ساعدووني تعباااانه شو اسوي ><

[ملاك بأخلاقي]

السلام علييكم ورحمة الله وبركاته
بدخل بالموضوع على طوووول
بصرااااحه انا من دخل رمظااان واحس بتعب فظيييع واحس اني دايما كسولة واحس بخمووول
ودايييما ارقد حتى الفطوور ما افطره ويا اهلي ودايما راقده ماعرف شو فييني ودايما اقول يمكن من السهر
ورقادي المتلخبط والله حتى حالتي الصحيه تدهورت قبل كانت فيني صحه لكن الحيين ظعفت بدرجه فظييعه
وبشكل ملحوووظ ماعرف شو اسوي ودايما احس ان بيغمى علي وراسي يدووور وما كلت شي لين اليوم من بدا شهر رمظااان انصحوووني شو اسوي اروح المستشفى ولا اعدل رقااادي عدلت رقادي يومين واحس حالتي مثل ماهي
اهئ اهئ انصحووني مب عارفه شو اسوي مابغي اخوف اهلي علييي عدلت رقااادي بس حالتي مثل ماهي
شورو عليي ماعرف شو اسوي ابغي اقول لأهلي اني تعبانه هم يتحسبون اني دايما ارقد لاني اسهر
لكن انا تعببااااانه ومحد يدري غير الله سبحااانه ><
شو اسوي اخبرهم ولا شو اسوي اهئ تعبت
اسمحولي طولت علييكم بس قلت عل وعسى استفيد من نصايحكم
ومشكوورين

[حلو الاطباعي]

نصيحة
فحوصات شامله للدم والبراز اهم شي في المستشفى
وربي يديم عالجميع الصحة والعافيه

[ملاك بأخلاقي]

مشكووور ياخوي يا على مرورك ويزاك الله خيير على النصيحه وانشالله بروح بأقرب وقت اسوي الفحوصات بس مادري دايما اقول يمكن ها شي عااادي وخايفه اقول لأهلي مع ان بالعكس لو خبرتهم احسن والله مب عارفه شو اسوي احس اهلي بيقولون لي من كثر الرقاد وقله الاكل عالعموم مشكوور وانشالله اقول لأهلي ><

[السامعيه]

شي عادي .... معروف ان السهر وقله الاكل يسبب الخمول والكسل وقله في النوم وخاصه في رمضان.....
اولا : عدلي نومك انا بصراحه يوم يكون عندي اجازه يوم الجمعه اسهر مع اخواتي للصبح ويوم اقوم من الرقاد احس عمري كسوله وخموله طول اليوم ومب قادره اقوم من مكاني.. وحتى نشطاتي مااقدر اسويه واحس بدوخه.... عدلي نومك افضلك والله بترتاحين

ثانيا :وانصحك بعد الفطور خذي فيتامينات منشط او اشربي شي منشط مثل نسكافيه او شراب الفيتامين ....
حتى بعد ماتخلصين سحور اشربي حبوب الفيتامينات وانا دائما اخذ حبه باندول اكسترا فقط مره في اليوم وقت السحور ليخفف الصداع طول اليوم
واذا مانفع معاكي راجعي المستشفى

الله يعطيك الصحه والعافيه

[ملاك بأخلاقي]

مشكوووورة اختي السامعيه ويزاج الله الف خيير على نصحيتج وانشالله خييير والله صدق يا اختي تعبااانه لدرجه ان وزني نزل وااااايد يعني قبل جسمي اوكي لكن الحيييين جسمي بينهاار صرت ضعييفه وانا احس بالتعب من قبل رمظان بفتره قصييره
والله يعيين انشالله وباخذ بنصيحتج واذا ماف اد براجع المستشفى بأقرب فرصه ممكنة

[^نــمــورة^]

سلامتج حياتي ملاك بأخلاقي ماتشوفين شر ياقلبي
نامي بالليل ولازم تتسحرين الرسول صلى الله عليه وسلم يقول((تسحروا فان في السحور بركة))
واطلعي اتمشي شويه نشطي جسمج
واذا حبيتي سوي تحاليل
واجر وعافية عمري

