههههههه




المهييييييم بعد ها طلعنا بالإستقبال وشفنا باصنا واقف يستقبلنا هع ..المهييييم يلسنا واترينا الشباب وركبو الشباب .. بس قبل لا نركب الباص نسيت اقول شيء إن قبل رحلتنا باالليل استقبل فندقنا عريس بغيت اقول إلهم ألف مبروووووووك بصراحه كل حد يطلع من الفندق يطالع السيارة ويصوره هع .. يلا عقبال الباجي



المهيييم خلكم من السيارة ونكمل مشوارنا ركبو الشباب




وبدأ مشرف الرحله يذكرنا بغزوة أحد ووصلنا لجبل أحد كلكم تعرفون سبب الغزة صح



جبل رماة ..



اللهم ارزقنا الشهاده ..وسامحنا إن أخطأنا

قبر عم النبي والله أعلم ..



المهيييييم بعدين قلت لأمي عادي اسير مع بنت خالتي نتمشى وكان هدفنا الذهاب إلى قمة الجبل قالت اوكي سيروا ..

المهيم مسكت عباة بنت خالتي وركبت انا وياها قمة الجبل اونى انسوي اعمارنا ابطال ..هههه

وها منظر جبل رماة من فوق .. وشفنا واحد الله يستر كله يطالعنا ..
المهيييييم بعدين نزلنا وسرنا صوب الباص وماحصلت حد من اهلنا بس اخويه قال لي وين باجي الحريم قلت ما اعرف عاد انا وبنت خالتي عيبتنا السالفه وما حبينا اليلسه جان اقول لأخوي بسير بدورهم قال ياويلج مني لو سرتي منا ولا مناك عاد انا شو سويت هع



المهييم بعد ما اكتملت الباص طلعنا من ها المنطقة وسرنا نشوف مسجد القبلتين وها هو المسيد بس ما نزلنا ..


؛



؛



وبعدين طلعنا مسيد الفتح ..عاد امي كانت اريولاتها يعورها قالت ما بنزل لو تبون سيرو عاد انا كالعاده مع بنت خالتي طلعنا وانا كنت راكبه يالسه احسب الدري هع طلع تقريبا 50 دري بس ما حسيت بالتعب
عاد انا اتحسب مسيد حلو وطلعت الشباب يصلون بالظل والحريم يصلون بالشمس ..



؛



ومثل ما يقولون وختامها مسك طلعنا في الأخير لمسيد قباء ::



؛



وها اخوي الصغير هلكان من الرحله هههههه .. وفي النهايه الشباب سلمو ع مشرف الرحله اما نحن البنات فطلعنا للغرفة انجهز لصلاة الظهر ..





؛




بعد يوم الرحله تقريبا طلعت الحرم ويا أهلي .. بصراآآحه نحن كل يوم من الحرم لين الفندق ومن الفندق لين الحرم بلا تسوق ولا تفكير وقررت أمي انسير للروضه .. والحمدالله رحناها ودعينا وإستغفرنا وطلبنا الشفاعه ..
اسمحو لي ما عندي صور للحرم لآنهم يفتشون ..
بس عندي ها الصورتين قلت إلا أصور ..






والآن حان موعد ذهابنا إلى مكة المكرمه للعمره ..ودعت غرفتية وغرفت قوم خالو ..وها رقم غرفت أهلي


حطو شنطنا فالباص والأولاد طلعو .. فيلست انا وبنت خالتي نرمس بعض جاآن تقول إشرايج نحوط فالفندق وإندقدق بالمصائد ههههههههه



؛




؛



المهييم ونحن يالسيين نتمشى شفنا باب غرفة 614 وهو غرفة الأولاد كان مفتوح فحبينا نتمنظر شويه هههههههه عاد انا وبنت خالتي شفنا العجائب والعجائب .. المهيييم جاآن ازخ ولد خالو الي اصغر عني بسنتين عطيته كامي قلت ليه صور وإلا هههههههه في صور بس ما بحطيها أخاف يصفعوني هههههههههه ..

