مواطن من دبي : يطالب بقانون الاحتشام في رأس الخيمة (صورة)

[مهيري وافتخر]

الله يهدي الجميع والغلط من صاحب المحل إلي يايب هالأشكال ...
شو بيستوي يوم بتييب هندي وبنقالي

[ماستر بيكر]

[align=center]
يا جماعة الخير الاخ ما قال جيه الا بسبب غيرته على اهله براك ولان اكبر نسبة مواطنين متواجدين براك يعني لا تفهمون الموضوع عكس وبعدين بذمتي ان كلامه كله صح انتوا لو تروحون المقاهي بتنصدمون يا جماعة الخير صايره بيوت دعاره وشقق فندقيه وعلى اساس مدخل عوائل عزكم الله واكرم السامعين حاشى لله من ان تتوافد العوائل لمثل هذه الاماكن والعياذ بالله وحدث ولا حرج بس ما اقول الا يا رب بحسن الخاتمه ويارب استرنا واستر بنات المسلمين ويارب لا تؤاخذنا بما فعل السفهاء منا ويا رب اهدهم الى طريق الصواب .
[/align]

[سلطان البلوشي]

اذا ياب هندي وبنقالي ما بيمشي المحل .. لازم جنس ناعم اخوي بالمحل

وحتى بالكوفي والمقاهي لازم هالشي لكسب الزبائن


بصراحه يعجبني قانون الشارقه منع المقاهي وقانون الاحتشام

[حور راك]

لا تعليق

[Just_me]

اشكرج على غيرج بس الاخ ما تكلم عن المواطنات

لا ادخلين هاي بهاي خيتو

وشكرا على غيرتج على بنات بلادج

وفعلا مثل ما ذكروا الاخوان



بالمختصر كلام الريال فعين المنطق وهنيه قال بالمحلات وما ظنتي محلات براك فيها مواطنات يعني الريال يقصد العربيات

وما حدد راك الا لانه قال يلحق الشي قبل لا يفرط


كان هنا Just_me

جااااااااااااااو

[ماستر بيكر]

[

كان يفضل انك تدعي لهم بالهدايه بارك الله فيك

[ماستر بيكر]

[


الاخت الغاليه الموضوع ماهو موضوع عناد وحش في الخلق الموضوع موضوع نداء وتذكير وتنبيه للإحتشام والريال ما قال شي غلط وصلوا عالنبي ترى اللي يبي لنا الخير ندعي له بالخير واذا ربي ابتلى قوم ف مب شرط نصير نفسهم بل المفروض ندعي لهم بالهدايه ونستغفر لهم وبوركتم

[●{طبعـيـﮯ شيوخيـﮯ●]

امم صح ان المحلات في رآس الخيمه
بس إلي يبيعون فيه مش مواطنين
يعني ماله حق يقول الآحتشآم فيي رآس الخيمه
وبعدين هالمنآظر في كل مكان مب بس في رآك

وثآنكس ع الخبـر *

[مجروحه واللي جرحني غالي]

صدق والله ....................... لا تعليق

[ماستر بيكر]

امم صح ان المحلات في رآس الخيمه

بس إلي يبيعون فيه مش مواطنين
يعني ماله حق يقول الآحتشآم فيي رآس الخيمه
وبعدين هالمنآظر في كل مكان مب بس في رآك

وثآنكس ع الخبـر *

مداخله :

اختي والا اخوي ارجو النظر للمعلومه بشكل اوسع .

الريال يوم رمس عن راس الخيمه ما رمس عن فراغ رمس عن حبه لاهل هالاماره وبعدين اهو ما خص بنات البلاد اهو عم في الموضوع والستر زين وربنا امر فيه والريال ينصح وما عليه غبار ويزاه الله خير وبعدين سواء كانوا براك والا بأي اماره حنا لازم نحارب هالمناظر ونحاول بقدر المستطاع ننصح لان النصح اذا انعدم فيما بينا معناته ما بقى فينا خير وربي يستر عالجميع لان بالفعل اللي قمنا نجوفه هالايام ما عاد شرات قبل والمصيبه الكل انخرط تحت مسمى واحد ( المــــــــــــــــوضه ) لا بارك الله في الموضه اذا بتهين كرامة البنت .