~ تواقيع عادية وفلاشية بأحلى الأسعار ~

[شظايا قلب]

مرحبا خواتي الغاليات تاجرات وعضوات
هذا أول موضوع أنزله وعساها فاتحة خير علي
ان شاء الله وان شاء الله شغلي يعيبكم ويلاقي إقبال
وان شاء الله مابتلاقون مني الا كل اللي يعيبكم ويرضي أذواقكم
.
.

بضاعتي بسيطه .. حلوه .. ورخيصه ان شاء الله وهي عباره عن
:
:

تواقيع للتاجره اللي تحب انها تكون مميزه ببظاعتها وتوقيعها وحابه انها
تجذب الكل بستايلها الخاص ..

وتواقيعي بعد للعضوات الغنوجات اللي يحبن ان يكونن مميزات بتواقيعهن
الدلع والكشخه .. سواء كان التوقيع عادي أو فلاشي خااااااص

.
.

أسعاري تبدا من 25 لين 50 درهم بس .. وعلى ما بتعطيني العضوه بخلي توقيعها سبشل
ان شاء الله
يعني عطيتيني 25 كان توقيعج حلو .. وبسيط
عطيتيني 50 كان توقيعج مميز .. وحلو .. والكل بيحسدج عليه ان شاء الله
وهكذا

وبخليكم أحين مع بعض تواقيعي العاديه ونبدا بخواتي التاجرات

.
.

وهالتواقيع لعضواتنا المميزات اللي يدورن ع التواقيع الكشخه

.
.

.
.

.
.

أما بالنسبه للتواقيع الفلاشيه
التوقيع الفلاشي العادي ع 40 درهم .. واللي تباني أظيفلها صوت فالتوقيع
بيكون ع 50 درهم ..
شرط ان الصوت يكون عباره عن شله أو قصيده أو نشيده
عشان الحل والحرم خواتي ^-^

وها مثال ع التواقيع الفلاشيه بدون صوت

[flash=http://up.khellan.com/file/uploads/565f647d68.swf]WIDTH=400 HEIGHT=120[/flash]

.
.

هاي هي تصاميمي واسعاري .. ماباقي غير شغيله صغيرونه اللي هي
"فواصل المواضيع" .. شرات اللي حاطتنهن فأول وآخر الموضوع
سعر هالفواصل 5 دراهم بس .. وغنجي عمرج وخلج Stylish عن غيرج

وأخيــــــراَ .. كيف تطرشين الفلوس وكيف تحصلين ع التوقيع؟؟
اللي تعيبها تواقيعي ماعليها الا انها تطرشلي ع الخاص .. والدفع بما أنه
السعر زهيد بيكون عن طريق تحويل رصيد .. بمجرد ما تطرشلي الرصيد
تطرشلي مسج وتقولي اسمها فالمنتدى ..
ومن توصلني الفلوس أبدا بتصميم التوقيع .. وان شاء الله خلال يومين بس
بطرشه للعضوه أو التاجره ع الخاص ^____^

وحاليــــاً بس .. بما أن نظام الرسايل الخاصه بين الاعضاء هب شغال .. أي وحده تبا
توقيع تخبرني ع العام ونا بتفاهم وياها عن طريق الأخت "قوس قزح" يزاها الله خير ..

}

أتريا ردودكم وطلباتكم .. وان شاء الله تكون أسعاري وشغلي نال على رضاكم
أختكم / شظايا قلب

[شظايا قلب]

للـــرفع

[soso]

الله بصرااااااااحة روعة تجنن بغيت واحد .. بس كيف اوصل لج الفلوس .. ما فهمت كيف يعني بالرصيد ؟!
اشتري ولا لااااا .... اختي العودة تقول لي خبيله لو اشتريت .. محتارة !! اخاف اضيع بيزاتي ع الفاضي ..ههههه.مع انها رخيصة ..مممم

[شظايا قلب]

سوسو

.

.


الغاليه لو بغيتي توقيع ماعليج الا انج تطرشين حق الاخت قوس قزح الصور اللي تبيني
أحطلج اياهن ع التوقيع وخبريها كيف تبين التوقيع .. ونا بحدد سعر
التوقيع ع حسب الشغل اللي تبينه فيه .. وبخبر الاخت قوس قزح وهي بدورها بتطرش
لج الرقم اللي بتحولين عليه المبلغ ..

يعني باختصار الدفع يكون عن طريق تحويل رصيد .. ان شاء الله تكون وظحت الفكره ^_^

تسلمين ع مرورج غناتي

[soso]

اوكي انا طالبة ما اروم اطرش ..ع بطاقة ..واستحي اقول حق امي .. اخاف ما ترضى ..ههههههه
خلاص اختي بعدين بفكر بالإجازة .. والسموح

[شظايا قلب]

مسموحه بالحل غناتي
تسلمين ع متابعتج

.

.


اللي يمر ع الموضوع يرفع لي اياه بدعوه طيبه الله يخليكم لاتظهرون بدون رد

[fahad abdulla]

اشكرج اختي على الخدمه
وماشاء الله عليج
فنانه بتصاميمج ,, ماعليها كلام ,,
واسعارها فعلا مغريه ورخيصه ومناسبه ,,


انزين اختي بالنسبه للي يطلب بنرات للمنتديات
تقدرين تصممين له ,,
او ستايلات ,,
ردي لي خبر باسرع وقات

والله يوفقج بالتجاره اختي ,,

[شظايا قلب]

اشكرج اختي على الخدمه
وماشاء الله عليج
فنانه بتصاميمج ,, ماعليها كلام ,,
واسعارها فعلا مغريه ورخيصه ومناسبه ,,


انزين اختي بالنسبه للي يطلب بنرات للمنتديات
تقدرين تصممين له ,,
او ستايلات ,,
ردي لي خبر باسرع وقات

والله يوفقج بالتجاره اختي ,,

العفو يخوي وها من ذوقك الطيب

وبالنسبه للبنرات .. هي نعم أخوي أسوي بنرات بس قلت بنزل البنرات وهالسوالف
ف موضوع ثاني بأسعارهن الخاصه ..

أما الاستايلات ما اسوي اخوي .. سالفة تقطيع الاستايل غلبتني ^_^

ونا فالخدمه متى مابغيتني يخوي

وسلمت ع مرورك ..

[شظايا قلب]

للــــــــرفع

[شظايا قلب]

للـــــــرفع