أصغر خاتم ألماس في العالم ..!*

[miss cheerful]

السلام عليكم ورحمة الله وبركاته ..

في تاريخ 3-8-2009م .. و تقريبا ع وقت الظهر .. كنا >>النون عائدة لأهلي ربي يحفظهم إن شاء الله المهم خل نرجع لصلب الموضوع فأقولكم طلعت ويا الأهل ونحن أصلا كنا بايتين ف دبي الليلة السابقة .. انزين فنحن كعايلة لما انكون متواجدين في دبي لازم انمر على مكان صح مب دايما لكن انحب ندخله وهو طبعا وافي مول .. عني أنا وااااااااااااااااااايد أحب هالمول يمكن لأنه فاضي ونادر لما حد ايسيره .. المهم ما بطول عليكم وايد وبين ما نحن نتمشى لاحظنا شي و هالشي راح أفصح عنه ف موضوعي اليديد بعد رمضان إن شاء الله .. بس لا تنسون خلكم مذكرينه المهم وأنا أمشي لمحت شي أسود من بعيد ومن الفضول >> ترا أنا ف العادة مب فضولية لكن ما أعرف شو اللي جذبني لها اللون الأسود ..انزين هالأسود عاد الله يسلمكم كان عبارة عن مكان كان متواجد ف ريال وناس تدخل مستغربة وتطلع مندهشة ومنهم يروح يكتب شي فورقة ويحطه فصندوق جريب .. عاد أنا قلت لازم ادخل خاصة إن اللوحة شذتني وايد كان مكتوب عليها "أصغر خاتم ألماس في العالم " ودخلت ولما دخلت قال لي اللي كان متواجد هناكـ و اللي صانع الخاتم مدي ايدج خفت بصراحة .. فقال لي ما تخفيش أنا بس أبى أعيشج بالجو .. إهنيه عاد مديت ايدي ورش عليها عطر وقال تعبير ما اهتميت له كثر ما كنت مهتمه فشوفت الخاتم المزعوم وتم اللي كنت يايه عشانه وشفت الخاتم .. واااااااايد صغيرون فستأذتنه إني أبى أصور وافق لكن مب من العدسة يعني ع الجنب ..رضيت وصورت صورتين وفهمت من تعابير ويهه بسج خلاص لا تصورين فقمت من مكاني خاصة إن ناس ثانية يت وطلعت بكرامتي .. أدري إني اتفلسفت وايد بس كنت أباكم اتعيشون الجو يعني .. بس خلاص ما بتكلم وايد وبخليكم مع الصور وللعلم ترا ما تبين إلا إذا دققتوا زين ف الصور





صح نسيت ما أخبركم إن هالخاتم صنع ف دبي




و هذا الخاتم.. مثل ما قلت إلكم إنه ما يبين ترا أصغر خاتم ف العالم



وبصراحة أنا أفضل إنكم اتسيرون واتشوفون لأنه بالواقع شي و الصورة شي ثاني



وع فكرة ترا سعر الخاتم 10 مليون دولار بس .. بصراحة وايد رخيص .. لكن للعلم إن الخاتم هذا لو حد اشتراه راح يروح ريعه ف وجه الخير و الصندوق اللي اتكلمت عنه فوق هو صندوق إبداء الرأي ف الخاتم بس ما صورته كنت مستعيله وأبى أصلي

بس واسمحولي إذا طولت عليكم ..



وهالله هالله في الردود .. ترا مصورتنه خصيصا عشان أرويه إلكم .. فأتمنى إني أحصل ردود سنعة



ودمتم برعاية المولى ^^"

[%غمـــازة%]

[align=center]


ربـي يحفظج انتي وأهلج عسولـــــــة


الخبــر حلو و الخاتــم بعـد شكله وايد صغيــــــر، منو بيلبســه !!


تسلميـن الغاليـة عالموضوع و الصور


[/align]

[RAKBOY783]

سيلمو ع الطرح ربي يحفظج

[miss cheerful]

[align=center]


ربـي يحفظج انتي وأهلج عسولـــــــة


الخبــر حلو و الخاتــم بعـد شكله وايد صغيــــــر، منو بيلبســه !!


تسلميـن الغاليـة عالموضوع و الصور


[/align]

تسلمين الغالية ع المرور العذب .. وربي يحفظ كل أهاليكم إن شاء الله..
من شدة صغر الخاتم مستحيل و ميلون مستحيل حد يلبسه حتى الأطفال حديثو الولادة صغير عليهم ..}~

[miss cheerful]

سيلمو ع الطرح ربي يحفظج

الله يسلمكــ من كل شر ..
عطرت صفحتي بمروركــ

[رمساوية وكلي فخر]

عيبتنـي القصه فـرقدت وانـآ اقراهآ فـ يوم دخل عـلي وآحد من اخوانـي وعـآني . . لووول

،

اعتمـيت انـآ . . مـآ اشوف الخـآتم .! ويـنه ؟!

لآ يكـون هذيكي الشخطـه الصغـيره !


يبـآلي اسيـر . . بسيـر اشوفه حقيقـة ً . < مع التنوين ^.^


تسـلمين ع الموضوع والصـوره . . =]

[miss cheerful]

عيبتنـي القصه فـرقدت وانـآ اقراهآ فـ يوم دخل عـلي وآحد من اخوانـي وعـآني . . لووول

،

اعتمـيت انـآ . . مـآ اشوف الخـآتم .! ويـنه ؟!

لآ يكـون هذيكي الشخطـه الصغـيره !


يبـآلي اسيـر . . بسيـر اشوفه حقيقـة ً . < مع التنوين ^.^


تسـلمين ع الموضوع والصـوره . . =]

رقدتي ..
عيل خلاص متى ما حسيتي إنج ما تبين ترقدين اقريها وع طول بتروحين ف سابع نومه
أنا كنت بصوره إلكم من العدسة أوضح بوايد لكنه ما رضى ..عسب محد يقلده أتوقع يعني
اتصدقين نسيت إنه قال لي إنه بيتم لثلاثة أيام فقط ..والحين بس ذكرت
و تسلمين الغالية ع الطلة البهية ..