"" شو اتقول حق اللي فـ بالك ""

[بن سعيد]

السلام عليكم و رحمة الله وبركاته

اشحالكم يالربع عساكم بخير

طبعا انتوا اتعرفون شــ السالفه

يعني ما يحتاي اشرح ههههه

اي حد يبا يقول شي حق الي فباله يعبر هني
لا تقصرون ابي ابداعات

وأنـــا أقـــول:-


ليه المسى عوق الشقاوي وصبه ... وليه الهبوب تصحي القلب لا بات
وليه القمر يدعي جريح المحبه ... ويقوله يا هيه ما فات ما مات
جرحك ظهر لو قلت للوجه خبه ... وللحزن في ضحكك رسوم وعلامات
وليه المطر بالذات ريح ومصبه ... كنه رسول بين الاحباب بالذات
اشتاق فيه لشوفتك واتنبه ... للي نسيته من مواقف ونظرات
لى استانس الخافق كثر من يحبه ... ورجاي رايق في الوناسات ما فات
يا مرتع القلب الحزين ومربه ... يا زينك مثل الذهب بصدر الابيات
هيهات ينسى القلب شخصن لعب به ... وهيهات يدلى خاطري منك هيهات
نبع الغلا عندك وعندي مصبه ... ومن الوله في خافقي لك ولايات
وطيفك حطب عيني وعيني مشبه ... والشوق برد منقطع بوسط لحظات
ومكانك الصدر ولك القلب شبه ... بين الضلوع اللي فرقه التنهات
محبتك في الوقت ذا ما تشبه ... ولا بخيمة بدو بين العمارات
ان شفتني ضايق واهوجس واسبه ... اخاف غدر الوقت والوقت دورات
لا تحسب ان دمعي نزل سبه ... ابكي من الفرقى وهي ما بعد جات
اليوم كل امورنا مستتبه ... وبكره مانعرف وش تجي من مسرات
طرب قلبي مثل قلبي طرب به ... ما يخلفه كثر العجز والمسافات

[%غمـــازة%]

إلا إنت ما توقعت الغدر منك يكون
إلا انت يا حبيبي تغدر و ترخص هواك

يا خسارة كم عطيتك عاطفة قلبي الحنون
و يا خسارة كل لحظة عاشها قلبي معاك

ما ادري كيف الحب هذا عندك بلحظة يهون
وانت بلحظة رميت سنينــي الحلوة وراك

خنتنــي وانا اللي عمري ما تخيلتك تخون
بعتني وانا اللي قلبي باع كل غالي و شــراك

رووووح و الله يسعدك في وين ما كنت و تكون
و اترك الذكــرى لحياتي و اتــرك لقلبي غلاك

رغم كل اللي جـرالي ما أقول إلا :: تمـــــــــــون
بس تأكد ما عشقت إنسـان في الدنيا ســواك

[بن سعيد]

سلامن من خلك يالغلا يحييك ... سلامن والقلب يخفق لملقاك

[بن سعيد]

خبرتوا حد يبكي على واحدن يبكيه ... وخبرتوا حد مسجون وما يبغي فراجه
احبه ولو بعتضه على شي يسويه ... ولا زالة ارقاب الرجا فيه منعاجه
عسى منزل ضمه حقوق الوسم تسقيه ... وتضحك له الدنيا وهو يضحك احجاجه
فقد خاطري شي من الضيقه امسليه ... وغدت روحي من الناس والليل هجاجه
اروح لمكانن خابره .. خابره ياتيه ... اسوق القدم صوبه وهي مالها حاجه
مكانن نزيهن واول مواجهي له فيه ... وانا خابر ما رجل مثله بدواجه
لعل وعسى ما حدني للمجي .. يدعيه ... اشوفه وانا ما ودي اسبب احراجه
يحب الجريح اخر دروب اللقى ويجيه ... وتحب القدم جيت مكان اول مواجه

[%غمـــازة%]

الله يـلـوم الـلــي لـحـالـي يـلـومـي لا ساهر سهـري ولاهـوب مهمـوم

ماهـوب مثلـي يزعجـه كـل يـومـي هـم يلـوج بـداخـل الـصـدر مكـتـوم

[بن سعيد]

صح لسانج

ليه طيفك لا غزى نومي بكيت ... واصحى من نومي غريق بمدمعي
وليه ذكرك لى سمعته انتهيت ... اكتم الونات واعض باصبعي
وليه لى فكرت في حبك سهيت ... انسى كل الجالسين اللي معي
وليه لى جت عيني بعينك انعميت ... وقلبي اسمع دقته بين اضلعي
وليه لى حاولت انسى ماقويت ... ضايعن ماقدر احدد موقعي
لا بد اني تاكدت و دريت ... اني مهما رحت انت مرجعي
والدليل اني بطاريك انتهيت ... خاتمي ادوره وهو ف اصبعي

[فديتني شيطونه]

أيام حلوه كانت أيام حبك

كنت في روحي تسري كنت بجنون أحبك
قاسي القـلب لكـن كــان قلــبي بقــلبك

ويــن مـوعــــد جمعـــنا وين ذاك المكان
وضــحكــنا الي ضـــحكنا والوله والحنان

تقـلـــب الكــون كله لو تأخرت خــــــطوه
ضعـت مني بثــواني والله دنـيا ما تسوى

تحياتي



][ شيطونه ][

[%غمـــازة%]

صح بدنك بن سعيــــــد

هذي هي الدنيا متاهات واحزان **** كلاً يدور راحته ما لقاها

تبي لها صبر مع شوي كتمان **** مع ضحكةً تخفي دموعك وراها

[رمش الغلا]

لا تذرف الدمعة ولو صرت مهزوز

ولا تشتكي للناس وان كنت معتاز

وان رن قلبك والحزن فيه مرموز

اكتم رنينه واجعل الوضع هزاز

[%غمـــازة%]

ودي أبـكـي لـيـن مـآ يـبـقـى دمـووع..ودي أشـكـي لـيـن مـآ يـبـقى كـلآم..