|
بسم الله الرحمن الرحيم
ما اجمل تلك العادات الشعبية التي نمر بها نحن بالخليج
واقربها على قلبي القرقيعان
يتجمع به الاهل والمعارف ليبسط كل واحد منهم مايحملة في جعبتة من قرقيعان خاص بأحد ابنائة ويقوم بتوزيعة على لبس وهيئة تراثية رائعة لتعود بنا الى سنين الماضي وذكرياتة الجميلة....
ياهلا ومرحباااااااااااااا
احب ان اقدم لكم لمحات عن ليلة كم ينتظرها الاطفال
حق الليله الذي تحتفل به دول الخليج في النصف من شهر الخير رمضان
حيث يستعدالاهالي للاحتفال بتجهيز المكسرات والحلوى
وتقوم الامهات بخياطة اكياس القماش
للاطفال وتعلق على الرقبه لجمع ما يوزعه الاهالي وتختلف
التسميات بين دول الخليج
فيقال ..
** القرنقعوه في قطر والبحرين
** القرقيعان في الكويت والمملكه العربيه السعوديه (( المنطقه الشرقيه))
** القرنقشوه في سلطنة عمان
** من حق الليله في دولة الامارات العربيه المتحده ( وتكون هذه الليله في النصف من شعبان )
وايا كانت التسميات او التعبيرات الشفهيه المصاحبه لهذا الاحتفال الا ان الطريقه واحده
حيث يبدأ الاحتفال بعد صلاة المغرب مباشرة فيتجمع الاطفال في جماعات
تطوف على البيوت وهم يرددون اهازيج خاصه بهذه المناسبه.
وتختلف كلمات وتعبيرات هذه المناسبه من دوله مثلا لذالك
و يكون لبس البنات عباره عن
المرتعشه
البخنق للبنات
الثـوب
و لبـس الاولاد
يردد الاطفال في مملكة البحرين ...
سلم ولدهم يا الله
وخله لأمه يا الله
اييب المكده يا الله
ويحطها في جم امه
يا شفيع لأمه
قرقاعون عاده عليكم يالصيام مابين قصير ورمضان .... الخ
ويردد الاطفال في دولة الكويت...
قرقيعان وقرقيعان بين قصير ورميضان
عادت عليكم صيام كل سنه وكل عام
سلم ولدهم يالله خله لأمه يا الله
عسى البقعه ما تخمه ولا توازي على امه
عطونا الله يعطيكم بيت مكه يوديكم .... الخ
ويردد الاطفال في المملكه العربيه السعوديه ...
قرقع قرقع قرقيعان
ام قصير ورمضان
عطونا الله يعطيكم
بيت مكه يوديكم
يوديكم لأهاليكم
ويلحفكم بالجاعد
عن المطر والراعد .... الخ
ويردد الاطفال في سلطنة عمان ...
مرنقشوه يوناس
عطونا شوية حلواي
دوس دوس في المندوس
حاره حاره في السحاره
واذا لم يحصل الاطفال على القرنقشوه
يرددون:
قدام بيتكم صينيه
ورا بيتكم جنيه
ويردد الاطفال في ليلة منتصف شعبان وتسمى هذه الليله في الامارات
من حق الليله..
عطونا الله يعطيكم بيت مكه يوديكم
عطونا من حق الله ولا بنذبح عبدالله
عطونا من حق هالليله ولا بنذبح العجيله .... الخ
ويردد الاطفال في قطر ...
قرنقعوه قرقاعوه
عطونا الله يعطيكم
بيت مكه يوديكم
يوديكم لأهليكم
يامكه يالمعموره
يا أم السلاسل والذهب يانوره
عطونا دحبة ميزان يسلم لكم عزيزان
عطونا دحبة ليفه يسلم لكم خليفه .... الخ
ونستخلص من هذا الاحتفال بعض الدلالات
الاجتماعية والترفيهية والروح الجماعية والاسرية
العامة التي تميز نمط العلاقات الاجتماعيه وتظهر تلك
الدلالات من خلال اهتمام الاهالي باحتفال الاطفال
ومشاركتهم المشاعر الطفوليه بالفرحه واشاعة روح الموده
والالفه بين الناس
و هــذي توزيــعات لكـم
<<<عسب ما تقولون شباصة منقصة شهتنا و ما عطتنا شي
ان شاء الله عجبكم الموضوع
منقول و مجمع
ذكرتينا بايام الطفوله هئ هئ هئ
كنت ارد البيت والخريطه متروسه والهجوم يستوي فالبيت هههههه
الحين كبرنا .. عادي الحين انا بسوي هجوم ع الصغاريه
امس اختي كنا رادين من راس الخيمه طفنا صوب السوق الجديم واختي
تخبلت اونه نزلوني بصور وبسوي عمري ياهل ههههه
والله حلوه هالاجوااء..
