الشغالات والمواعد

[Just_me]

السلام عليكم ورحمة الله وبركاته

شحالكم يالربع وعلومكم

اخواني اخواتي الكرام الكل منا عنده بشاكير بالبيت لكن في شي انتشر وااااااااااااايد هالايام

ألا وهو أن البشكارة تتعرف على واحد يكون حضر للبيت يصلح شي او غيره والمصيبة عقب هي المواعد بينهم والمصيبة الاكبر وين المواعد داخل بيت الكفيل

اكيد سمعنا عن كذا سالفة اكتشفت بالرمس خلال شهر ( 3 ) اللي طاف

اللي مواعدة وجكوها والريال وياها والصبح بعد عيني عينك

واللي حامل بالشهر ما ادري كم

واللي سارقة ما ادري شو وياااااااااااااا كثرهن

وطبعا اللي تسرق وتدقها شردة من البيت


يا جماعة راقبوا البشاكير صدقوني ما بتخلى

وانا اعتقد بان اللي سهل هالشغلة هو ترك الخادمات بغرف خارجية بروحهم يلعبون على كيفهم

لا تامنوا بهذيل لان همهم ايمعون الفلوس وابصم بالعشرة بان لو فتشتوا اغراضهم بتحصلون اغراض سارقتنها عنكم وانتو ما منتبهين او ان يكون عندها موبايل

طبعا الموضوع مش مختص بالرمس بس الموضوع شامل يعني

خصيت الرمس لاني اسمع عن سوالفها

مممممممممممم كلمة حبيت اقولها وبس

وشكرا لكم


خاص
N_4800
Just_me
خيماوي_2000



.

[ملك بدون مملكه]

السلام عليكم ورحمة الله


حالات شاذه الي صارت ومانصير نحكم او نشك بكل حد ..وماتوقع هاي سوالف الرمس يا عزيزي ...

,,, وان شاء الله الكل يتعض من اخطاء واهمال الاخرين

شكرا

[هاااااااايدي]

السلام عليكم
أنا بصراحه اايد كلام اخوي جست مي.
صدق واايد انتشرت هدي الظاهره ف كل مكان
مأمنهم أمان.

والله لو مو الحاجه الواحد مايابهم لأنهم صدق يشيبون بالرأس
والله يعين

[حور راك]

لو مب الحاجه لو ما فكرنااااااا فالخدم خير شر

يسلموووو ع الخبر

[فتى الرمس]

كلام صحيح 100% انا قبل شهر يبت بشكاره حق بيتي خلال شهر اكتشفت انها سارق وايد شغلات وبعدها توها مكمله عندي شهر عيل لو خليتها سنه شو بسوي لاكن للاسف توديها للمكتب يقولك راعي المكتب خلاص ما بتكررها واذا كررتها رجعا يعني شغلت تعب وعوار راس على الفاضي
موضوعك مهم وايد اخوي وجيت في وقتك عشان اقول اللي عندي
تحياتي لكم

[بحر الذكرى]

الحمدلله ما عندنا شغاله

اخدم نفسك بنفسك

لا للعوار الراس ولا شيء

والله من مشاكلهم اللي تشيب الشعر كل يوم نسمع عن شيء عنلاتهم الخمه

وهايلا يبالهم مراقبه وبعد ما يخلون عيالهم عندهم

لانه اذا بس اتضاربت معاهم ولا قلت لهم شيء

خلاص بيحطوها في راسهم والانتقام شغال


يبالهم خيزرانه تادبهم



يسلموو خيو على الطرح




بحر الذكرى

[بنوته كيوت]

الخدماات زادت مشاكلهم وفي كل بيت بتسمع قصه .. والموضه كل وحده عندها مبايل..
بس مانقدر نستغنى عن خدماتهم..
.......... ، .............
تقبل مروري

[%غمـــازة%]

[align=center]


محتاجين خدامة فالبيــت،، بس من هالقصص اخـــــــاف

تعبـت بس القصص تنسينــي التعــب,, ,..


الله يكفينا شرهم،، هاللي نقدر نقولــه.. ..


[/align]

[أبو عبادي]

لا تلوموا الخدم بل لوموا انفسكم ايها الاسر ...........
1- اعطوا رواتب الخدم في نهاية كل شهر
2- كافئ الخدامة التي تحرز تقدم وتميز في عملها سواء زيادة في راتبها او هدية او كلمة شكر
3-اذا اشتريت اكل من المطاعم لا تنسى ان تشتري للخدامة حتى تشعر بانها جزأ من الاسرة
4-اهتم بالمناسبات الخاصة بها سواء سارة او محزنة
5-علم اولادك احترامها وتقديرها وعدم التعدي عليها
6-علمها مبادئ وعادات وتقاليد منزلك واخبرها عن العقاب الذي سوف تحصل عليه في حالة المخالفة
7-اذا اخطئت لا تعنفها بل اكظم غيضك
8-اخبرها بالاخطاء التي تقع بها
9-اختبر اخلاقها سواء السرقة او غيره
10-قوي فيها الجانب الديني بان تترك لها مجال للصلاة وغيره اذا كانت مسلمة او تدعوها للاسلام ان كانت غير مسلمة

[جنية متنكرة]

الخدم عموما بشر مب عبيد ,,, ... كرامة الانسان اهم من كل شي , اتمنى من كل المواطنين وغير المواطنين اخذ هذه الكلمة بعين الاعتبار . فالخدم من حقهم التصرف في حياتهم كمايشاؤن.. لـكن بعيدا عن الاسرة وبعيدا عن البيت.