عناوين وأسماء المحلات التجارية و اللغة العربية

[أحلام الماسة]

السلام عليكم ورحمة الله وبركاته

اليوم خطر في بالي موضوع مهم ويشغل بالي وايد

أنا من محبي اللغة العربية واااايد.....ومع هذا أنا أتحدث العامية

لكن أنا ضد ما يكتب على اللوحات العامة والاعلانات التجارية أو أسماء المحلات ما يخل باللغة العربية

فعندي لكم اقتراح وأتمنى التجاوب

ألا وهو:

جمع صور فيها أخطاء منتشرة في إمارتنا الحبيبة..

مثلا: كثير من المطاعم والكافتيريات يكتبون أسماء الوجبات والعصائر بشكل مضحك مثلا : بلاليط يكتبونها بلاليه...صح انها مش من اللغة العربية لكن يبقى لها طابع محلي

واحيانا نلاقي على الشوارع لوحات للزواج : مثال: يكتبون عقد غران بدل من عقد قران

واحيانا نلاقي لوحة مكتوب عليها اسم انجليزي...مكتوب بالحروف العربية....بس المصيبة ان نطقها بالعربي يكون شي مب زين وممكن يكون مخل بالأدب

ومثال : في لوحة سياحية(بنية) على يمين شارع الامارات قبل دخلة مخرج 119 واعتذر عن الي بتقرونه

أتمنى التفاعل والتجاوب بالصور

الخ

ومن خلال هالموضوع يمكن البلدية تصدر أمر بالاهتمام باللغة والهوية

اعذروني قلبي يعورني اذا اقرا كلمة فيها خطأ إملائي أو نحوي

[البزي]

كلام جميــل وموضوع حلو

لكن شو نقدر نسوي دام الخطاطين هنود

والي يسون اللوحات هنود

تراج يا اختي تنفخين بيربه ( قربه ) منطره

هذا شويه عيل منطقه في العين أسمها نعمه

وفي اللوحه أسمها نغمه عادي عادي فوتي

الكل رقود في البلديه خليها على الله بس

[أحلام الماسة]

مشكور يا البزي على المشاركة


بس أقولك

شوية صور وشوية نقد


التماسيح الي راقده على الكراسي العاجية بيستحون على دمهم وبيوصلهم الخبر وبيستحون


وبيزحفون أقصد بيتحركون للامام شوي

والله فضحونا


إن شا الله فهمت

[>>جنرال راك<<]

قااالها أخوووووي البزي الخطااااطيييييين هنوووووود موب لغتهم كيف تباااهم يجيييدووون في اللغة العربية
بس المفرووووض يصلحوون الغلط موب يعلقون اللوحات ولفتاااات فالشوارع وهي غلط

وشكراً على الموضوووع أحلام الماااسة

[البزي]

مشكور يا البزي على المشاركة


بس أقولك

شوية صور وشوية نقد


التماسيح الي راقده على الكراسي العاجية بيستحون على دمهم وبيوصلهم الخبر وبيستحون


وبيزحفون أقصد بيتحركون للامام شوي

والله فضحونا


إن شا الله فهمت

امايه أحلام الماسه شكلج تحلمين

هيــلا لو يحسون على دمهم بنقول اوكيه

بس المصــبه دمهم متجمد من البروده

تحت المكيــفات 24 ساعه ويكره عمره

يوم يقولوله دوره ميدانيه

ما تلافينه يحاوط الى جدى بيتهم

عشــان يكون جريب منه وما يكمل ربع ساعه

ويقول تعبت(جنه شال هموم الدنيا على راسه )
وخلاف يقول والحينه وقت البيت

حليله تعب وايد من الجوله الميدانيه

والموظفين حليلهم شادين حيلهم ويقولون المديــر

راح جوله ميدانيه للتفقد والدنيا بخيــر

ربج كريم يا خويه خليها على الله بس وخلينا ساكتين

ما نبا انيب بطاري الخلق ( بعد شوه بعد ما فضحتهم هههههاي )

[الماكيره ام دانة بوظبي]

هم مساكين الاهنود يالله يالله يكتبون عربي المفروض يكون في توعيه وصدقيني لوفتحوا حصص لغه عربيه للهنود الي يشتغلون بدولتنا وطبعا تكون ببلاش صدقيني الاقبال راح يكون فضيع عليهم
يعني احس حرام صح لو مايعرفون مايكتبون بس يبون يوصلون المعلومه بأي طريقه

[أحلام الماسة]

نتريا الصور