رد مع اقتباسماشاء الله
كلهاي رحله رايح تايلند
مشكور ع الصور
|
طبعا قبل شهرين او ثلاث شهور تقريبا رحنا لدراجون اللي هو بالعربي الفصيح قرية التنين للي بعدهم ما يعرفون انجليزي ( عرف كلمة وقص على عمره خخخخ )
طال عمركم اتصل فيني اربيعي هاك اليوم الصبح وطير الارقاد من راسي وقالي بتروح دراجون قلت له اوكي وتواعدنا وتشاوفنا وسلمنا على بعض وركب ويايه وشغلت السيارة وحطيت القير على الدي ودست البترول وتحركت شوي خخخخخخ بتم اتكلم بالتفصيل الممل شو
المهم رحنا وحطنا وتجولنا بهالمركز الضحم الصراحة وتمينا تقريبا حول اربع الى خمس ساعات ونحن نحاوط واخر شي اشترينا لعبة وهي طايره تطير هاي لي ومكينة مساج لربيعي
اخليكم ويا الصور
ها عقب ما طلعت من الرمس وواصل صوب بنك دبي الاسلامي
المهم وصلت كارفور عشان اربيعي يوقف سيارته ويركب ويايه وبالفعل ركب وتحركنا
وعقبها وقفنا في الشيشة عدوار الساعة ناكل لنا شي
انا اشتريت لي حليب واربيعي اشترا له كرك
تحركنا عقبها بالاتجاه الى امارة دبي
وهنيه على خط اليزيرة
وجان نستلم شارع الامارات
ونحن طالعين صورت لكم جامعة الاتحاد عاد وين فارينها اخر الدنيا
وكملنا طريجنا عقب الى هدفنا المنشود
وبدون سابق انذار ما حسينا بعمارنا الا ونحن بدبي عاد سوالف مني ومناك ما حسينا بالدرب
وجان اشوف هالجسر قيد الانشاء وجان اقول الا اطوف من تحته ما يخصني ( مب جنه غصب طيب تدش تحته خخخخ )
وجربنا من الموقع اخيرا
وجان يظهر لنا البنيان من بعيد ونطير من الفرحة ( حشى ليش وين رايحين لندن خخخ )
ونجرب اكثر واكثر
ونوقف السيارة بعيد عن الزحمة ما فينا بعد نطلع نشوفها مشحوفة ولا شي
ومن على البوابة صورة لكم اسطورتهم الازلية تنين الصين
وهنيه البواية الرئيسية
ومن دشينا شفت الف دري متحرك جان حشى كريمين شكلهم الجماعة
وكملنا عقب وخذيت لي كم صورة منوعة
ودشينا هالمحل كله صور وجيه
من جفت صورة الموناليزا تذكرت عاشقة جان اضحك قلت وين لوين خخخخخخ
وهنيه بعد تذكرت واحدة بعد ما ابا اذكر اسمها
وهنيه صورة لسور الصين العظيم وتذكرت مشروع سرايا عساحل الرمس
اما هاي الصورة ما ذكرتني باحد خخخخخ
وبمقابل هالمحل حصلت محل عنده صوره شيوخنا ربي يحفظهم جميع
وتمينا نلف ونلف ونلف واخليكم ويا باقة من الصور المختلفة وسوري بس المعروضات للبنات اكثر يعني مال الاولاد ماشي دشيت محل رياضة واحد من ييت اصور عفد فوقي زين ما كفخني نو ونو جان اقول بلاه ها واتهاد وياه شوي جان اشوفه يوقف شرات الكراتيه جان قوله رايت سوري نو باي باي سوري خخخخخ
طبعا تقدر تاجر سيارة توصلك وتحوطك في المكان كله
ووايد منها عند البوابة الرئيسية
واخليكم الحين مع الصور
ودشينا اماكن مختلفة مثل ما قلت لكم ما اذكر دورها بالضبط المهم بحط لكم الصورة
ودخلنا صلينا المغرب عقب هاللفة البسيطة
ومن خلصنا الصلاة سيدة طلعنا وتمينا نحاوط
وجان ندخل عقبها هالسجة ويا كثر السجيج عندهم ولا الرمس القديمة خخخ
وهنيه غرف نوم واثاث منزل غير اللي شفتوه فوق
ونحن طالعين حصلنا سوالف بنات وااااااايد صورت لكم منها جم صورة اخليكم وياها
وعقبها طلعنا وتمينا ندور السيارة واخر شي حصلناها
ركبت السيارة والا الساعة يالله يالله
وتمينا على سرعة خفيفة ما سرعنا وايد
ورديت البيت حوالي الساعة 12.00 او 1.00 ما اذكر بالضبط
وهاي طال عمرها سالفة حواطتنا بدراجون واتمنى انها تكون عجبتكم
ويسمحولي الشباب ما حصلت شي والله اصوره لهم لاني كنت مرافق لريال وكان يدور شي فاكثر الاماكن اللي رحناها نسائية ومنزلية
واشكركم على المرور والتعليق مقدما
خاص
Just_me
خيماوي_2000
لا تأسفن على غدر الزمان لطالمارقصت على جثث الأسود كلاب..Just_me
ماشاء الله
كلهاي رحله رايح تايلند
مشكور ع الصور
أنـآ أول وحدهـ مـآ عرفت شـو معنـى درآجـون >> قـلت شـو حـوآطتـي في درآجتـي << بس مخربـط
سؤآل : يـوم شفـت صـورهـ المـونـآليـزآ ذكـرتـك بمنـو ..؟!
