|
شفت نكتة في المنتدى عن الحلف في قسم مجلس المواضيع المحذوفة
سبحان الله ..في نفس اليوم , قبل لا أقرأ الموضوع
اتطالع التلفزيون ... فمسوين لقاءات مع الناس .. عن رايهم عن مواضيع
فواحد من المتكلمين ... يحلف و يحلف !!!!!! ليش ............. ما أدري
هذا لقاء تلفزيوني .. يعني قلت و لا ما قلت شي ما بضرك شي
فليش الحلفان هذا كله
و مرات في .... من الناس من تبا تناقشه بشي ... يرد لك بكلام كله حلف
الصراحة ... أنا اللي يحلف على الطالعة و النازلة .. ما أحب أتعامل وياه و لا أتناقش وياه
لإنه يوم أنه يحلف يقطع عليك الموضوع .. خلاص
فشو رأيكم في اللي يحلفون دوم ... هل عادة و لا حاجة
ع حسب خبرتي ان المنافق كثير الحلف ..
و احيانا الكذاب يدخل الحلف في كلامه عشان هو يصدق نفسه ثم الناس تصدقه
الحلف الكثير و بدون سبب فيه اهانة لاسم الله <<< كما درست في المرحلة المتوسطة
و هو عادة سيئة ينبغي لمن ابتلي بها ان يحاول الاقلاع عنها
كثرة الحلف منتشرة كثير فاحسنت يا اخي في اختيارك هذا الموضوع للنقااش
دمت للمنتدى
موقنة بــــ أن أمانّي قد حان قطافها
انا بعد يا جماعة الاحظ على الكثير من الناس انهم يحلفون لسبب ماله داعي والحلف يدخل عندهم في كل جملة يقولونها ما ادري وانا ما احب هالعادة اللي عنده هالعادة يحاول يبطلها احسن لانها مو شي
صج أنها عادة سيئة جدا"بعد أسم ربنا مب لعبة كله حلف
هم خلاص تعود ألسانهم وصعب يتغيرون وبعدين اللي مب واثق من عمرة دايما" يتخذ الحلف بكل شيء
الله يهديهم ويتركون هالعادة السيئة
المشاركة الأصلية كتبت بواسطة المتميزة
رايي من راي أختي اختصرتت اللي بغيت اقولة ^^
اللي يحلف وايد اعرف ان هذا كذاب
ومشكور اخوي ع الموضوع
صـحيح لإنه كثرة الحلف يمكن يكون في الحق و يمكن لا
كما أن كثرة الحلف دليل على ثقة الإنسان في نفسه مما يترتب عليه فقدان ثقة الآخرين فيه
قال تعالى في كتابه العزيز “ولا تطع كل حلاف مهين”
المشكلة أنهم متساهلين فهالموضوع
على الرغم أنه ما يرزا
يعني يحلف في أمور الدنيا ، و لفظ الجلالة عزيز أنه يستخدم فهالأمور
ولازم يعرف أنه هالموضوع .. فلازم يغيره هالعادة ، بأنه ينتبه لرمسته
مثل ما قلت أخوي
هو متعود على الـكــذب ، فيزيد بالحلفان عشان يمشي خريطه
ضوابط المشاركة
رد مع اقتباس