اتريا حق الليله مالي لا تنسين..
بييكم فرمضان بفطر عندكم يمدحونه طباخج..
تسلمين حبيبتي شبوصه ع هالطرح دومج متميزه..
تقبلي مروري اختج الظــــــــــــي
~•• آللهم لڪ آلحمد حتى ترضى ۈلڪ آلحمد آذآ رضيت ۈلڪ آلحمد بعد آلرضى ۈلڪ آلحمد على ڪل حآل ••~
المشاركة الأصلية كتبت بواسطة الظـــي
>>>> و الله ايـــام ...كنت ادور الشعبيه بكبرها
و بعديــن افــتح معــرض من الحلويات و الشبسات
<<<< انا بعــد اتمصــلح لصــغاريــهـ و اخذ عنهم كل شي جديم احبه
انا البارحه سـرت و اتخبلت <<< كنت بصــور بس الغباااء نسيت الكام فالبيت
>>>> اووووه شـو درااج بطباخي... اعرف اطبخ بــس ما اروم اطبخ فالحــر
الله يا ريت اتيــن و تفطرين عنا وناااااااااسه<<< ها شو رايج اتيين بيتنا
صج والله رجعتينا لذكريات احنا ما نسيناها
كانت ايام حلوه والله
تسلمين الغاليه ع الطرح الحلوووو
واقول لج كل عام وانتي بخير رمضان قرب
واسمحوا لنا
نترقب الزوود من صوبج
ربي يعطيج العافيه
تســلميــن غناتــي ع المــرور الطـــيب
و انتي بصــحة و ســلامه عزيــزتي
اللهم اعنا على صيامه و قيامه و تلاوه قرآنه
مســمووووووحة الغالية
ربي يسلمج و يعافيج ... اشكر مرورج الطيب
وعليكم السلام ورحمة الله وبركاته
تسلمين عيني شباصتنا على الموضوع الحلو
ربي يسلم اناملج على التجميع وهذي لج حياتي
وين أيامنا وين وين قضيناها
راحت بغمضة عين يامحلا ذكراها
[frame="1 70"]
مهما يفرض القدر غيبتك ..تبقى غالي
ومهما تغيب عن دنيتي تبقى ..في بالي[/frame]
والله ايام ماتتنسى ابد كانت فرحه ماتنوصف بس احس انها بدت ترد
حتى لو ردت مابترد نفس ما كانت قبل كنا نترس الخريطه ونرد مو مره وبس
جان زين 3او4 مرات بس الأولاد هيهيهي وحليلهم يضحكون اذا بيوت تعطي
فلوس يدخلون واذا لا يسألونا فيه ولا لا بس حرام يشلشلونهم قرقيعان
ومازال منهم جذيه طبع فيهم
هاردلك يالأولاد خيخيخيخيخ
[frame="1 70"]
مهما يفرض القدر غيبتك ..تبقى غالي
ومهما تغيب عن دنيتي تبقى ..في بالي[/frame]
وعليكم السلام ورحمة الله وبركاته
تسلمين عيني شباصتنا على الموضوع الحلو
ربي يسلم اناملج على التجميع وهذي لج حياتي
تســــــــــلميــــــــــن ع الحـــــــلويااااااات
مشـــكووووورة عيـــنــــــي ع المرور
<<<< مول ما تابعيــن قناه طيور الجنه
راحت بغمضة عين يامحلا ذكراها
هههههههههههههههه
ضوابط المشاركة
رد مع اقتباس
