! |[ زيـارتي للحمـراء ]| !

[المفنوده]

السـلام عليـكم والرحمـه . .




هذا أول موضوع تصويـر في هالمنتدى . . فـي شهر 1 تقريبا كنت ماخذه اجازة اسبوع من الكليّـه . . قلت بشدّ حيلي . .


و هالرحـله ما تتعوّض . . وقلت لازم اسدح موضوع عنـها . . !


كنـا ويّـا العايلة الكـريمـه صوب دار الحبـايب . . RaK . . و بـ التحديد كنـا في منطـقة [ اليزيـرة الحمـراء ] . .


طبـعاً الاقرب لنـا كـان ]منتجـع وشـاليهات قلعة الحمـراء [. فوق الروعـه الصراحه . . انصحكم فيـه . .

الكـاميرا رافقتنـي في اغلب جولاتـي . . ولكن لضيق المساحـه هنيه . . بطرح لكم . . الشـي البسيـط . . !

بدايـة . . الـى الشعب الخيمـاوي . . أولهن ام الريـمـ [ ربيعتـي ] . . حبيتـها تراب اليزيـرة . . يوم الا انها طبعت في ذاكرتـي أجمل اللقطـات . .


أتركـكم مـع الصور . . & التعليـقات عليـها . .


! [ 1 ] !



هنيـه بدايـة المشوار . . خاري الشـاليه اللي خذنـاه . .




===

! [ 2 ] !




هنيـه كـان تهوّري . . لوول . . كـان الشغل هنيه بعده ماخلّـص . . تقريبـا وين الغولف . . الجـو كـان رهيــب . . طبعاً المفنوده كانت بعيده عن الكـل =)




===


بعيـد عـن الشـاليـهات . . سرنـا صوب اليزيـره الحمـراء اليديمـه . . منطـقة رغم انها تخوف بسبب انها مهجوره . . واحم احم ثجيـلة شوي . . بس راااااايعه بمعنى الكلمه من حيث تاريخها وتراثها اللي هو متجسد في البيوت و السكيك و الفرجان . . !



! [ 3 ] !




بدت مـغامراتي ويا كيمرتـي . . ودخلت في بيوت شبه طايـحه . . وخطـرة . . تخيّلوا الحشيش . . و الحصـى . . هذا بصوب . . و الاصوات بصوب ^_^ وهالمكـان بالتحديد . . كان فوق الخيـال . . صوت البحر كان محتـّل و محلّـي الجو


===


! [ 4 ] !




تقريـباً نفس المكـان في الصوره [ 3 ] . .



===


! [ 5 ] !




الا يـا دار . . بالله خبريـني . . عـن المحبوب // قولي وين غايب




===

! [ 6 ] !




هذا البيت كـان من احلـى البيوت اللي دخلتـها .. كـان كبيـر . . و الواضح انه العايله اللي كانت تسكنـه كبيـره . . وفي هالصـورة . . أظنـه صوب المطبـخ . . شفت يدور خاري ^.^"




===

! [ 7 ] !





من غلاك وكثر ما احبك ../ / حتى درب الحمـرا حبيته




===

! [ 8 ] !




يوم هبت من جدا الماضي هبوب .. شلت فوادي وهلــت مدمعي

[ للشـاعره / قلب العنـا ]




===

! [ 9 ] !




فـي صدى ذكراك بقزّر // حيـاتي . . ]



===

! [ 10 ] !





أمشـي مـع الوقت . . و طيوفك تخاويني . .

===


! [ 11 ] !



هـ الصوره . . بغت تسوي لـي مشـاكل . . بس كل شي يهون اذا كانت اللقطه بتعيبكمـ . . المكان كان صعب الوصول له . . الحصـى و الطابوق في كل بقعه .. اضطريت اني امشي على الحصـى عسب اوصل لهالبيـت . . وكنت خايـفه صدق لا يظهـر لي غول والا شي يدبي لوول . . حمدت ربـي ألف مره . . انه بوعسكـور محد ويـاي




===

الصـوره [ 11 ] كانت آخر محطـه لي في المنطقـة . . وخلاف رجعنـا ع الشـاليه . . كـان قريب المغرب . ,


! [ 12 ] !




حلـوة شمس غروبـج يـا [ . . RaK . . )





! [ 13 ] !



صـورة الشـاليه من عـند السـيارة . . كنـا نشـل قشـارنـا . . عسب نظـهر . . )





! [ 14 ] !