يتبع ..}~

[admire]

وبعدين طلعنا نبي نشوف غرفة العائلة الثانيه ونسلم عليهم ..وكان في حالة الترتيب..







المهييييييم بعدين دقت لي امي قالت يلا تعالو قلت اوكي نزلت وإستغفرت وجزي بدت رحلتنا الثاني ونحن فالطريج إلى الميقات ..ويزاهم قوم النعيمي والنقبي وزعوا إلنا أوراق الي تتحدث عن العمره إسمحو لي ما صورت الميقات لأن كان كل تفكير بالدعاء والتلبية ..


ومن هني بدت رحلة يديده مع صفحه يديده إلى مكة المكرمه ..



وبدت رحلتنا من المدينه إلى مكه المكرمه ..
ونحن فالطريج إلي يلبي والي وإلي وإليههههههه



المهيييييييم ونحن فطريجنا شفنا .. مسجد عائشه ..



واخيرا وصلنا للفندق فالبدايه ما تقبلنا الفندق وحسينا إنه بعييييييييد عن الحرم وكله سيايير و كل عائلة يسير للمشرف ويقول دافعين المبلغ الفلاني وذيك السنه دافعين أقل وسكنونا فالأبراج وجي ..



وقالت أمي خلاص شو نسوي بنتم ونحن مب يايين نطالع الفندق يايين نذكر الله .. وتقبلنا وعطونا مفاتيح الغرف وهو عبارة عن بطايق وها شكل غرفتنا وتقريبا كل الغرف ذا سيم إستايل



وها رقم غرفتنا ..}~



اما هاي فرقم قوم خالو



والحين دور العمره ^^ طلعنا من الفندق ومشينا لين الحرم بصراآآحه ما حسينا بالتعب حسينا الفندق قريب .. ما ادري حق شو كل ها الدلع هههههه



انا وبنت خالتي مسكنا إيد بعض وبدينا عمرتنا اما امي وخالو راحو ويا بعض وبنت خالتي الثانية مع إختي ..عاد كل وحده وطريجها انا وبنت خالتي حبينا إنخش إنعالنا وطلعنا الطابق الفوقي بس عشان إنخش إنعالنا ويوم نزلنا شفت اخوي قلت له نحن الحين بنسير جان يقول لي يلا وياي قلت لا تخاف نعرف .. تصدقون اول ما شفت الكعبة حسيت بفرح والله يعني شعور غريب .. وطفنا 7 مرات ..



وبعدين شربنا ماء زمزم


وصلينا ركعتين خلف مقام إبرهيم وبدت الدور الثاني وهو السعي


وجذي خلصنا عمرتنا


المهيييم يتنا خبر عودتنا إلى الإمارات وهو بيوم السبت .. عاد انا طاآآيرة فرح .. مب المشكلة إني مليت المشكلة إني كنت مريضه وطايحه أخلص كلينكس



طلعنا من الفندق وطريجنا إلى الأبراج ..ونحن فالطريج شفنا حماآآم واآآآآآيد حلوين عاآد انا أموت فيها والله جان أنا ريال جان رقضت بينهم هع



ونحن فطريجنا للأبراج شفت إختي العوده ومرت عمي .. سلمنا عليهم وقالو إلنا إنهم نزلو فزمزم ومتى ما بغينا نيي عندهم .. وجان تعطاني إختي 100 درهم













وبعد ما كلمنا إختي طلعنا الأبراج حبينا نتسوق ونشتري هدايا للأهل عاآد إشترينا واآآآآآآآيد أغراض بس بحطيلكم بعض منهم ..




حبينا نحن البنات ناخذ آخر لفة ونيمع إلنا ذكريات ما ننساها

فالبداية قلت لأختي يلا بنسوي طواف الوداع .. قالت اوكي نزلنا صوب الكعبة بس ما شيء مكان خلاص فل ..
جان نقول يلا بنطوف فوق إتصدقون طفنا دورتين وتعبنا وبعد لأني مريضه كح كح .




