المشاركة الأصلية كتبت بواسطة منصور الفلاسي
[align=center]
شووووووووووووووف!!!!
لاتيلس تفسر رمستيه ع هواك وحسب ماتحب ولاتقولنيه رمسه ما جد قلتا انا كلاميه كان واضح !! متى قلت خلوه يسرق!!!
حبيبي رديه كان واضح وقلت في رديه القبلي انه المصري غلطان واستحق العقوبه المشدده .. ولكن اي محامي
مفروض ايضا يعتبر ان اوراق القضيه امانه .. مب ينشر عريضة دعواه عبر الانترنت والبي بي وغيره وغيره
اوراق القضيه معروف انه لازم تكون متداوله بين اطراف وهم
القضاه والمحاميين المترافعين فالقضيه والمدعى والمدعى عليه فقط لاغير مب من هب ودب يقرا
عريضة الدعوى قبل البت
في القضيه وقبل الحكم فيها حتى .. جيه وين عايشين انحن ؟؟!!
يالله .. خل نقطة اسم المتهم ينشر اسمه ماعليه ع قولتك للعبره وللعظه مب مشكله بلعنااها .. بس اسامي حريمه
ومعلومات عنهن
ليش تنشر؟؟ هذا قصدي بعورات المسلمين ولنفرض انهن مايدرن ان البيزات يابهن لهن من اختلااس شوه فايدة
التشهير فيهن قبل لا تبدا القضيه وقبل لا تبدا المحااكمه ؟وقبل حتى لا نسمع من كل الاطراف ونعرف السالفه
كاامله؟؟؟؟
كان لازم انه يتحفظ ع الاسامي لين يثبت شي ع الحريم و في حاال ثبوت ادانتهن ينشر جاان مستعيل يبا ينشر
لانه بعد فيه احتمال انه يكون المصري ماخذ لفلوس بأساامي حريمه بس خذهن لنفسه ؟؟ ليش الاستعجال
عيل اوراق قضيه تنشر بالطريقه هذي ليش شوه العبره ف نشر الاوراق انا اللي اعرفه انه ينشر الخبر عقب ينشر
الحكم بعد صدوره ؟؟!!!
اصلا شوه صورتيه وانا يالس انصح الناس بالامانه وانا روحيه ماعرف الامانه اشقايل ؟؟!!
النصب بلا ابتلى فيه المصري واشكاله بس الله عرفناه بالعقل ..
وبعض المحاميين وايد شالتنهم الشهره ووايد يحبوون الظهور .. كل يوم فاذاعه وكل يوم في جريده هه
يااما محاميين اكبر عنهم يمارسون مهنتهم ومحد درابهم ليش؟؟ لانه الظهور مايهم عندهم
ماقلت العوره في سرقه بس اذا هذا تفكيرك ماابشره عليك الصراحه
بووحارب
[/align]
رد عجيب والله 
تسلم للتوضيح وللرد
أولا الجمعيات ما تعطي بيزاتها كاش
تعطي شيك وبأسم الجمعيه وهذا المتعارف عليه
أن كان 1000 ولا مية ألف كله عن طريق شيك من الجمعيه
هذا بس للتعريف عن من اين أتى المال .
وما بخالفك أنه القضايا لازم تكون بأيطار السريه لكن مش كلها
القضايا الي تخص اطراف متنازعه مثل ما قلت تكون بين
(القضاه والمحاميين المترافعين فالقضيه والمدعى والمدعى عليه فقط لاغير )
هذا الكلام صحيح في حال كان المال المسروق من شخص
وليس دايره يجتمع عليها كل أطراف المجتمع
هذا المال مجموع من جميع أفراد المجتمع لمن؟؟!!
للفقراءوالمساكين والمتعففين ..
بعطيك مثال يعني لو يا حرامي وسرقك ( بعيد الشر عنك ) بتي في المحكه بترفع عليه دعوه
لانه سرقك وانته صاحب المال ومثل قضايا الطلاق لا تخص الى طرفين فقط
وقضايا الاعتداء وجرائم المشابهه التي يكون اطرافها معلومون .
لكن في هذي القضيه من صاحب المال ؟؟!!
هل الجمعيه ؟؟!! الجمعيه عباره عن مرسال تقوم بجمع المال من الناس
وترسلها للمحتاجين في الدوله لانها مختصه في الدوله .
يعني المال الي اخذ من مال العامه والقضه قضية راي عام
الكل له الحق في الأطلاع على مجرياتها ولو على قولتك مب لازم انها
تنعرض على المنتديات والهواتف النقاله وغيرها تراها بتنعرض في الجرائد
هل تقدر أتي وتقول للجريده اعرضو هذا ولا تعرضون هذا ؟؟!!
--------------------------------------------------------------------------
اما من ناحية كلمة ( شووووف !!!) الي قلتها
أنا برد عليك
المشاركة الأصلية كتبت بواسطة منصور الفلاسي
انا مب ويا المصري المصري غلطان ويستاهل انزال العقوبه المشدده بس نحن نحاسبه على عدم حفظ الامانه
وماانشوف عمارنا شووه؟؟!!
عريضة الدعوى مب امانه ؟!!
ليش يتم نشرها وتوزيعها فالنت وفالمنتديات وفالبلاك بيري و .. و .. و .. و .. و ، انا من رايي انه العريضه اللي
يكتبها المحامي بعد امانه
قال رسول الله صلى الله عليه وسلم: "إن الذين يأمرون الناس بالبر وينسون أنفسهم يجرون قُصْبَهم في نار
جهنم، فيقال لهم: من أنتم؟ فيقولون: نحن الذين كنا نأمر الناس بالخير وننسى أنفسنا".
عموما :
من تتبع عورة أخيه المسلم تتبع الله عورته ،ومن تتبع الله عورته يفضحه ولو في جوف رحله
مااقوول غير الله يصلحه ويهديه هالمصري ويفرج كربته وعساها تكون عبره له ولغيره من اللي تسول لهم انفسهم العبث بأموال الغير
والله يهدي الجميع ..
وهالدوله مااعتقد بيكون فيه حد احرص واشطر من شيوخها وحكامها على ممتلكاتها .. في حاال اي عبث او اختلاس
راعوا الله يالمحاميين .. وو تركوا حب الظهور عنكم
ترى الله موجود !! ولا انا غلطان!!
انا الي فهمته من الكلام بكشفه للإختلاس
وبعد بقولك كلمه دام أنا في شهر مبارك
راعوا الله يالمحاميين .. وو تركوا حب الظهور عنكم
أخويه مش كل المحامين بهذي الطريقه الي قلتها وأنته ما تعرف
شو في خاطر كل واحد فيهم الظلم شين
المحامي يوم يدافع عن شي لتصليح العيوب الي في المجتمع نقول
أنه الريال يحب الظهور ويحب ويحب هب هذا ظن وأن بعض الظن أثم
ولا تنسا انه اي شخص يحاول مساعدة الناس اتوماتيك
تلاقي انه الصحف والناس قامو يتكلمون عنه
ومثل ما قلت في البدايه ممكن أنا ما فهمت القصد من كلامك
الي كتبته لكن وضحت راي وأنته كذالك قلت رايك وهذا حق مشروع للجميع
والأختلاف في الراي لا يفسد للود قضيه ^_^ 
تحياتي لك يا بو حارب
البزي
رد مع اقتباس
ضوابط المشاركة