رد مع اقتباس
المشاركة الأصلية كتبت بواسطة نقطة حبر
كلامك صحيح والله نحنا عايشين بمهزله وقلتها بكل صدق وأمانه أخوي البزي ماشاء الله عليك
ولو احنا ما تكلمنا بننفجر وانا معاك بكل كلمه قلتها بل بكل حرف كتبته دائما مميز بطرح المواضيع والردود المثيره يعلم الله إانك أخ عزيز وغالي بردت قلبي ربي يسعدك دنيا آخرة .
للأسف يا اخوي الحكومه ما تتحرك والمواطن ما يتكلم والتجار والشركات يلعبون على كيفهم ,,, وانت كفرد مواطن يوم تسير تشتكي عند المسؤولين يقولون لك تجاره حره يعني يلعبون بكيفهم ويسوون اللي يبونه ومحد يحاسبهم ،، هاذي نظام التجارة الحرة اللي نحن نعيشها ،، فإذا هم يقولون في تجارة حرة بالامارات ليش حاطين وكلاء بالدوله ... أنا أشوف وكالة التيوتا لها وكيل ,, نيسان لها وكيل ,, ساعات روليكس لها وكيل ,, إذا هم يقولون تجارة حرة يخلون زيد وعبيد يدخلون إللي يبون بدون وكلاء ..
الغلاء وزيادات الاسعار فهل من المعقول ان حكومه ودوله ذات سيادة وقوانيين لا تستيطع ضبط الاسعار وبالله عليكم هل انتم مقتنعون بحجة السوق الحر أليس من العار ان تعجز دوله عن ضبط سوقها ومحاسبة المخالفين ولكن اتعرفون لماذا هذا العجز لان مصالحهم واقصد مصالح السلطه وبطانتها مرتبطه ارتباط وثيق بهؤلاء التجار فلو تم ضبط الاسعار سيستفيد المواطن ولكن لن تمتلئ جيوبهم كما تمتلئ الان.
للاسف وبكل اسف لا ارى احد يتكلم ويمكن لو حد تكلم بيكونو معدودين عالأصابع ليش حقوقنا ضايعه والكل متسلط علينا عشان احنا يا غافلين لكم الله زادت الاسعار والناس تدفع دون مبالاه او تنقنق بالايذاعات. ،،، بلا مسكن او ارض يظل قابع وينتظر او يتحرطم ،، يرى ارضه تباع للاجانب يتمتم خلف الاسوار المغلقه او مع زوجته واخته وهمسا لا حديثا بأن ذلك عار وحرام ولكن أسد علي وفي الحروب نعامة.!
إعلام لا يستطيع التحدث بشفافيه عن قضايا الوطن او المواطن لماذا لان السلطه تمنع ذلك فإين حقوق الوطن والمواطن.
هاييلا بالامارات هني ويانا أسلحة الصيد مانعينها , الدوله الوحيده في دول الخليج , ولو تبغي تدش تشوف القانون هذا مال الأسلحة تقدر إتشوفه بالنت , هل السكتون تشكل خطر للدوله ، سياستنا بشكل عام لا تكتب بأيدي إماراتيه ,,, والمجلس الوطني يتمتعون بكل المميزات المريحه , حتى المخالفات ما يسلمونها ... كيف شخص مخالف للقانون مثلا تعدى إشارة حمره تسقط مخالفاته اونه هذا شو عضو بالمجلس الوطني , على راسه ريشه ’ الأخ دبلوماسي , راعي الجواز الأحمر ,
وإللي جوازه أزرق إدفع لين تلوع جبدك .
سياسة غير وطنيه , الدول تتقدم واحنا نتأخر , وإللي إحنا فالحين فيه نسوي بنايات , أطول برج بالعالم , وأول برج دائري بالعالم , , و و و .... الخ .
المواطن ما بيسكن بهاذي البنايات ، إذا الدولة حبت تطور عندها سفراء بالخارج بالدول الاروبيه وأمريكا إيجيبون فكرة عن هذه الدوله كيف مطورة وشو تصنع وتحاول توصل لمستواهم أو نصف أو حتى ربع مستواهم .
شو صنعت الامارات مسدس كاريكال ,, وأظني إللي صانعينه هنود بعد يشتغلون بالامارات ..
دوله عمرها أكثر من 40 سنة هذا اللي وصلنا له .