[السامعيه]

مشكوووورة اختي السامعيه ويزاج الله الف خيير على نصحيتج وانشالله خييير والله صدق يا اختي تعبااانه لدرجه ان وزني نزل وااااايد يعني قبل جسمي اوكي لكن الحيييين جسمي بينهاار صرت ضعييفه وانا احس بالتعب من قبل رمظان بفتره قصييره
والله يعيين انشالله وباخذ بنصيحتج واذا ماف اد براجع المستشفى بأقرب فرصه ممكنة

ياحليلك والله ....... اتمنى اقدر اساعدك ... طالما جسمك يضعف افضل انك تروحين المستشفى ولازم تسوين فحص دم ... روحي باسررررررررع وقت لاتتكاسلين علشان مصلحتج ... الله يشفيج ان شاء الله ..... عاد طمنينا عليج

[الزعابي]

حآلتج طبيعية في بدآيه رمضآن .. لآن تقريبآ جدولج أكيد يتغير

لكن لو حآلتج للحين مآ تحسنت ، مآلج غير تسيرين المستشفى تطمنيين

وما تشوفين شر ان شآء الله

[’أميـــــ بكلمتي ـــــرة’]

[align=center]
السلام عليج ملاك باخلاقي~

سلآأإأآمات وماتشوفين شر يالغلا..


انا من رايي تتلاحقين بعمرج ولازم تسوين فحص >> واذا تبيني اسوي لج تراني مررة جاهزة بس انتي تعالي عندي ^^..

واذا ماحصلتي فرصة تسيرين المستشفى سوي الاشيا التالية :- احم احم
1- صلي فروضج كلها ترى الصلاة اساس الصحة
2- لاتسهرين حاولي ترقدين من وقت 12 بالليل ولاترقدين اكثر عن 8 ساعات باليوم >> امم خلي 8 ساعات لليل ونص ساعة او ساعة الظهر ..
3- حاولي انج تتسحرين حتى لو مالج نفس واذا تبين الكسل والخمول يروحن عنج شربي عصير برتقال فرش او كوب حليب لو ما تحبينه غمضي عيونج واسرطيه مرة وحدة ^^ >>سوي شراتي..
4- تبين الدوخة تروح عنج جربي تاكلين سلطة فواكه فاليوم مرتين صبح وليل >> صدقيني والله هذي انا جربتها صحتي صارت زي الفل والخدود بعد ياسلااام .. ( اذا هب متفيجة تسوينه طلبيه جاهز من الكافتيريا بالايس كريم بعد)
5- ابتعدي عن الاكل اللي ما منه فايدة حاولي كل اكلج يكون فرش,,
6- لاتنسين اذكار الصباح والمسا والادعية ..

جربي هالاشيا صدقيني راح تصيرين زي الفل ان شاء الله~~~> اباج تخبريني عن النتيجة بعد اسبوع من التجربة ,,ابا اشوف انا ممرضة ناجحة ولا ..هههه

[/align]

[ملاك بأخلاقي]

سلامتج حياتي ملاك بأخلاقي ماتشوفين شر ياقلبي
نامي بالليل ولازم تتسحرين الرسول صلى الله عليه وسلم يقول((تسحروا فان في السحور بركة))
واطلعي اتمشي شويه نشطي جسمج
واذا حبيتي سوي تحاليل
واجر وعافية عمري

الله يعافيييج حبيبتي نمراوية والله مشكووورة على نصيحتج وتواجدج بصفحتيي والله يا نمراوية الاكل ماقدر اكله انتوا تقولون يمكن من رمظااان لكن انا هاي حالتي من قبل رمظااان والله مب عارفه شو اسوي
والتعب هد جسمي وانا بعدني صغييره ماعرف شو صااار فيني خاييفه امي ملاحظه عليي لكني اقول لها من السهر لو قلتلها بتقعد تخاف علي وتحاتيتني وانتي تعرفيين قلب الام يتظاييج والله مشكووورة وانشالله لو قعدت على هالحاله اروح المستشفى ..