اقتباس المشاركة الأصلية كتبت بواسطة مرجانه مشاهدة المشاركة
السلام عليكم ورحمة الله وبركاته

حلمت اليوم الاربعاء 21 / 7 / 2010

اني انا وخواتي نستعد لمناسبه واشترينا فساتين فخمة وايد وحلوه وانا فكرت اغير لون شعري ورحنا للصالون
وقلت للعامله ابي تغيريلي لون شعري قالت بغيرلج اياه ع ذوقي وصبغتلي لون ككاوي وقلتلها ابغي بعد خصل
قالت من عيوووني وسوتلي خصل خفيفه وقصتلي شعري مدرج وكان رووووووووعه لما شفته ، اللون الككاوي
تغير وصار اشقر باهت بس كان حلو علي وشفت القصه من ورى كانت روووعه بعد واختي اطالعني
بعدين ردينا للبيت وهناك لمحت ريل اختي كان قاعد ويطالعني بجمود لكني طنشته وانا وخواتي كنا نتجهز للمناسبه
ورحت امشي في الحوش ولقيت في الحوش كبشين وانا طنشتهم وبغيت ارجع لكنهم ركضوا وراي وهربت منهم
وهم تبعوني لين طلعت فوق سطح حجرتي وتسلقوا لين وصلوا لعندي وحاولت اصدهم لكنهم طاحوا من فوق السطح لتحت وماتوا!
ويت اختي تجوف شو صار قلتلها انا مالي شغل هم اللي طاحوا وماتوا انا ما قتلتلهم !!


شو تفسيركم يا رعاكم الله


( ما ادري يا شيخ هاليومين احلم ان عقب ما نحضر مناسبه القى شي شيطاني يدخل من ورى البيت وانا اهرب منه
مرة شفت انه اعصار رملي ضخم وايد ، وامس شفت انه ديناصور ضخم واشرد منه واقفل على حجرتي الباب ، واليوم شفت انه
كبشين يركضون وراي ومن ورى البيت واشرد منهم !! )

شو تفسيرك لهالشي يا شيخ ؟؟

وعليكم السلام ورحمة الله وبركاته

خففي من تبذيرك وصرفك للمال علشان ما تشوفين مثل هذه الاحلام عن الكبش والديناصور والاعصار !!

هذا وأن الله اعلم