تعالو في حد حاول يسير مني بصراآحه روعه وانا جازفت ذيك السنة والي قبله وشميته أما هاي السنة حسيت بإختناق وتشوفون الشرطي الواقف يوم قالت له بنت خالتي يلا ساعد البنات الحين دورهم ووسع إلنا طريج جان يقول أنا ما اوسع الطريج إلا إذا مات حد وبنصلي علية وإن شاء الله الجنه .. عاد انا وبنت خالتي يتنا فكره جهنمية اونى بندز إلهم إبر من تحت هههههههه ..




أما ها فهذا مقام إبراهيم ..





أما هذا فأنا أسميه راعي التكسي هع لأنه الوالده ما تقدر تمشي بسرعه فنحن ناخذ إلها واحد .. عاد فالمدينه نحن نشخط ويلات هههههههه اسولف




فاليوم التالي وهو يوم العوده نزلنا الشنط ..






شوفوا الذكاء إنتوا بس علشان ما تبند علينا المصعد











ركبوا الأغراض فالباص ولكن قوم خالو نسو جوازاتهم فالشنط وعسب جي لازم اسير أقول لأخويه دورته فكل مكان وما كان عندي خيار غير غرفة الشباب .. بس خاآب أمالنا ما حصلنا اخوي ..









ودعنا الفندق و إكتمل الباص وحصلنا أخوي وطلعنا الجوازات وجذي بدت رحلة العوده ..





وفالطريج إشترالنا مشرفنا بعض الأكل ويزاه خير ..




وها زبالتنا هع ..





صدقوني الإرقاد تحت روعه ..


إسألو المجرب ولا تسألو الطبيب ..




أما ها فهو مكان إرقادي ..

إتصدقون ماخذه راآآحتي ..















وجذي خلصت رحلتية ووداآعا يا سعوديه ..










وأهلا بالإمارات ..


راآآآيكم بلييييز فالرحلة { }

[دلوعه حلو]

رووعه تسلمين ختيو ...

[بحر الثواني]

تسلمين اختي ع التقرير الغاوي
وعمره مقبوله ان شاء الله

[%غمـــازة%]

[align=center]


ما شاء الله رحلـة حلوة

الله يتقبـــل منكم جميعـــا" إن شاء الله .. ...

[/align]

[RAKBOY783]

ماشاءالله روعه الصراحه يسلمو ع التصوير والحمدالله ع السلامه

[ام خماس]

عمرة مقبولة والحمدلله على السلامة

[admire]

رووعه تسلمين ختيو ...

الله يسلمج ..}~

ثاآنكس ع المرور الراآئع

[العنـ رآك ـيده]

ذكرنتيني بأيآااامـ العمرهـ ..~
والله انهآاا رحـله حلوهـ .. وتغير النفس..
نحن قبل لآنسير اختربت الطيآرهـ مع ان ويه الطيآرهـ طلعت لفوق
وآخترب شي ونزلونآ ع طول وآستوآ عرس دآخل الطيآاارهـ يبون ينزلون خآيفين وآنآ اطآلعهم في وحدهـ عيوز استوت بطله نزلت من الطيآرهـ بدون سلم ويودوهآ اللي برع الطيآاارهـ { تبآ عمرهآ الحرمه ^^ واللي ويآهآ اطنزت عليهآ بآلعمره اتقول لنآا تبآاا اتسوي عرض لمدهش
^^ } ..
وتمينآ فآلمطآاار لين الفير وكله سوآلف ويآ الربع ^^ ..~



وعمـــــــــــــــــــــــــــــــــــــــرهـ مقبووووووووله ـإن شآء الله ..}~..

[الصقر الاماراتي]

أكثر موقف عيبني تصويركم لغرفة الشباب ههه وعمرة مقبوله بإذن الله .