نعم اوافق
لا اوافق
اوافق مع وجود شروط معينه
زوجتين في نفس الليله (قصه +استطلاع )ارجو من الجميع المشاركه وابداء الراي
|
بسم الله الرحمن الرحيم
مسسـآكم ورد جوؤوؤري وكـآدي .}
شحآلكم ربكم الـآ بخير ؟ وعلومكم يعلكم ماتشكون من بآس ؟ ...
اليوم حبيت انزل لكم قصه عيبتيني وان شاء لله تعيبكم وبعد ماتـقروون هالقصه اباكم تجاوبون على التسائل اللي موجود اخر الموضوع..
لما له من اهميه في خدمة المجتع والوطن الغالي
7
7
7
ريال عمره 30سنة...
يوم من الايام اتفق هالريال مع هله انه يتزوج ويكمل نص دينه
فرحو هله بقراره وراحوا على طول لجيرانهم عشان يخطبو بنتهم
المهم اهل العروسه طلبوا مهلة عشان ياخذون رأي البنت
لكن المهلة طولت اكثر عن اللزوم ولا حس ولا خبرمن الجيران، الريال المسكين بصراحة حس إنهم رافضينه
بس مستحيين يقولوها في ويهه
بــعد مدة ضاق الصبر في الريال وتم يغني اغنية راشد الماجد وويلاه ضاق الصدر .. الخ مب حافظ التكلمه خخ
الموهيم ان الريال راح وخطب وحده ثانيه
الخطيبه الثانيه وافقت على طول
وبعد يوم من موافقة الزوجه الثانيه جـــااااااااااااه الرد من بنت جيرانهم بالموافقة عليه...يعني حظه قام مره وحده ..
بصراحة الريال تورط ورطه مب طبيعيه!!
فكر الريال اكثر من مره وقرر أخيرا أن يتزوج البنتين في ليلة واحدة ومن دون ما يدرون عن بعض*
المهم ان اهل العروسه الأولى : طلبوا يوم الزواج يكون يوم الخميس أول الشهر الياي
راح الريال ورتب عمره واقنع العروسه الثانيه بالزواج في نفس اليوم الي يبي يتزوج فيه الزوجه الأولى
المهم في يوم الزواج يوم الخميس راح واخذ الزوجه الاولى من صالة الأفراح الأولى وذهب بها إلى الفندق
وقالها : انا بيب عشا وياي بسرعه
راح الزوج واخذ الزوجه الثانيه من صالة الأفراح الثانية وراح للمطـــعم وطلب
عشـــا 3 انفار و3 ببسي
الزوجه الثانيه استغربت وقالت
نحن اثنينه ليش تطلب 3
رد عليها وقال: الحين تعرفين ياحلوة
ياب العشاآآ وراح لنفس الفندق الي فيه
العروسه الأولى ودخل العروسه الثانيه على الاولى ، والعروستين في
حالة ذهول وإندهاش ومب مصدقين اللي قاعد يصير
الريال راح وفرش العشا صوب اليمين ، ووقف وقالهم
تبونا نتفاهم أول ولا نتعشى أول
اللي تبي تتعشى أول تي يمين
واللي تبي تتفاهم أول تروح يسار
العروستين اثنيناتهن راحن يسار
قالهم الريال السالفة الي صارت من البداية للنهاية
وقالهم :
يا بنات انتم الحين زوجاتي ، بس ما في شيء بالغصب
اللي تبي تستمر معاي حياها الله
والبنت اللي تبي الطلاق ، تراني حاضر ، وورقتها تييها باجر ولو عالايميل بعد
ردت الزوجه الأولى: انا أبيك
وقالت الزوجه الثانية : أنا بعد أبيك
قـــــال الزوج : عيل تعالو جهة اليمين
وسمـــــو بالله وتعـــــشو.........
انشالله القصه كانت خفيفه على قلوبكم ...
مربط الفرس من القصه..(مطوله السالفه اليوم..)
7
7
في نهاية هالقصه حبيت احط لكم هالاستطلاع وهالتسائل اللي يقول....
(هل تأيد وتوافق على تعدد الزوجات في مجتمعنا الاماراتي ام لا وشو هي الاسباب في كلا الحالتين )
ياليت الجميع يتفاعل ويبدي رآآيه لمصلحة المجتمع والوطن..
دمتم سالمين وانشالله اجوف مشاركاتكم ونقاشكم الشيق
يآ ورد .. عادي .. لو بـ الإحساس غشّوك
تبقى لك .. الذكرى ولو هم .. تناسوك ..!