ودّعنـا المكـان . . على وعد انـّا نرجع لـه . . ان شاء الله فـي اجازة الربيـع . . ان الله راد . . وقبضنـا الدرب . . ^.^"



==//==


أعرف اني قصّـرت في طرح الصور . . ويمكن التعليقات ما وفت المكان روعته . . زيـارة بالفعل كانت رائـعة . . من كل قلبي اتمنى اني اعيدها . . خصه انه المناظر تستاهل الواحد يوقف . . يتأمل . . ويصور . .




هالموضوع اطرحه لكم .. وكلـي أمل انه يناسب . . ويرتقي لمستوى اذواقكم الرفيعه . . اتريـا نقدكم قبل مدحكم . . وباب النقد امبونه مشرّع . .


ارق تحيـه ازفـها لكم . .

[راشد]

وعليكم السلام ورحمة الله وبركاته ..

يا سلااام شو هذا الموضوع الكشخه ..

ماشاء الله عليج ابدعتي اختي فالصوور ..

وماشاء الله ترتيبج واايد حلووو ..

عيبتني ثاني صوره .. زاويتها وايد حلوه ..

وصوور البيوت القديمه بصراحه ماشي احلى عنهاا ..

ما قصرتي اختي ..

استمري في التصوير ..

لاتحرمينا من يديدج ..

ربي يوفقج إن شاء الله ..

[مراسل_صريح]

جولة جميلة
مكان رائع
اجازة سعيدة
مناظر خلابه
صورة فنية
دقة و أناقة
تعليقات ممتعة
موضوع مميز

أنتي مبدعة و محترفة في التصوير و نترقب كل جديد من عدستج.
وحياج الله في منتداج و نورتي القسم أختي المفنوده.

[المفنوده]

وعليكم السلام ورحمة الله وبركاته ..
يا سلااام شو هذا الموضوع الكشخه ..
ماشاء الله عليج ابدعتي اختي فالصوور ..
وماشاء الله ترتيبج واايد حلووو ..
عيبتني ثاني صوره .. زاويتها وايد حلوه ..
وصوور البيوت القديمه بصراحه ماشي احلى عنهاا ..
ما قصرتي اختي ..
استمري في التصوير ..
لاتحرمينا من يديدج ..
ربي يوفقج إن شاء الله ..

تسلم اخوي على هالمرور العطـر ..

كلامك ما يدل الا ع طيب اصلك . . !

مشكووور و يعطيك ربي العافيه

[UM HZA3]

][ المفــنودهـ ][

ماشا الله عليج يالشيخه
تصوير رااائع ..تسلم عدستج
واايد عيبتني الصوره التاسعه والثانيه
نترقب الزوود من ابداعج
لتمنى لج التوفيق والمزيد من الابداع

يعطيج ربي الف صحه وعافيه

دمتِ لمحبينج
Um Hza3

[العتيبي]

10 على 10 اخوي

الصور اكثر من رائعه و موضوعك اروع بصراحه

يعطيك العافيه

العتيبي

[UAE.G]

'
:

وآناْ..أقْول شوْ سْآلفْة راْك فْي شْهر(1)...!!
كآنْت منْوره بشْكل مْب طبيْعيْ..،،
ثرْج كنْتي فْيها ^^
مْاشالله علْيجْ أختْج..,,
أسْحرتْني الْصوْر..وأغرْمتْ فيْهآ..!!
وْبالأْخصْ هْالصْورْه..,,

وعْجبْني تنسيقْج..ورْمستْج فْي كْل صْورْة..,,
شكْرا علْى الموْضوعْ...}
ونرقْْب يديْد مْبدعْتنآ..~
[تْستْآهلْينْ..التقْييْم..بجْدآرهْ]
:

'

[iAbdulla]

يا سلام صور روعه الصراحه

وماشاء الله عليج فنانه بالتصوير

وبالتوفيق لج

3bo0od

[ملك بدون مملكه]

ماشاء الله .. على الابداع ... اللهم لا حسد ........

مبدعه بالموضوع والتقاط الصور ..........

الله يعطيج العافيه .... وبالتوفيق دائما ......

[soso]

وَاآآاو مَا شَاءَ الله عَلِييِجْ خِيتُوا ^^

تِسْلِمِييييييينْ عَ ‘التَّصْوِيرْ الَأكْثَرْ مِنْ رَائِعْ وَ نِتْرَيَّا‘منج َكِلْ يِديِد..‘