المشاركة الأصلية كتبت بواسطة مرجانه
اهاااااا
حسبالي هناك غير وهني غير
يزاك الله خير ع التفسير وعلى صبرك ...
زين بكمل جزء ثاني من حلم امس >> الله يعينّي على هالنظّام .. بتشتت وياه !!
حلمت انّ اختي ميثه صار خلاف بينها وبين زوجها ويت بيتنا هي وبناتها ، وعقب ضربت صاعقة في حوش البيت
وطلع منه كنز لميثه وقلت لميثه بنخبي هالكنز لا أحد يشوفه ويطمع فيه وهو لج! فيبت صرّه وحطيت الكنز فيه وربّطه
عقب فكّرت ارسله لمكان بعيد عن البيت عند احد .. حتى اقدر اصرفه نقدي واعطيه لميثه!! بعدين ارسلته بعيد عن البيت ، وعقب طلعنا لمول العين انا وميثه واخواني وقلت فرصه اصرف الكنز نقدي واعطي حقه كامل لميثه وشليت الكنز وياي في صرّه وكان اخوي العود شاك بالموضوع! وعقب نزلت بروحي للطابق الارضي بالاصنصير وين مكينة الصرافه عدال كارفور وشافني سعيد وكان فوق ويا ميثه وناداني اطلع ثلاث مرات وطنشته؟ وكان عارف اني بصرف اللي بالصرّه ؟ وكان يبا هو يسوي هالشي بس ما ودّي هالشي يصير حتى ما ينصب على ميثه! ورحت للمكينة وصرف الكنز كله واخذت القيمة عشان اعطيه لميثه ولاحظت ان ارضية المول وسخه كله ترااااب وحشيش !! الحشيش اللي يعطونه الغنم!! وكنت اتمصخر ع المكان وجافوني كمن شاب راعين محلات وحاولوا طردي من المول وانا اصلاً كنت طالعه منه
طلعت لميثه ومشينا برع المول !!!
حسّيته آكشن !! بس شو تفسيره !!
واضح انج بتسوين مشكلة وبتستوي سالفة عليها بين اهلك وهذا ما يتضح من هذه الرؤيا ولا اكثر من ذلك !!
ويزاكم الله خيرهذا وأن الله اعلم ...
