موقف غيظبي ومووتني قهر !!!!

[ام محمد من راك]

السلام عليكم ورحمة الله وبركاته

يمكن صارلي فترة ما نزلت مواضيع فالمنتدى لكثرة انشغالي

بس الي دفعني اليوم للكتابة ورغم اشغالي الي ما اتخلص شي احزني وعورلي قلبي بالقو

ماعرف من وين ابتدي بس بقولكم الموقف باختصار:

نحن من عادتنا يومياً بعد صلاة العشا نطلع ويا الاهل والجيران انسير نتريض عالمصلى

حالنا من حال كل خلق الله

ما بقول السالفة سالفة مواتر وامغازل ولا بنات قوم بو ريسان طبر لأ ميخصه ترانا اتعودنا

السالفة وانا امشي البارحة

اخطفت جدامي حرمة وريلها

طبعاً لو كان بنفس مساري الجان ما شفتهم

بس الحرمة يايه عكسي وفالويه فإجباري انا اشوفها واطيح عيني فعينها

لين اهني وكل شي عادي فنظركم صح؟؟

مافيها شي الريال بيمّشي حرمته وهي حامل وشكلها جريب بتربي

الغريب فالموضوع ويييييين؟؟؟!!!!

والله اعجز عن الكتابة

هل هو خوف مني؟؟ هل هو استغراب مني؟؟؟هل هو صدمة مني؟؟!!!مب عارفة افسر

بتقولولي شو الي صار ؟؟

انا اذا بشوف بنات ابهالمستوى وابهاللبس بحطي عليهم حطه فما بال هالحرمة؟؟

بتقولولي ليش شو لابسه؟؟

بقول استغفرك ربي ,,ربنا لا تؤاخذنا بما فعل السفهاء منا

دايماً يوم اشوف هالمناظر حالي من حال اي بنت او شاب بيشوف هاللبس عالبنت وبيقول ماوراها اهل يربونها ,,ولا محد خله الخيزران تلعب على اظهورهم

فما بالكم بوحدة امعرسه وياها ريلها وبقواة عين!!!!

تمشي الاخت لابسه بنطلون اسكيني استرتش بيج راااااااااااااااااااااااااااااااااااااااص بالقو

وفوق الخلق لابسه بدي قصير وع وع وع وع قسم بالله مب متخيلة المنظر جدامي مرة ثانية

لأ و الاخت حامل بعد

عنبو خيلي؟؟!!!!كرشتج واصلة مترين جدام وانتي لابسه هاللبس وفوق امنهم عباة مفتوحة بعد؟؟!!!!

وعهاك لسكارف الملون الشيفون والايد الي طالعه لين الكووووع شو هالمذهب؟؟!!! وين تبين؟؟؟!!!!

ولا والي امغيض بي اكثر ريلها هالكديش واقف حذالها واميود ايدها متفاخر ابحرمته@_@ فرحان امطول شعره وامسوله تمليس!!!!

اقول فخاطري وانا امشي:عنبو هالراس ليلك,,,,وين الرجووولة يا ناس؟؟؟!!!!! قسم بالله ماتوا الرياييل ماعاد في غيرة على بناتهم وحريمهم

وين ما تبون الله يخسف فينا الارض وبينا هالناس عايشين؟؟!!!!

اللهم سترك فوق الارض وتحت الارض ويوم العرض

[ماستر بيكر]

اولا نورتي بطلتج مره ثانيه وبخصوص المنظر اللي شفتيه ولا شي وعلى فكره هذي تعتبر زانيه زانيه زانيه بلبسها هذا

وبخصوص ريلها هذا بسبب النظره اللي سيطرت على عقول الشباب والشابات يوم تقول البنت ابي ريال منفتح ومتطور يعني فري * فري وين ما تبون يستون البنات جيه ولا المصيبه يخسرون عليهن وهن ما يسون بيزه وربي لو منه ربيه ما احطها فيها صدقتي يوم قلتي ما تم رياييل يحزمون الامور الا من رحم ربي ونسأل الله الستر ويحفظ بناتنا وخواتنا ويسهل دروينا لطاعته وربي يحفظج من بنات الحرام وعيال الحرام

[%غمـــازة%]

[align=center]


صدقج والله ام محمد

واااايد نشوف هالأشكـال مع أزواجهم،، مب بس تتريض لا فالجمعيـة و هو ماشي رواها و شايل الأغراض!

