برنامج كويتي .. يسيء لدولة الإمارات وشعبها .. مطلوب موقف رسمي من هذه الإساءة

[دلوعة بمزاجي]

الله المستعان

[بوحارب الفلاسي]

انا تابعت الحلقه كامله اليوم على اليوتيووب بعد ماسمعت عنها من الاهل

وكانت حلقه وايد سخيفه ولو تكون سبب في ايقاف هالبرنامج الهابط يكون زين

لان الحلقه كانت عباره عن طنازه مقصووده .. لا ويتحرا عمره بتقن الرمسه الاماراتيه

صدق مهرجين ..

[بوحارب الفلاسي]

الأغنام ..... اقصد الإعلام الفارغ ..... هدفه مادي فقط ..

لهذا ليس لهذا الاعلام سوى التهريج والاستخفاف بعقول الناس الفاضية

شعب الامارات شعب اصيل وعريق


لكننا لا نعتب على البرنامج ممن مثلوا فيه أو المخرج ولكن نعتب على الرقابة هناك انها صرحت بعرض مثل هذا العمل مما يمس سمعة ومكانة شعب يعتبر جار لهم ..

لكن هاذي مجموعة بسيطه لا تعبر عن رأي المجتمع الكويتي والكل يعرفون من هم الاماراتيين .. اللهم اصلح احوالنا واهدي ضالنا ...

وطبعا لازم نفكر في الطابور الخامس الذي وضعته دولة معادية وقصده احداث الفتنة في دول الخليج ولا نتسرع في الحكم

اليوم سمعت خبر على العربيه بعد ما واجهوا بعض المختصين الكويتيين عن سبب البرامج

والمسلسلات الهابطه قالوا انه اغلب المسلسلات والبرامج ما طافت عليهم وعلى الرقاابه وتم

انتاجها ع السريع وهم بنفسهم مستنكرين المستوى اللي ظهرت عليه بعض المسلسلات

الكويتيه !!معناته ماشي تسرع في الحكم اذا مسؤولينهم مب عايبنهم الوضع ف كيف اصحاب

الشان و أي اماراتي عصب من هالحلقه من حقه وماينلام ..

[زهرة البوادي]

مـآ أقـدر أقول غـير آللـه يهديـهم إن شأء آللـه

[العتيبي]

أنا أشوفه شي عادي .. لهجتنا و رمستنا شي لنا

و لو علق عليه الغير .. المفروض ما نكبر الموضوع و نترفع عن ها الموضوع ..

مثل ما نحن في كاميراتنا نعلق على أخوانا السودانيين و المصريين و غيرهم من الدول الأخرى

و حتى نصغر من الدول الاسيوية و ما نبي حد يكلمنا

فهم نفس الشي .. المفروض نحن نفره وراء ظهرنا و نقول

و لا نعطي الموضوع اكبر من حجمه .. و حجمه أكبر طاف لهم و نتذكر بالناس الخيرين من الشعب الكويتي اللي يحب الشعب الاماراتي و العكس

ما على السحاب من نباح الكلاب .. !!

العتيبي

[شهرزاد]

يسلمو ع الخبر ,,,

[ام محمد من راك]

انا قطعت عهد على نفسي اني انقل هالاساءة الى المنتديات لكويتية

واترومون اتشوفون ردات الفعل الي صارت من جانب اخوانا الكويتين الكل مب راضي

والكل مستهجن هالقناة بالاساس

قناة سكوب مالها الا زرع الفتن والاحقاد بين الشعب الكويتي واكثر من مرة اتصكرت عندهم ويحاولون يبثونها بأي طريقة

الزعل مب على الكويتيين الزعل واللوم والعتب كله على وزارة الاعلام والرقابة الي ضايعه..

[ام محمد من راك]

أنا أشوفه شي عادي .. لهجتنا و رمستنا شي لنا

و لو علق عليه الغير .. المفروض ما نكبر الموضوع و نترفع عن ها الموضوع ..

مثل ما نحن في كاميراتنا نعلق على أخوانا السودانيين و المصريين و غيرهم من الدول الأخرى

و حتى نصغر من الدول الاسيوية و ما نبي حد يكلمنا

فهم نفس الشي .. المفروض نحن نفره وراء ظهرنا و نقول

و لا نعطي الموضوع اكبر من حجمه .. و حجمه أكبر طاف لهم و نتذكر بالناس الخيرين من الشعب الكويتي اللي يحب الشعب الاماراتي و العكس

ما على السحاب من نباح الكلاب .. !!

العتيبي

اسمحلي اخوي العتيبي

اذا قصدك عمسلسل شعبية الكرتون ترى ما اتمصخر على حد

بالعكس جمع كل الجنسيات وطابقوا اللهجة مع اللبس بدون استخفاف منهم بأي جنسية

والدليل حب اخوانا الوافدين والخليجيين لهالمسلسل وحرصهم على انهم يتابعونه

ودخلوا مشاكل الدولة بمشاكل الوافدين بما يلامس الواقع

مافيه أي تصغير ولا تمصخير مثل ما قلت

والسموحه

[العتيبي]

أختي أم محمد

أنا ما قصدت رسوم ..

أنا أقصد بالمسلسلات و البرامج .. اغلبها تبين طينة شعب معني ..

مثلا شعب من الشعوب حرامي

شعب من الشعوب غبي و ما يفهم

شعب من الشعوب مخلوق علشان بس يكون عبد عندنا

شعب من الشعوب يكون شعب مضحك حقنا

ووايد أمور اختي و ما أبغي اتعمق بالموضوع أكثر

يعني ها الموضوع مب يديد أنا أشوفه .. و أذكر مره قبل داوود حسين قلد لهجتنا و قاموا عليه و بعدها ما شفنا شي

يعني شي عادي أهم شي نحن نطنشهم و مثل ما قلت المثل القبلي هههه ..

العتيبي

[ام محمد من راك]

أختي أم محمد

أنا ما قصدت رسوم ..

أنا أقصد بالمسلسلات و البرامج .. اغلبها تبين طينة شعب معني ..

مثلا شعب من الشعوب حرامي

شعب من الشعوب غبي و ما يفهم

شعب من الشعوب مخلوق علشان بس يكون عبد عندنا

شعب من الشعوب يكون شعب مضحك حقنا

ووايد أمور اختي و ما أبغي اتعمق بالموضوع أكثر

يعني ها الموضوع مب يديد أنا أشوفه .. و أذكر مره قبل داوود حسين قلد لهجتنا و قاموا عليه و بعدها ما شفنا شي

يعني شي عادي أهم شي نحن نطنشهم و مثل ما قلت المثل القبلي هههه ..

العتيبي

ارد اقولك محد استخفف بحد

وبالذات اعلامنا المحلي حريص على انه ما يهين ولا يجرح كرامة أي شعب

واذا بننقل الصورة الحية فبلدنا فهذا شي ثاني لأنه المسلسل يبرز ويحاول يقدم الواقع الملموس على ارضنا سواء كان ايجابي ولا سلبي ويحاول قد ما يقدر يعالج ويراوي المجتمع كيفية حل مثل هالاشكال لو واجهنا

بالتالي نحن ما بننكر انه شي فئة عدنا ابهالمستوى من التفكير بل بالعكس في كثير من الاحيان تطرح مسلسلاتنا المحلية موضوع هالفئة من الناس على اساس انها فئة اتعين واتعاون ومب شرط اتكون نصابة

ولك فالنهاية الحشيمة والود والتقدير اخوي العتيبي ولكل واحد فينا وجة نظره الخاصة ^___^