ياكثر ما أحتاجك ويا قلّ ما ألقـاك
وياكبر صدماتي بكثـرة صـدودك
الشووق ياخذني على حـد لا مـاك
والحظ يبعدني عن أقصـى حـدودك
ياما سهرت الليل بأحـلام رجـواك
مع طيفك اللي ما يعوّض وجودك
جازيتنـي بالهجـر وأنـا أتمـنـاك
لوّعتنـي وأتعبتنـي مـن بـرودك !!؟
ضاعت سنين العمر وأنـا أتحـراك
على الأمل ما بيـن قبضـة قيـودك
الله عطاك بداخلـي قلـب يهـواك
ويحب حتى من غلاتك جـدودك !!؟
والله عطاني منك و أحلى عطايـاك
قسوة مشاعر ساقها فيض جـودك !!؟
متى الليالي تجمع الروح ويـاك !!؟
متى معي تصدق مخايل وعودك !!؟
متى الفراق يموت داخل حناياك !!؟
متى اللقاء يحيي بقايـا عهـودك ؟!!
متى جفاف العمر يورق على مـاك ؟!!؟
متى تربّـع دنيتـي فـي حـدودك ؟!!؟
وإلا يدب اليأس مـن دون لقيـاك
ويموت شوقي والسبايب جحودك
وماعاد يبقي غيـر طيفـك وذكـراك
وجرح التجافي والخناجر ورودك
صح لسانه ،،