حسيـت عمـري معـآكـم بالحـوآطـه
أنتـوآ شـو سـآلفتكـم كـل اللـي يسيـر يظهـر بطيـآرهـ
عـآفـآن آللـه دآم أن كـل شـي مـآل البنـآت جـآن ذكرتنـي بشـي بسيـط >> زطـي زطـي زطـي <<
ْْ. دآيمـآ موآضيعـك مميـزهـ .. وأسلـوبـك مميـز بالطـرح .ْْ
~ْ|| تسلـم إيـدك ع الصـور وريلـك ع زيـآرهـ ||ْ~
التعديل الأخير تم بواسطة عاشقة القمم ; 17 - 11 - 2009 الساعة 08:22 PM
~ْ×|[ تسلميـن إمرآهـ لـآ تُنسـى ع التوقيـع النـآاإاأايـس ]|ْ~
.
ماشاء الله عليك يالمبدع
يعطيك العافيه اخوي
وشكرا لك ع التصوير والتعليقات لااروع
دمت بحفظ الرحمن
[align=center]
ما شاء الله رحلة ولا أروع
انـ للحين ما أعرف وين مكانه هالدراجون مول !
عيبني هالتمثال،، أحسه يشبهــــــك :P
تسلم عالرحلـــة
[/align]
[SIZE=3][FONT=Arial]نَآخـذْ مِنْ الصدمَـآتْ وَ نرميْ ورآنَــا
[COLOR=white]....................[/COLOR] وَ نمشيْ الـطريقْ الـصَعبْ ونقُولْ
[COLOR=red]"[/COLOR][COLOR=dimgray] هآآآنــتْ [/COLOR][COLOR=red]"[/COLOR]
[COLOR=red][COLOR=white].................[/COLOR]"[/COLOR] [COLOR=gray]هـآآآنـــتْ[/COLOR] [COLOR=red]"[/COLOR]
[COLOR=red][COLOR=white]...................................[/COLOR]"[/COLOR] [COLOR=silver]هـآآآنـــتْ[/COLOR] [COLOR=red]"[/COLOR][/FONT] [/SIZE]
يا سلااام محلات الصور والمكان شكلي بسير له
بس تبا الصراحة بعد كل هالموضوع سرت اشك فيك أنت شكلك واحد شيبه صح لا ؟؟
المهم تسلم على الصور ..~
حسبنا الله سيؤتينا الله من فضله أنا إلى الله راغبون
{رَبِّ اشْرَحْ لِي صَدْرِي، وَيَسِّرْ لِي أَمْرِي، وَاحْلُلْ عُقْدَةً مِّن لِّسَانِي، يَفْقَهُوا قَوْلِي}
يعطيك العافية
تسلم ع الطرح
ابدعت
السلـآم عليكم ..^^
الصرآحه حوآطه وآيد حلوه ..
بس ماجنه مغير السووق ولا شو السآلفه..؟؟
والتصوير وايد حلوو..
بس ليش تطآلع مال البنآت آكثر ..^^
هع ..
حيآكـ ^^
ما شاء الله
رحله حلوه وممتعه
حسستنا كأنا موجودين معاكم .. ماخليت شي ما صورته
يعطيك العافية
[CENTER][URL="http://www.0zz0.com/"][IMG]http://www14.0zz0.com/2010/04/01/17/418138832.gif[/IMG][/URL][/CENTER]
[CENTER] [/CENTER]
ضوابط المشاركة