والله عار دوله مصدره للنفط وحالنا جي , وبيي واحد وبيقولي والله النفط بينظب يعني بيخلص لازم نعتمد على الكوادر الوطنينه ,
نرد عليه منو يشتغل بالجيش , منو يشتغل بالشرطة , منو ماسك الدوله من جميع النواحي بالمطارات وفي الجمارك , بس إحنا تعداد سكانا 800,000 نسمه و هذا العدد ماسكين الدوله بر و بحر و جو حاميين الدار ومسيطرين على 5 مليون ونصف من السكان الاجانب اللي عايشين داخل دولتنا الحبيبه ,, معنى كلامي ان المواطن يشتغل وإذا أي واحد بيقول والله المواطن لازم يشتغل فأجدادنا إشتغلو عمال قبل بالكويت محد يساوم علينا , مدام الخير موجود لازم نحس فيه ،يكفي ان اجدادنا تعبو وياك الوقت اللي نحنا نرتاح بعيد عن طمع التجار ,,مب استلم 15,000 ومعرف أوفر منهم
حكومتنا الرشيدة فرحت المواطنين وقالت بينزلون 40.000 بيت ما نزل غير 8000 اسم وإللي يبنون يمكن 1000 واحد بس من هالعدد , وهذا الكلام من 3 سنوات تقريبا , وين الوعود .
حطو ميزانية مليار ونصف درهم ميزانية لبرنامج الشيخ زايد بالمقابل برج خليفه في دبي كلف مليار ونصف دولار يعني بالدرهم 4 مليارات ونصف درهم , وين إللي تشوفونه أولى تتأخر طلباتنا هاذي السنين كلها وقاعدين بالايجارات وإلا برج خليفه , أنا ادري بتقولون هذا معلم بس المثل المصري يقول إللي ماعندوش ما يلزموش , أنا برايي كل مواطن متأخر طلبه بالاسكان ياخذ عياله ويشل له دوشك ويسير يرقد هناك عشان الدوله اعطت الاولويه لهذا البرج بدل ما تعطي المواطن حقه .
المواطن اصبح يتسول الاجنبي الذي يملك الابراج والعمارات كي يمنحه شقه مفروشه او يترجاه حتى لا يزيد عليه الايجار علما انه ابن الوطن فمن الذي سمح للاجنبي بان يتحكم بعنق المواطن!!
وسلامتكم الحين انا ساير برج خليفه وشليت وياي دوشكيوبرقد هناك عالسقف لين ينزل برنامج ىالشيخ زايد للإسكان , منو بيي وياي
ومثل ما يقول الشعر /
ظلمت الناس لم ترحم دموع
اما يكفيك من ظلم لقلبك؟
تذكر يومها كم انت قاسي
منعت الماء عن ابناء عمك
وتهدي للاجانب كل ماء
سخيا واهبا من كل نفسك
وقد شربوا الى حد التروي
وعند رواءهم بصقوا بكاسك
" وسيعلم الذين ظلموا أي منقلب ينقلبون "
صدق الله العظيم
أبداع و ربي ابداع يا نقطة حبر
الصراحه أنا وياك بالي قلته كله من جميع النواحي
ياخي نحنا تعدادنا السكاني كم 8مية الف والله الدوله في استطاعتها
أنها تبني لك لواحد بيت بس ليش ما تسوي جذه
ومن ناحية البيتو الي قالت بتبنيها تعال وشوف شكرات المقاولات الي بانيه
البيوت كلها شركات ناس من الديوان او من ربعهم مدخلين مليارات من وراها
وازيدك من الشعر بيت في المناقصه الي صارت كذا شركه اهرفا حطة اسعار اقل
من الي حطوه الشركات الي خذة العقد لكن رفض طلبهم .. هذا كله ليش
صحاب الشركات الي عقودهم اقل ما عندهم سيوله كافيه نسوى انه
بعد الاتفاق يخذون دفعات تحت الحساب والدفعات بالملاين فقالو حرام الملاين هي
تروح لغيــرنا وهذا واضح يعني ما بيخسرون ربيه من عندهم .
ما ادري هيلا بيتمون لين متى جذه ياكلون فينا ولا يرحمونا والله الخوف كل الخوف
من الجيل الجديد الي طالع مستهتر وقوي وناضج فكريا ما بيحشمون حد
شكلهم يبون من الجيل اليديد تطلع أحزاب معارضه ضد الحكم مثل باقي الدول الي فيها ظلم
وصدقني حزتها ما بيكسبون شي بالعكس بيخسرون وايد لأنه جيلنا تربا على حب
شيوخنا واحترامه بالخيــر الي شفناه من ورا المغفور له بأذن الله الشيخ زايد
أما الجيل اليديد شو شاف غير الغلاء والتخبط والقمع والذل من الأجانب يعني شايلين هموم الدنيا
الله يــستر على الدوله من الي بيصير فيها لو ما أعتدل حالها
والله يكون في العون
وفي الختام أسعدني جدا تواجدك يا أخوي العزيز نقطة حبر
والسموحه على تأخري بالرد ولكن ردك أسعدني جدا
تقبل تحياتي الحاره أخوك البزي
