^__^ آيسكريم ( حسن وليلى ) !!!!!

[ملك بدون مملكه]

السلام عليكم ورحمة الله وبركاته

غطيت عنكم صح وبصراحه اشتقت لهالمجلس

موضوعي غريب والاكثر ماعتقد بيعرف شو معناه او ما لحقو له بس انا مب ناسي من شفته على طول تذكرت

آيسكريم حسن وليلى منو منكم يتذكره او كله ..؟

يبت لكم صور عسب تتذكرون وياي لانه بصراحه طعمه عجيب صدق ازقرت والله ياخوفي فيه كحول وانا مادري


طبعا هالشكل والكتابه مب انا مسونها الي وياي شافني متحيس قالي بسوي لك حركه فيه ماعرف شو حط لا تسالوني نسيت اسمه عبالي عسل بس الثانيه من اختراعي احب البساطه







والي مب مأكول تراني مخلنه حق (قلم رصاص )

والي يبا يخبرني بييب له وانا ياي ولو ذاب ما يخصني ..انا احسدكم الحين بتاكلون ايسكريم فيمتو ولبن وتنك

تحياتي للجميع

[:: الجراح ::]

يسلمـــــو ع الصور .. ملك بدون مملكه

والله يعطيك العافيــه .. ذكرتنا بأيام أووول ... ههه

[حور و نور]

مشكور ملك بدون مملكه على التذكير
صدق طعمه رهيب
الحين فيه ايسكريم ذهب مشابه له صح
ترى انا احب وايد الايسكريم والدليل على
ذلك الصوره الحلوه اللي حطيتها

[iAbdulla]

انا ما اعرف ها الاسكريم والله

بس يسلمو على الصور

وبانتضار اليديد منكـ

[UM HZA3]

حيا الله اخويه ملك بدون مملكه
تسلم الشييخ ع الصور..
انا اذكر هالاسكريم بس مااذكر اني كلته وايد كثركم

عيبني الصحن الاول حسيته شهي <<<< ابغي

تسلم يالشييخ وبالعااافيه عليييك

[ملك بدون مملكه]

يا هلا والله بالي رد ... الجراح __ حور ونور __ 3bood __ UMHza3__

اسعدني مروركم ....اعتقد الايسكريم موجود او .. له بديل بنفس الطعم

انا عايبني الاسم ماال اول حسن وليلى اونه من يابو هالاسم مادري ..من جي نزلت الموضوع

اذكركم بالماضي

بس لاحظت اكثر الي بالمنتدى اعمارهم اقل من 19 ف مالحقو له

حياكم

[قلم رصاص]

انته من وين تطلع لنا بهاي الاشياء ..
أحس عمرك فوق الثلاثين

ع العموم مشكور أخوي عالاهداء الحلو


بس انا بعد ما اذكر هالايسكريم

[ملك بدون مملكه]

شو اسوي ..تراني جديم واحب الجديم ولا انته خلاص قوم بو ايسكريم مارس وسنكرز ..يمكن كل شئ جايز منك

تبا الصدق احس عمري فوق 30 بس لاتحاتي لقولت صاحبنا ( مو شيب انا بي عود نعناع ) اعتقد جي يقولها !! تذكرته .؟

يعني تبغي تقول لنا انه عمرك تحت 19 سنه ..لا تقص لعمرك تراك اكبر عني

تسلم على المرور

[جروح]

انا ما اتذكر الاسم بس اتذكر الشكل والطعم اهم شي هههههههه

تسلم ملك

[7rkat]

تسلم اخوي ملك بدون مملكه ع الصور

ذكرتني به^^
مكانه موجود هالايسكريم احيده من زمان كنا ناخذ منه


rawi_rak