مواطنة تفاجئ مستمعي البث المباشر: أعمل خادمة لدى أجانب بعدما عجزت عن توفير وظيفة، ونأكل من موائد الإفطار، وبعض موظفي الجمعيات جلوس على الكراسي!( مقطع)

[مزنووه]

يوم قلتلكم بفر جواز الامارات كليتوني
قلتوا الامارات والإمارات ، شوفوا الامارات كيف اتذل عيال زايد
واطبطب عالاجانب والوافدين ، وموفره لهم سبل العيش الكريمة
لكن شو بنقول غير حسبي الله ونعم الوكيل

ليش حبيبتي تفرينه ؟؟؟ روحي سلميه للدوله و خليهم يسحبوووونه
وهذا ويهي لو عشتي بلاه هه لاتخبصين دخيلج ! ولا عطيه وحده من ابناء المواطناات احوج منج لانج ماتستاهلينه
كل يوم والثاني بفره و بفره

[مزنووه]

الظلم ظلمات
لاتخبّص رجاءً خل الفتوى لاصحابها
لاتخبّص

[ود الورد]

الى ود الورد اقول الست محقه في ماقلت التسرع في الأحكام حرام عرفت الحين والاخوه المهاجمين انها متصنعه وحاقده انت عندك انفنتي مثلها راجعواانفسكم ياعيال شيخت البلدان دارالامان ام الأيتام دار يحكمهاخليفه ولدزايد اخومحمد وسيف وعبدالله والبركة في الباقين انتوا تدرون لومواطن صاربه شي في الخارج الشيخ عبدالله بن زايدماينام والخارجيه على قدم وساق لما تصير نكبه في بلدما مايهدالهم بال الين يطمئنواعلى الإماراتيين هناك*

متصنعة و حاقدة !!! مررررررررة وحدة !!!! صراحة هذا الحكم في محله و الدليل إنج راجعتيها و عرفتي أوضاعها !!! و حكمتي على أساس حقائق مب على أساس مشاعر !!!!

عموما ... نحن نتكلم عن "مشاكل في شؤون داخلية" فقط أما شيوخنا ... نحن نصبح و نمسي و نحمد الله رب العالمين على أولي أمرنا و هذ الكلام مب خوف و لا مجاملة ... شيوخنا مب امحطين حد السف على ارقابنا الحمدلله و يعاملونا بقمة الإنسانية !!!



لكن أم راشد .... أنا أشوف إنه يتوجب التحقيق من موضوعها !!!


و نحن نناقش موضوع عام مب حالة أم راشد بالأخص ... لأنه حالتها ما نعرف عنها شي إلا المقطع المكون من دقيقتين !!!! ما نعرف حيثيات موضوعها !!!!

فلا تكبروا الموضوع و تعطوه أكبر من حجمه و ركزا على الموضوع بارك الله فيكم !!!!

[ود الورد]

يوم قلتلكم بفر جواز الامارات كليتوني
قلتوا الامارات والإمارات ، شوفوا الامارات كيف اتذل عيال زايد
واطبطب عالاجانب والوافدين ، وموفره لهم سبل العيش الكريمة
لكن شو بنقول غير حسبي الله ونعم الوكيل

شو هالرمسة بعد ؟؟؟؟؟؟؟؟؟؟؟؟؟؟؟؟؟؟؟؟

روحي أقرب مركز شرطة و قوليلهم مابا الجواز الإماراتي .... و إذا إنتي تفكيرج بهالطريقة تراه الجواز الإماراتي ما هوب بعازتج!!!! روحي دوري لج وطن و بلد ثاني يكرمج غير الإمارات !!!!

و لااااااااااااااااااااااااااااااااااااا تتهمي الإمارات بهذا الإتهام القذر .... تبي تناقشي بأسلوب راقي حياج الله و لا غير جيه لا تمسين اسم الإمارات !!! مب بس انتي من اعيال زايد .... نحن اعياله !!!


أنا لا أسمح لأي انسان إنه يزج إسم الإمارات بأي تعليق يجرح هويتها أو كرامتها !!!! مهمااااااااااااااااا عمتنا الأنانية و مشاكلنا ....

ناقشوا في المشاكل رجاءا فقط !!!!!!!!!!!!!!!!!!!!!!!!!

