للاعضاء والعضوات نقاش واساله حول عمل المرآه ..

[ẁĿĐźĂУỂĐ999]

السلام عليكم

شو الاخبار و العلوم عساااكم بخير...؟

اطل عليكم اليوم في موضوع نقاااشي بعيد عن مواضيعي الثانيه >>عن الاكل و عن مغامرااات طويل العمر فزآآع وغير عن موضوع البشره الفلبينيه ...


موضوعي هالمره جدي
واتمنى تواجد الجميع و ابداء الرااي فييه..



عباره عن ثلاث اسأله صاروخيه ...وهي كالاتي ...

سؤالي للاعضاء..:

في حال قررت الزواج و طلعت الحرمه موظفه هل بتطلب منها تترك وظيفتها
عسبت تتفرغ لك و لبيتك و للعيال يوم الله يرزقكم..؟!
و في حال رفضت تترك الوظيفه شو بيكون موقفك بدور غيرها او..!!!

سؤالي للعضوات..:

اممم درستي و وصلتي درجه ممتازه في الدراسه وعندج شهاده قوويه
و حصلتي وظيفه مرموقه في مكان زين و رااتب قوي
تقدم لج واحد و طلب انه تتركين وظيفتج عسبت تهتمين في البيت و تتفرغين للعيال
يوم الله يزرقكم يعنيييي..
وهو مارح يقصر وياااج و يقدر على مصااريفج يعنيي ماله لزمه الشغل
هل بتوافقين و بتتركين الوظيفه بشكل عادي و بتشوفين الامر بمنظرو ايجابي
لاانه بترتااحين من الشغل و الكراف كل صبح ومابيكون عندج مانع تجلسن في البيت
نفسج نفس البنت اللي ماعندها شهاده..
او بترفضين بحجة انه قضيتي عمرج تدرسين و اخرتها تحطين الشهاده في الكبت
و بتقوليين انه اقدر انظم وقتي بين بيتي و عيااالي..؟؟


╬♥═╬
╬═♥╬

سؤال اخير لجميع الاعضاء..^-^


مع ام ضد عمل المرأه بشكل عااام في وقتنا الحالي وظروفنا الحاليه ..


╬♥═╬
╬♥═╬
╬♥═╬


في انتظاركم اخواني

[ساحرة البشر]

على حسب الرجل أذا كان صادق فكلامه مب أيلسي فالبيت وبعدين ما يصرف عليهم وكله يقول ماعندي فلوس صحيح البنت تعبت لين ماحصلت الشهاده وتبغي تشتغل بس البيت أولى لها لا أنا ضد عمل المرأه مشكور عالموضوع

[روؤوح المشآعر]

يسـعدني اكون اول المشاركين لموضووعك المميز


وبالنسبة لسـؤالك ----> اممم اكيــد بـوافق وحتى لو ما طلب مني هالشيء.. لاني مابقدر انظم وقـتي .. وانا عاد اموت باليهال وكيف اذا كانو عيالي مابقدر اخليـهم طبعــا ..

مع ام ضد عمل المراء بشكل عااام في وقتنا الحالي وظروفنا الحاليه ..

وأنـا مـع عمل الـمرأة .. بس في شروط وحدود المفروض ما تتعـداهـآ ،،،


ويعـطيك العـآفية على الموضوع اخـوي وتقبـل تحـيـآآتي

[الأميرة الحسناء]

اهلين اخوي ولد زايد

حبيت اشارك فالموضوع

من وحهة نظري فهالز من صح الوظيفه لها دور للمراه

ولكن اذا تطلب منها الامر مثلا وعارض الزوج ومنعها من ذلك بعتقادي تتخلى عن تلك الوظيفه من الاحسن لانه الزوج فهالايام مهم جداً
بالنسبه للمراه وخاصه فهالزمن اللي كثرت فيه الشبهات والتحديات اللي مالها اول ولاتالي وانا شخصياً انصح الاخوات بان الزوج مهم جداً في حياة المراه والوظيفه مش كل الحالات ولاتغني عن الزوج
الان انا ارمله وزوجي متوفي الله يرحمه ويشهد علي ربي كيف

عايشه فالوحده وحياتي كلها ملل فملل

صح ولله الحمد عندي راتب عالي ومرموق بس صدقوني مايعوض عن الزوج لانه الزوج هو عماد الاسره وهو المدبر فكل الحالات وهو شريك الحياه

فالدنيا مش الوظيفه والشهاده والراتب والحرمه تصبر على زوجها ماتتبطر عليه وتتطلب اشياء على طاقته

تنظر الى الصحابيات امهات المؤمنين رضوان الله عليهن ..

