موضوع بصراحه يشكل من مشاكل الحياة الزوجيه اللي الواحد لازم يقف امامها

و انا برأيي في الموضوع .. هو ان المفروض الزوج ما يخبي سالفة الراتب عن زوجته لانه من الاسرار اللي تخصهم هم اللثنينه ..

يعني الزوج هو يشتغل و يتعب و هي من واجباته الزوجيه مب لنفسه فقط .. بل لعايلته ..مثل ما هو يبغي يعرف كل شي عن تربية عياله و هي من واجبات زوجته الاساسيه بس هو لازم يعرف فيها و زوجته لازم ما تخبي شي عنه في تربيتها لولده او شي يخص بيته و يخصها هي بعد .

بس بأيامنا هذي .. ومن راي الازواج و بنتطرق لكل عقليه من الزوج و الزوجه

الزوج اللي راتبه قليل :منهم من يستحي انه يقول كم يستلم حيا .. و يستحي يقول لزوجته .
الزوج اللي يكون رصيده صفر :
يقول لزوجته انه ما عنده فلوس علشان حرمته ما تطلب منه شي .. و يقول انه مطلوب للبنك و غيره
الزوج اللي عنده خير .. نوعين :
قبل الزواج : يمدح بنفسه و براتبه و يقول انا عندي و عندي .
بعد الزواج : بيكتم على ها الشي يتحسب زوجته بتحسده او بتطلب منه شغلات و خرابيط مالها لزمه .. من سوالف الحريم

و الزوج اللي بيكون صريح مع زوجته في الراتب .. اذا حصل زوجه تشتغل فاهنيه بيكون صريح وياها

و هاي الامثله اكيد مب للكل البعض ... (( لا للشموليه ))

الزوجة :اذا راتب ريلها اشويه .. بتسكت و بتصبر
و بعضهن يقول انت ما عندك فلوس ليش معرس ..

و اذا راتب ريلها اوكي
بتقول له ييب لي و ييب لي .... و اذا قال لها ما يحتاي بتقول له انت ما تعطيني و مقصر بحقي و غيره من هذا الكلام
بس اغلب البنات يخافن اذا ازواجهن عنده فلوس انه يفكر بغيرهن .. و بصراحه ياما صارت زوجات امنن بازواجهن و كثر خيره .. راح تزوج عليها لان الرجل من عادته انه يغير (( أكيد مب الكل ))

و نحط في بالنا ان الجنس الناعم من طبعه الفضول .. يعني حتى لو ما عندها اي شكوك او شي .. فيها فضول عجيب لو كان طموحها بمقدار فضولها لغزت الفضاء قبل الرجال ههههه سوالف

و هذا رايي بالموضوع وياريت تتقبلونه

ولكم مني فائق الاحترام

العتيبي