رد مع اقتباسموضوع جميل }
والله لو انسان غالي علي ومحتاج قلب والله بعطيه قلبي وبفارق الحياه من غير ما يدري المريض }}
قاسي }
هل تفعل او تفعلين ؟؟؟؟؟؟ وبكل صراحه
|
السلام عليكم ورحمة الله وبركاته
موضوعي عن شي خاص يختص بالشخص نفسه الا وهو جسده
نلاحظ زيادة حالات مرض الفشل الكلوي بالدولة . وحالات الفشل الكبدي وغيرها من الامراض اللي تستدعي زراعة عضو اخر مكانه عن طريق التبرع بعضو كامل او بجزء من العضو .
يعني الكلى اذا فشلت تستدعي زراعة كليه جديده واحد فتكون عند المريض ثلاث كليات ثنتين ما يشتغلون ووحده تشتغل .
اما الفشل الكبدي فيحتاج زراعة جزء من الكبد يعني يلاقي حد يتبرع له بجزء من الكبد وسبحان الله الكبد تكبر وتغطى عمل الكبد الكبيره ولا تاثير عليها .
او التبرع بالنخاع لمن يحتاجه لمرضى الدم وهذا غير التبرع بالدم .
ياترى .......................
بعيد الشر عن اهلنا واهلكم وجميع المسلمين وعن كل عبد مسلم
لو صار واحتاج حد من اهلك او انسان تخبه او غالي عليك امك ابوك اختك اخوك زوجتك زوجج ابنك بنتك او حتى ربيعك الى عضو نتيجة لفشل العضو عنده
وما حصلو حد يطابق انسجته غيرك ؟؟؟؟
هل تجد عندك الجراه للتبرع له ؟؟؟؟؟؟
لحظة لحظة لحظة
ادري بتقولون انا بحتاج لهذا العضو او انه حرام او غيره او حتى اخاف من تاثيرات العمليه .
المعروف ان هناك الكثير منا يعيشون بكليتين بس نحن ما ندري تشتغل ميه بالميه ولا لا .
وبعد في الكثير يعيشون على كليه وحده وامورهم طيبه .
بالنسبه للتبرع لو كان في نسبة خطر واحد بالميه اكيد الطبيب بيرفض الموضوع من البداية مثل اللي عندهم ضغط وسكري او امراض بالدم ما يصلحون للتبرع .
لانسان يقدر يعيش بجزء من الكبد لانها بتكبر ومب مهم الحجم المهم العمل وكذلك بامكانه يعيش بكليه وحده لان وحده بتشيل العملا عن الثنين .
لا اثار سلبيه على المتبرع وعادي يمارس حياته طبيعي طول عمره حرمه ولا ريال ولا ياثر بالزواج او العيال.
بالدين .................. انك تتبرع بعضو لتنقذ انسان يحتاج افضل من انك تشتري عضو من انسان فقير عشان يسد جوعه او لحاجه .
كما ان العضو الماخوذ من انسان حي يبقى فتره طويله في جسد المزروع له ويكون تقبل الجسم له اكثر واثار العمليه اقل .
بالاخير هذا كله ما بيكون الا بعد فحوصات دم وانسجه للتاكد من مطابقة انسجة العضو للمتبرع بالمريض
فالسؤال مره اخرى ......................
هل لديك الجراه او المقدره للتبرع باحد اعضاءك لتنقذ انسان تحبه ؟؟؟؟؟
انتظر اجاباتكم مع دعواتنا للجميع بالشفاء والعافية
موضوع جميل }
والله لو انسان غالي علي ومحتاج قلب والله بعطيه قلبي وبفارق الحياه من غير ما يدري المريض }}
قاسي }
الموضوع جميل ويستحق مشاركتنا
بالنسبة لي بتبرع وكلي سعادة وفرح
صح كلامك أخوي قاسي ،، لو الإنسان اللي يطلب مني غالي مب بس بعطيه قلبي يرخص له كل غالي وأموت لأجل ايعيش مرتاح ومتهنى ،، وأدري بيظل طول عمره متعذب لأنه فارقني ،، ويمكن ما يقدر ايعيش من غيري ،، بس وين مثل هالحب بهذا الزمن ،، الله يرزقنا جميعاً إن شاء الله ...
المشاركة الأصلية كتبت بواسطة فديت عمري
صح بيتم متعذب طول عمره بس احلى شي انطباعه عني واخلاصي له }}
قاسي }
قاسي القلب الحنون
اشكرك على مرورك الطيب اخوي
لكن الموضوع جدي ونحن نتكلم عن التبرع باعضاء لا تتسب في وفاتنا اذا تبرعنا بها يعني نقدر نعيش بدونها .
لك تحيتي وشكري
عقد فيروز
اشكرج على مرورج الغالي وصراحتج
وان شاء ما تحتاجين تتبرعين لحد ولا حد يحتاج تتبرعين له
فديت عمري
اشكرج غناتي على مرورج الطيب
بس الموضوع جد والامارات صارت من اكثر البلاد اللي عندها فشل كلوي وكبدي
محد يتمنى ان حد يتبرع له بعضو ويموت واصلا محد بيرضى وبيوافق على العمليه .
يعطيج العافيه والحب موجود والحمدلله والامثله وايد وحتى من الرمس نفسها
يسلموووووو
ع الطرح واما انا افديه بروووووووووح بعد
اممم انتم تبغوا الصراحة و ما تبغوا الرد المجامل صح ؟؟
بصرااحة انا لا ما اتبرع بأعضائي
مدري ليه ؟
بس اخاف من نكران الجميل بعد ما اخسر عضو من أعضائي ..
موقنة بــــ أن أمانّي قد حان قطافها
ضوابط المشاركة