انزين ليش ساكت عنها،،! يقدر يقوللها البسي عباة واسعة و مسكرة،، يخاف منها يعنــــــــي


هل هالنوعية من الرجال " دلوعين الماما" و ما يقدرون يقولون كلمة لحريمهم؟!؟!؟


يع يع قرف هالنوعيـة تلوج الجبد.. ..


الله يهديهم و يرجعون لرجولتهم المفقودة :/



هدي أعصابج ولا تعصبين



موفقة بإذن الله ... لكي مني أجمل تحية .


[/align]

[بنوته كيوت]

مش كل ريال .. ومش كل حرمه ...
مثل ماقلتي سيماهم في وجوههم ....فرحان امطول شعره وامسوله تمليس!!!!
شو تترين بعد يغار عليها ( يبغيها مثله كاشخه أونه )

[Time_Racer]

أختي أم محمد

أهلا بك مرة أخرة والعود أحمد

ولكم أضحكتني هذه العبارة "عنبو خيلي؟؟!!!!كرشتج واصلة مترين جدام وانتي لابسه هاللبس وفوق امنهم عباة مفتوحة بعد؟؟!!!!" وأنا أتخيل المنظر ، ولا أدري لم هي لابسة العبايا من الأصل؟!!!
للأسف هذه النوعية من الأشخاص هم بكل تأكيد شباب صغار قد تزوجوا مبكرا ولا مبالين لعادات أو تقاليد أو دين وما يزالون تحت نشوة المراهقة وحب الظهور والتمرد على المجتمع ، إلا أن بعد الولادة ستختلف الأوضاع وتتغير الأفكر ويعلمون خطأئهم - ليس الكل بالطبع-

لكن دعيني أتكلم عنها أولا أنها من الطبع المسيطر والمغرور والجريئ على الدين والعادات وستلم بها الويلات والمشاكل بسبب عدم احترامها لغيرها أو مراعاة شرف زوجها والاعتراف بحقه وحده في رؤية جسدها وطفل المستقبل سيغيرها من حيث اهمالها الشديد بنفسها من أجله وهو ما يجعل زوجها يبحث عن مغامرة جريئة أخرى إن لم يرحم بهم ربي ويهديهم

أما هو مغرور ديوث جاهل لحقيقة ما هو عرض الرجل وما هو عرض المرأة ، ولا أدري إن كان زوجها أو أخوها أو قريبها أو غيره، ولكن إن كانت قريبتك فعلى الأقل امنعها فالفتاة أو المرأة أشد جرأة من الرجل فهي كالفرس الجامح لابد من مروض لها أو ستطيح بفارسها، وهو ما يشكك في رجولته وقوة شكيمته ورجاحة عقله في بناء أسرة تسيطر فيها المرأة وأهواءها عليها فتكون أسرته كنشارة الخشب الذي تقلبه الريح كيف تشاء


وفي النهاية أقول ماذا سيعلم هذا الأب أو هذه الأم هذا الطفل ، هل سيعلمونه قلة الحياء أو الميوعة أو التجرد من الأخلاق بدعو أنه مع موجة الموضة

[layal.22]

ربي يعطيج الصحه والعافيه يأم محمد...
مساكييييييييييين الشباب الفاضيه يبون يريضون مواترهم!!!
واحنا بعد الله يجزيج الخير الاسبوع اللي فات كنا رايحين بعد عند المصلى لان بنمشي مرت اخوي عشان هي حامل ومتاخره في ولادتها ورحنا مع اليهال الصغار وامي واختي منها يلعبون الصغار بالسيكل واحنا نمشي
بعد ما مشينا نطرنا اخواني الشباب عشان ايون ياخذون عشاهم من عندنا
اول ما وصلوا عندنا تمينا انسولف وشوي السياير اللي هناك رايحه ويايه حوالينا ويطالعون بنظره الباقي انقولهم تعالوا يلسوا معانا..
وها اول مره انروح هناك وامي بعد معانا وشافت كل هذا ولو نقولها بنروح هناك بعد بتذبحنااااااااا
ومرت اخوي الحمد الله اليوم الثاني ولدت وحصلنااااااااااا بنوتته حلوه