ياما جاهدن واصبرن وكافحن والان نحن شو نطلع جدامهن

كل شي موفر لنا وباسهل وابسط الاشياء جدامنا

اتمنى من اخواتــي العزيزات لايضعن الوظيفه عائقاً لحياتهن ومستقبلهن الزوج اهم حاجه فالحياه ,,

وشكرا جزيلاً على هذا الموضوع الجميل
واعتقد طولت وانا اتكلم بما فيه الكفايه

اترك المجال الان لغيري ...

في وداعة الله اخوي ...

[كتكوته]

[align=center]
أنا طبعاً مع عمل المرأة
وخاصة في هالزمن
بس في حالة أنه البنت عرست ويابت عيال وحست أنها ما تقدر توفق بين الوظيفة والزوج والعيال
أقول من الأفضل انها تستقيل وتفضي عمرها للاهتمام بزوجها وعيالها
[/align]

[ẁĿĐźĂУỂĐ999]

على حسب الرجل أذا كان صادق فكلامه مب أيلسي فالبيت وبعدين ما يصرف عليهم وكله يقول ماعندي فلوس صحيح البنت تعبت لين ماحصلت الشهاده وتبغي تشتغل بس البيت أولى لها لا أنا ضد عمل المرأه مشكور عالموضوع

وجهة نظرج واضحه وتعتمد على على ظروف الريال ومووقفه ...بس شو بيكون موقفج اذا هالريال غير كلامه من بعد وعده ويلسج في البيت وتم يقولج ماعنده فلوس هل بتدورين الوظيفه ولا بتمين في البيت رغم الظروف وبترضين بالواقع ...
ثنكيو ساحرة البشر ...

يسـعدني اكون اول المشاركين لموضووعك المميز

وبالنسبة لسـؤالك ----> اممم اكيــد بـوافق وحتى لو ما طلب مني هالشيء.. لاني مابقدر انظم وقـتي .. وانا عاد اموت باليهال وكيف اذا كانو عيالي مابقدر اخليـهم طبعــا ..

مع ام ضد عمل المراء بشكل عااام في وقتنا الحالي وظروفنا الحاليه ..

وأنـا مـع عمل الـمرأة .. بس في شروط وحدود المفروض ما تتعـداهـآ ،،،

ويعـطيك العـآفية على الموضوع اخـوي وتقبـل تحـيـآآتي

هلا بروح المشاعر ...يعطيج ربي العافيه على تواجدج في اول الباركنات ...

شكلج تحبين يلست البيت وماتحبين مرض الدوووام وصدعة الرآآآس عسب هالشي اخترتي الموافقه على اليلسه في البيت ..ربي يحفظج ويوفقج شيختي ..

لي عوده لمتابعة ردوودكم ....

[أحلام الماسة]

السلام عليكم

موضوع رائع يستحق النقاش

باختصار

أنا مع عمل المرأة بعيد عن الاختلاط فخير للمرأة أن لا ترى الرجال ولا يرونها
بعيد عن الساعات الطويلة...
يحفظ كرامة المرأة ويصونها

للحاجة

والله يوفق الجميع

[ẁĿĐźĂУỂĐ999]

اهلين اخوي ولد زايد

حبيت اشارك فالموضوع

من وحهة نظري فهالز من صح الوظيفه لها دور للمراه

ولكن اذا تطلب منها الامر مثلا وعارض الزوج ومنعها من ذلك بعتقادي تتخلى عن تلك الوظيفه من الاحسن لانه الزوج فهالايام مهم جداً
بالنسبه للمراه وخاصه فهالزمن اللي كثرت فيه الشبهات والتحديات اللي مالها اول ولاتالي وانا شخصياً انصح الاخوات بان الزوج مهم جداً في حياة المراه والوظيفه مش كل الحالات ولاتغني عن الزوج
الان انا ارمله وزوجي متوفي الله يرحمه ويشهد علي ربي كيف

عايشه فالوحده وحياتي كلها ملل فملل

صح ولله الحمد عندي راتب عالي ومرموق بس صدقوني مايعوض عن الزوج لانه الزوج هو عماد الاسره وهو المدبر فكل الحالات وهو شريك الحياه

فالدنيا مش الوظيفه والشهاده والراتب والحرمه تصبر على زوجها ماتتبطر عليه وتتطلب اشياء على طاقته

تنظر الى الصحابيات امهات المؤمنين رضوان الله عليهن ..

