اجواء البيح 28/2/2010 ولا أحلى

[Just_me]

ليلة اول البارحة نزلت امطار وهواء من العصر والكل جاف وعاش الاجواء الا انا كنت بالدوام اهئ اهئ وحاولت اطلع وركبت الموتر نيسان عاد منو ما بجوفه المهم طلعت واشوه محد جافني .. .. .. وما اتفاجأ الا بالمسؤول ياي مجابلني بالطريج ساير اييب خبز و دنقو ( لا تلومون عيايز ) وجافني وها وين يالله عالدوام قلت له راسي يعورني بروح اشتري بندول قال انا عندي رقم الدكان لا حول ولا قوة الا بالله لزقة عنزروت ها وردينا

وامس الظهر عاد طلعنا من الدوام وسيده على وادي البيح

المهم التقطت لكم هالجم صورة اتمنى تعيبكم

بخصوص الجو كان شوي يغيم وشوي شمس يعني ها وها

اخليكم ويا الصور

ييت اركض بهالموتر اللي ما رحمناه الصراحة ههه المهم وصلت هنيه وسيده عالكاميره وبوف بوف

هنيه وين الشارع اللي قاصنه السد فنزلت اصور من تحت قلن اكيد الف مليار و احد مصور الشارع وهو مقصوص

هنيه عاد غمضني الحصى ميود ما يبا يخلي مكانه تراث يا جماعة شو تقولن انتو ابا عن جد هالمكان

هنيه سيارات عالقة ما تروم تعبر بس لها طريج يديد مسواي تقريبا وييته عقب وبتشوفون من خلاله صور موجودة تحت

فديت سيارتي ما استغني عنها والله

نيسان يفكر يعبر الوادي ( اعبر يا اخي عندك نيسان محطم المستحيل )

وبالفعل عبر والكل يطالع وها شو اللي بيصير وتشجيع ومني مناك ( حسيت عمري بمدرج كرة قدم )

وصل للضفة الوسطى بالسلامة

ونيسان ثاني يعبر بعد يا ويلي على النياسين تارسة البقعة هناك

لاند روفر اليديد

بسنا حشرة نكمل نكمل صور

يا كثر الحصى اللي ما يستغني عن مكانه

سد البيح على وشك ان ينترس رغم الحفر العميقة المحفورة فيه

هالمكان اللي رمستكم عنه فوق

هذا الوادي عقب الوادي المنقص وبصراحة اجوفه هو الثاني على وشك ان ينقص بعد

الماي بدا ينزل تدريجيا اهئ اهئ وقت ما ييت انا عاد

حصلت وعوب ما شاء الله خضرة ( وعب يعني مكان الزراعة مسور بحصى مثل ما يشوفون والتسمية شحية اظن )

ها عاد جافني اصور بخاطره يقول بلاه ها شو ماسك حبل ولا سجين الحين

حصلت لكم نعال زنوبة قديمة ما ادري من اي عصر بس ما شاء الله الوانها زاهية جنها يديده ههه

هالمنظر ذكرني بقرون الغزلان

وانا هناك تفاجات بهالمنظر وانصدمت قلت لا يكون المكان مكان اشباح

صورة بشكل قديم

وبعدين حصلت لكم سمرة

وتحت هالسمرة ناس شاويين ما شاء الله وضاربينها يلسة ( الصراحة المكان يساعد وايد )

وجان احصل لكم عش بس ما روت اوصله من فوق واصور لكم الكتاكيت

حصلت نعال بيضة ما ادري مال منو

المكان المدور هو نفسه المكان اللي الوادي قاص الشارع فيه

ورديت من حيث اتيت

وانا راد يمكان ثاني حصلت لكم هلبيت من حصى ما شاء الله اليهال شغالين هههه

ورديت عقب صوب وين منقطع الشارع وما احصل لكم الا موترين مغرزين بالماي وخاويكم يحب يفزع بس بالكاميرا خخخ

المهم نزلت وصورت لكم هالصورتين

وعقبها رديت البيت وضربتها سبحة وغيرت ثيابي وتعدلت وتكشخت ووينك يا كارفور ما نروم نحاوط هواء وايد

وما ادري عاد متى طلعت من هناك بس كان متاخر

وهاي السالفة يا طوال العمر

خبروني عاد شرايكم بالصور و الاجواء

خاص
Just_me
خيماوي_2000

.

[غايوتى]

الصراحة ما شئ اروع من هذى الصور ...
سلمت يمناك اللى التقطت اجمل واحلى صور طبيعية

[سفير جلفار]

ما شاء الله

تقرير مميز من شخص دومه مميز بمواضيعه وردوده

ابدعت بالتصوير الصراحة

وخاصة المناظر الاخيرة عيبتني بشكل كبير

والله يعنيك عا الدوام ههههههههه

شكراً ع الطرح أخوي جست مي

[bnana]

اشكرك على التغطيه الاكثر من روووعه

ابداع& ابداع

ربي يحفظك

[Just_me]

الصراحة ما شئ اروع من هذى الصور ...
سلمت يمناك اللى التقطت اجمل واحلى صور طبيعية

الله يسلمج خيتو

شاكر لج مرورج الغايوتي

[أنا من الداخل]

يسلمووووووووووووو

[RAKBOY783]

ماشاء الله عليك اخوي علاوي ( جست مي )

صراحه ابدعت في التصوير لا اروع

يييب لي دانقو باجر البيت اووووووووو صح

انت باجر عليك دوام وحليلك

وقالو باجر امطار

ههههههههههه

ربي لا يحرمنى من مواضيعك الفنتك

[Just_me]

ما شاء الله

تقرير مميز من شخص دومه مميز بمواضيعه وردوده

ابدعت بالتصوير الصراحة

وخاصة المناظر الاخيرة عيبتني بشكل كبير

والله يعنيك عا الدوام ههههههههه

شكراً ع الطرح أخوي جست مي

استحيت يا ريال من كلامك هع هع

ما عليك الدوام امره مقدور عليه

العفو خيو

شاكر لك مرورك السفيري

[Just_me]

اشكرك على التغطيه الاكثر من روووعه

ابداع& ابداع

ربي يحفظك

العفو خيتو

شاكر لج مرورج البناني

[Just_me]

يسلمووووووووووووو

الله يسلمج خيتو

شاكر لج مرورج الطيب