[Bo3bdalla]

يوم قلتلكم بفر جواز الامارات كليتوني
قلتوا الامارات والإمارات ، شوفوا الامارات كيف اتذل عيال زايد
واطبطب عالاجانب والوافدين ، وموفره لهم سبل العيش الكريمة
لكن شو بنقول غير حسبي الله ونعم الوكيل

اطلب اغلاق الموضوع من قبل الادارة

[ام الولد]

مع احترامي :

ام راشد كان كلامها واضح ولا غلطة على حد هي كانت متصله بس علشان ترد على موضوع الجمعيات الخيريه مثل ما قال المذيع حسن يعقوب هذا كل الموضوع وما شاءالله اليوم بو راشد ما قصر فيها وفي نهاية كلامه قبل الفاصل هداها هديه حلوه وقال فيها ((( تفو عليج ))

مشكلتك يا بوراشد إنك معاهم معاهم وعليهم عليهم
يعني( شو اتفو عليج ) .. ليش وييين قاعدين ومهما
تكون الأسباب ياأخي في مذهب للرمسه وذرابه
يعني هاي الحرمه ولا غيرها تراها بنت البلاد يعني عرضك وشرفك
وما اظن إنك ما تغارعلى بنات بلادك؟؟!! ..

بس أقول لك شئ ماطار طير وارتفع إلا كما طار وقع

وحسبي الله ونعم الوكيل على كل من تجرأ على الحق وظلم
باستغلاله منصب ,, لاينسى إنه باجر بيتوسد التراب وبينلحد
وهاييك الساعه محد بينفع أحد .
والله بعدك لو كنت في الشارع ما بتتجرأ وتفل على وحده
بس بكل جراااءه وعلى مسمع الآلاف . يعني واثق
من عمرك وما هامنك أي أحد .
بس كما تدين تدان.
لاتنســــــــــــــــى هذا الشئ.

[ع الدرمكي]

لا حول و لا قوة إلا بالله ..

[ام الولد]

يوم قلتلكم بفر جواز الامارات كليتوني
قلتوا الامارات والإمارات ، شوفوا الامارات كيف اتذل عيال زايد
واطبطب عالاجانب والوافدين ، وموفره لهم سبل العيش الكريمة
لكن شو بنقول غير حسبي الله ونعم الوكيل

الغاليه ,,
مب إنتِ ملاحظه تكرارج على تخليج عن الجواز
بفره ,, يعني مستغنيه عنه وما تبغينه
على أي أساس تنسبين عمرج لعيال زايد وانتي بتفرين الجواز
إلي أبونا زايد الله يرحمه أجتهد فيه وبالأتحاد ؟؟!!
الغاليه كل الشعب الأماراتي ماااااااااااااااااااااايرضى منج
هاي الرمسه ويمكن البعض فوتها عليج مره أو مرتين
بس ما بيفوتونها لج دوووم .
الله يهديج حكمي عقلج
قبل ما تغلطيين.

[ام الولد]

شيلا معكم سالفه اسمع كله كلووم فاضي

بنرد نقول البنات مالهم حق في الشغل ولا لازم يشتغلون حتى ليسن السياره يسحبوه عنهم
ماشي منهم فايد الحريم حق العرس والاولاد والبيت بس غير هذا حرام وغير مشروع
مافي أيه قرأئنيه ولاحديث قالت للحريم روحو أشتغلو ويا الريايييل وسوق سيايير ومافي شي أسمه شغل للحريم برع البيت
تربية الاولاد والاهتمام بالبيت وبس وغير هذا كله حرام وشروع بالكفر والعياذ بالله

أخوي إنت داخل علينا عرض
في الموضوع ,, ممكن ترتقي بأسلوبك
الهمجي شوي ..
مب إنت إلي تحلل وتحرم على كيفك
وواضح إنك إنسان مب متفهم الله يهديك ..
نصيحه أقرأ القرآن عدل
وبلأخص سورة النساء
ولا تنسى وصايا الرسول الكريم في النساء بأنكم
تتوصون في النساء خيرا
وشو خص السعوديه بالأمر يعني ليش في السعوديه
مافي طبيبات أو ممرضات ولا مدرسات
يعني إذا حد مرض من أهلك ويين بيسيرون
عند طبيبه ولا طبيب ..
وهذا السؤال بناءاً على رمستك
ولا تنسى بأن النساء شقائق الرجال
بالأسلااااااااااام مب بزمنا الحاضر إلي شوه المرأه بالمساواه لأنه مستحييل
هذا الشئ واحنا فاهميين .
بس لما تقول ما عندكم سالفه يعني
إنت إلي ما فاهم السالفه إقرأ الموضوع زييييين وبعدين إرمس ..

[فضائي]

و يعني الموضوع على أم راشد و ليش صار لها ..

في حالات كثيرة حالها حالة .. ما يدقون على الخط المباشر و يشكون

يعني المسؤلين ينتظرون لين تتفاقم المشاكل .. بعدين يفكروا يحطوا الحلول .. هذا إذا يا ببالهم