ياما جاهدن واصبرن وكافحن والان نحن شو نطلع جدامهن

كل شي موفر لنا وباسهل وابسط الاشياء جدامنا

اتمنى من اخواتــي العزيزات لايضعن الوظيفه عائقاً لحياتهن ومستقبلهن الزوج اهم حاجه فالحياه ,,

وشكرا جزيلاً على هذا الموضوع الجميل
واعتقد طولت وانا اتكلم بما فيه الكفايه

اترك المجال الان لغيري ...

في وداعة الله اخوي ...

هلا ومسهلا باميرتنا الحسناء....

افا علبج مايحتاي تستاذنين الموضوع موضوعج ...
بالنسبه لوجهة نظرج في الموضوع صراحة تميت اتمعن في كلامج حرف حرف وانا اشكرج على اثرائج للموضوع ونصحج للبنات ...
وبخصوص حالتج ووضعج تذكري ان الكل في هالحياه امام اختبار من الله سبحانه وتعالى وكلن عنده مشاكل ويوقولج اللي يجوف مصيبة غيره تهون عليه مصيبته وبعدين اانا ماعتقد انج من النوع اللي تغلبج ظرووفج ولو شوماكاننت وهالشي تاكدت منه من خلال متابعتي لردودج ..
مع السلامه ...

[ام محمد من راك]

انا من اسنيييييييين وهذا كلامي

دامها البنت مب امعرسه خل تشتغل وتشغل وقت فراغها ابشي يفيدها ويساعدها عمصاريف البيت ومنه اتشل عن الاهل المسؤولية

اما من اتعرس خلاص اتقر فبيتها وماله لزمه الشغل

لأن الحرمة من تشتغل لا بداري عريلها ولا على عيالها

وهي مب جونقر عسب اتوفق بين الأثنين والي اتقول اروم تراها جذابه

تراها بتتعب اول الايام وعقب تنهار

مب حرمة هاذي الي بتنش من الصبح امجابلة شغلها ومن اترد بتجابل اعيالها وفليل ريلها

مستحيل مستحيل مستحيييييييييييييييييييييييييييل

حلاة الحرمة لا نش ريلها يلقى كل شي زاهب جدامه

الحرمة اتنش قبل ريلها مب اتنش وياه حزة نشته!!!!

اتوعيه حق صلاة الفجر عقب اتزهب الريوق وادخن ملابسه واتنشش عيالها وتلبسهم واتريقهم ومن يتوكل الريل اتريح لها كمن ساعة لي الضحى العود عقب اتعاون البشكارة فالمطبخ عسب اتسوي الغدا ,مب كل شي عالبشكارة حلاة الحرمة يوم اتحط عينها على كل شي فبيتها

قسم بالله اكره ما عندي لا شفت الصغارية عند البشاكير سواء رضع ولا فسن الدراسة

وتقهرني زود الام لا قالت انا عياالي ما خليهم عند البشاكير ياااااااااااااالله وهي جدامنا فارّه اعيالها

الحرمة اتعاون ريلها فقط في حالة العوز والعوز الشديد بعد وما تشتغل حيالله شغله لأ طبعاً

اما الريال الي يخلي حرمته تشتغل بليا داعي فهذا السموحه من الجميع مب ريال

حتى لو كانت مدرسة ووسط حريم احس ماله لزمة خلاص انتي زوجة ومسؤولة عن ريل وأهل ريل اتجابلينهم وتسامرين وياهم

ووووووبس هذا الي عندي ^____^

[alreemuae]

آآمم

هذا ذا كنت مقتتنعه اني اتم فالبيت خلـاص بيلــــس

وإذا انا متمســكه بالوظيـــفه و مابا اهـــدها بــــتم

و هو مب مواااااافق بقوووووووللـه شروووووووط و ينفذها

واذا ما يبا ينفذها خلـــاص ما بهد الشغـــــل *_*



وبعــــدين عقب كل هالدراااااااسه ما اشـــتغل ^^ هع

واذا السااااااالفه فيها عياااااال اذا هم عيال 1 2 3باخذ اجاازه مب استقااله

ومشكور اخوي ع الطرح