[ماستر بيكر]

ههههههههههههههه ليال


اول ما وصلوا عندنا تمينا انسولف وشوي السياير اللي هناك رايحه ويايه حوالينا ويطالعون بنظره الباقي انقولهم تعالوا يلسوا معانا


لا تعليق

[اماراتيه والهويه بدون]

الله يستر علينا وعلى جميع بنات المسلمين


لااتلومون الريال بس حتى هي غلطانه يعني اذا هي مااستحت والريال طبعا خايف على مشاعرها وما يقدر يقولها شي ......




ماانقول غير الله يعينا

[ام محمد من راك]

اولا نورتي بطلتج مره ثانيه وبخصوص المنظر اللي شفتيه ولا شي وعلى فكره هذي تعتبر زانيه زانيه زانيه بلبسها هذا

وبخصوص ريلها هذا بسبب النظره اللي سيطرت على عقول الشباب والشابات يوم تقول البنت ابي ريال منفتح ومتطور يعني فري * فري وين ما تبون يستون البنات جيه ولا المصيبه يخسرون عليهن وهن ما يسون بيزه وربي لو منه ربيه ما احطها فيها صدقتي يوم قلتي ما تم رياييل يحزمون الامور الا من رحم ربي ونسأل الله الستر ويحفظ بناتنا وخواتنا ويسهل دروينا لطاعته وربي يحفظج من بنات الحرام وعيال الحرام

المنتدى منور بتواجدكم ومواضيعكم اليديدة اخوي ماستر^___^

بخصوص هالموقف انا الصراحة من ناحيتي ما بعمم عشباب هاليومين بأنهم كلهم ابهالمستوى من التفكير ولا كل البنات مثل هالاخت

الي يخوف كونها متزوجة واي بنت اتشوف وحدة مثل هاذي عادي اتقوم وتتخذها قدوة

بتقول انا بنت ومحد بيووليني ولا وراي ريل بيخاف علي ولا بيداريني خصوصاً اذا كان موقف الاهل بااارد مثل بعض الاهالي الي يسمحون لبناتهم فالجامعات ولا فالاسواق والمولات يطلعون وهم ابهاللبس الفاضح

لأنه من شب على شيء شاب عليه

وحرام ايي الريال ومثل ما قلت دافع دم قلبه عوحدة بجسم حرمة وبعقل يااهل

استغفر الله العظيم

ماعرف شقول بس شكراً عالرد

[ام محمد من راك]

[align=center]


صدقج والله ام محمد

واااايد نشوف هالأشكـال مع أزواجهم،، مب بس تتريض لا فالجمعيـة و هو ماشي رواها و شايل الأغراض!

انزين ليش ساكت عنها،،! يقدر يقوللها البسي عباة واسعة و مسكرة،، يخاف منها يعنــــــــي


هل هالنوعية من الرجال " دلوعين الماما" و ما يقدرون يقولون كلمة لحريمهم؟!؟!؟


يع يع قرف هالنوعيـة تلوج الجبد.. ..


الله يهديهم و يرجعون لرجولتهم المفقودة :/



هدي أعصابج ولا تعصبين



موفقة بإذن الله ... لكي مني أجمل تحية .


[/align]

وين تبين اعصابي تهدى وانا اشووف الدياثة عاامة لبلاد !!!!استغفر الله العظيم

والبنات ولا عليهم من حد

والله اني اتغمظ على حال هالرياييل

واشكثر الدعاوي الي يحصلونها من ورى الناس الي اتشوفهم وهم ماشين بالشوارع مختالين ابحريمهم جذا

وصدقيني يوم اقول حرمة تراني اكبر من قدرها وهي ما تستاهل هاللقب

لأنه الحرمة ربة بيت لأنه الحرمة عرض لأنه الحرمة محرمه على غيره وحلال له هو مب لغيره

اللهم استرنا فوق الارض وتحت الارض ويوم العرض