ههههههه حلوة لقصه بصراحه مب دايما تعدد الزوجات يكون ناجح انا بصراحه ما اوافق لكن اذا الريال مجبور يتزوج ثانيه مافي مشكله امممم اول شي تعدد الزوجات بيحل مشكله العنوسه وبنفس الوكت بتطلع مشكله تعدد المطلقات واناا اقول الواحد لازم يفكر قبل لا ياخذ الحرممه الثاننيه ^^ والسموووحه
.. تقبل مروري ولد زايد .. اختك ملاك بأخلاقي ..
مشكور اخوي عالقصة و يعطيك العافية
انا الصراحة اعارض و بشدة تعدد الزوجات ما لم يكن لاسباب خاصة .. مثل مشاكل النجاب و غيرة
اولا ... لان الزواج بحد ذاته مسؤولية و الي بيتزوج ثانية و غيره بيزيد عليه المسؤولية و عوار الراس
ثانيا ... المشاكل الي بتيه من غيرة الزوجتين ... هذي قالت و هاي سوت ... و الله يعينه
ثالثا ... التاثير النفسي على الاطفال ... و هالشي مستحيل ما يكون موجود...
رابعا ... مستحيل رجل يعدل بي زوجتين و هالشي مب في ايده...
من وجهة نضري اي شخص يزوج اكثر من وحدة ... فهو الي جنى على عمره
قصتك جميلة وسردك اجمل اتمنى لك التوفيق
تعدد الزوجات سنة مهجورة من سنن الرسول (صلى) تأثم الامة أذا تركتها
خاصة في هذا العصر عصر الفتن
وكل السنن النبوية فيها خير للامة ولكن المسلمين يعيشون صراع فكري وثقافي
بعيد عن هدي الرسول (صلى)
انا اعارض بشدة تعدد الزوجات
السلام عليكم ورحمة الله وبركاته
الحمدالله أنا بخير بس يوم الاحد ما بكون في المنتدى وانت عارف
أخبارنا زينه من صوبك
اشحااالك يا ولد زاااااايد
عساك بخير
أمممممم والله أنا ما أدري شو أقول
الصراحة القصة وايد حلوة
وعيبني موضوعك
الصراحة أنا ما أعرف في هاي الشغلات
امممم شوف يا ولد زاايد هو الاسلام حلل لريال أربع
بس بشرط انه يعدل بين الزوجات
وادا الحرمة الاولي موافقة من هاااا الشيء في هااااي الحالة
مب مشكله لكم انه يروح ويتزوج من وراها ويي بعدين ويقول أنا تزوجت
طبعا ما يستوي الرسول صلى الله عليه وسلم وصى بالشورى
تشاورو فيما بينكم
أما تعدد الزوجات فهو على حسب الي يرغب والي ما يرغب
ع الموضوع ولا أروع
ربي يحفظك ويسعدك
[flash=http://www.shy22.com/upfiles/EBT85197.swf]WIDTH=600 HEIGHT=400[/flash]
المشاركة الأصلية كتبت بواسطة بو مـ هـ ير
أنا نفس راي أخوي
[align=center]
أؤيد بشده بعد بس يوم بيكون في ريال عدل
أصلا وين الرياييل العدلين بالبلاد ههههههههه
العدلين منهم حلال عليهم 4 وموب 2 بعد
والثانيين خساره فيهم وحده بعد خليهم يسرحون ويمرحون ويا الزلمات والمغربيات عقب اتيلهم امراض ويتعبون هاللي يستحقونه ما يستحقون حرمه بنت بلادهم
[/align]
مشكورين اخواني عالتفاعل وخلونا نحلل نتايج التصويت...
مشاهدة نتائج الإستطلاع: هل توافق وتؤيد تعدد الزوجات في مجتمعنا الاماراتي
نعم اوافق00%
لا اوافق
اوافق مع وجود شروط معينه
المصوتون: 7
4مب موافقين
3 موافقين بشرووط
نتريا مشاركة باقي الاعضاء
يآ ورد .. عادي .. لو بـ الإحساس غشّوك
تبقى لك .. الذكرى ولو هم .. تناسوك ..!
القصة الصراحة مضحكة
خخخخخخ
تسلم ولد زايد
هل تأيد وتوافق على تعدد الزوجات في مجتمعنا الاماراتي ام لا وشو هي الاسباب في كلا الحالتين
اوأيد اذا الزوج راح يعدل غير هذا لا لان حرام يتزوج الثانية ويطنش الاولى ويهمل عيالة وبيتة الاول او العكس وتصير مشاكل لا تعد ولا تحصى
ضوابط المشاركة
رد مع اقتباس
