يعني اللي صار في موضوع سهم بنك دبي الإسلامي و نشروا أسمايهم كلهم . . و محافظ مركز دبي المالي العالمي .. والقضايا الثانية
يعني اللي صار في موضوع سهم بنك دبي الإسلامي و نشروا أسمايهم كلهم . . و محافظ مركز دبي المالي العالمي .. والقضايا الثانية
المشاركة الأصلية كتبت بواسطة فضائي
حبيبي خل الاسامي ع صوب اوكي ننشر الاسامي بس اباك تسال عمرك سؤال في قضية اسهم دبي
المحامي اللي رفع الدعوى نشر العريضه ع النت والبي بي ؟؟
انا اللي اعرفه انه العريضه مفروض تتداول بين القضاه ووالمحاميين المترافعين في القضيه ؟ محد غيرهم يطلع عليهاا
هل محامي قضية سهم دبي سار ينشر العريضه وعنوانه ورقمه ؟ طبعا لا لانه هذا اصلا تصرف مرفوض
انا هذا اللي قصدته ان العريضه بعد امانه .مثل ما اموال الجمعيات الخيريه امانه .
واي واحد لازم يحافظ ع المهنه اللي وصل لها ..
عثره تعثره المصري لاطم
1234857
مليون وميتين واربعه وثلاثين الف وكسور
عثره هذا الي يقولون عليه المال السايب يعلم
السرقه ....
______________________________________________
اما بالنسبه لأخي وعزيزي منصور الفلاسي
قل من أتبع عورة أخوه المسلم عفوا العوره في سرقة ؟؟!!
المال الذي هو بالأساس للمحتاجين في الدوله ؟؟!!
كم من أسر اماراتيه محتاجه في الدوله يا أخويه ؟؟!!
كم يحصلون من هذي الجمعيات مبالغ زهيده جدا
بالنسبه للي أقراها الحينه .
ثاني شي القضيه وأي قضيه لو تباها تتحرك بشكل كبير
لازم تسوي جذه عشان تتحول لقضية راي عام
يعني يا أخوي الكريم تبانا نقول حليله فقير المصري خلوه
ينهب من مال الي نتبرع به ويلعب ويصرف على عمره وحريمه
وربعه فقير ..
ليش هل الله ولا رسوله قالولنا نخلي الحرامي يسرق بدون حساب
لو هذا رايك مع كل أحترامي وتقديري لك يأ خوي العزيز اعتبره غلط
معروف انه الجزاء من جنس العمل لو سكتنا عن فلان وعلان
بحجت اتباع عوراة المسلمين صدقني ما بنتقدم خطوة حط هذا الشي
في علمك يا أخوي تقدر تشوف الدول الثانيه كيف يتصرفون بهذي
القضايا كلهم يحولونها قضية راي عام للأنه من توصل لهذي المرحله
يكون الحكم قوي والكل يدري بالسالفه ولو كان حد يلعب بزيله
بينردع من الخوف أنه يصيبه مثل ما صاب غيره
وبكل أمانه أنا أحترم الأستاذ عبد الحميد
ويزاه الله كل خيــر على الي قام به
مع أحترامي الشديد يا أخوي منصور الدنيا اطورت
ما صرنا مثل أول واذا بنسكت عن مثل هذي التصرفات
بيتمادى غيره وغيره لانهم ناس يخافون ما يستحون
والسموحه على الأطاله تحياتي لكم أخوكم
البزي
[align=center]
شووووووووووووووف!!!!
لاتيلس تفسر رمستيه ع هواك وحسب ماتحب ولاتقولنيه رمسه ما جد قلتا انا كلاميه كان واضح !! متى قلت خلوه يسرق!!!
حبيبي رديه كان واضح وقلت في رديه القبلي انه المصري غلطان واستحق العقوبه المشدده .. ولكن اي محامي
مفروض ايضا يعتبر ان اوراق القضيه امانه .. مب ينشر عريضة دعواه عبر الانترنت والبي بي وغيره وغيره
اوراق القضيه معروف انه لازم تكون متداوله بين اطراف وهم
القضاه والمحاميين المترافعين فالقضيه والمدعى والمدعى عليه فقط لاغير مب من هب ودب يقرا
عريضة الدعوى قبل البت
في القضيه وقبل الحكم فيها حتى .. جيه وين عايشين انحن ؟؟!!
يالله .. خل نقطة اسم المتهم ينشر اسمه ماعليه ع قولتك للعبره وللعظه مب مشكله بلعنااها .. بس اسامي حريمه
ومعلومات عنهن
ليش تنشر؟؟ هذا قصدي بعورات المسلمين ولنفرض انهن مايدرن ان البيزات يابهن لهن من اختلااس شوه فايدة
التشهير فيهن قبل لا تبدا القضيه وقبل لا تبدا المحااكمه ؟وقبل حتى لا نسمع من كل الاطراف ونعرف السالفه
كاامله؟؟؟؟
كان لازم انه يتحفظ ع الاسامي لين يثبت شي ع الحريم و في حاال ثبوت ادانتهن ينشر جاان مستعيل يبا ينشر
لانه بعد فيه احتمال انه يكون المصري ماخذ لفلوس بأساامي حريمه بس خذهن لنفسه ؟؟ ليش الاستعجال
عيل اوراق قضيه تنشر بالطريقه هذي ليش شوه العبره ف نشر الاوراق انا اللي اعرفه انه ينشر الخبر عقب ينشر
الحكم بعد صدوره ؟؟!!!
اصلا شوه صورتيه وانا يالس انصح الناس بالامانه وانا روحيه ماعرف الامانه اشقايل ؟؟!!
النصب بلا ابتلى فيه المصري واشكاله بس الله عرفناه بالعقل ..
وبعض المحاميين وايد شالتنهم الشهره ووايد يحبوون الظهور .. كل يوم فاذاعه وكل يوم في جريده هه
يااما محاميين اكبر عنهم يمارسون مهنتهم ومحد درابهم ليش؟؟ لانه الظهور مايهم عندهم
ماقلت العوره في سرقه بس اذا هذا تفكيرك ماابشره عليك الصراحه
بووحارب
[/align]
لي عوده للتعقيب على الردود ...
يآ ورد .. عادي .. لو بـ الإحساس غشّوك
تبقى لك .. الذكرى ولو هم .. تناسوك ..!
للرفع
هذه سالفة الوافدين شغلوا بنات الدوله والمواطنيني في هذه البلد شفتوا الوافد شوا سوا
انا مع البزي
هذي مب عورة هذي سرقة اموال ناس امنوا الجمعية عسب تعطيها للمستحقين
مب يي مصري ويصرفها على حريمة
حسبي الله ونعم الوكيل
هذي اموال فقارا ويتامى كيف تطيب نفسهم ياكلونها ..!!؟
ويزاه الله خير الكميتي ..
مشكور اخوي ع الخبر
ربي يحفظك
لِسَانَكَ لا تَذْكُرْ بِهِ عَـورَةَ امـرئ ** فَكلُّكَ عَـوْرَاتٌ وَلِلنَّـاسِ أَلْسُــنُ
وَعَـينكَ إنْ أَبْـدَتْ إَلَيكَ مَعَـايِباً ** فَصُنْهَا وَقُلْ يَاعَيْنُ لِلنَّاسِ أَعْينُ
شكراً لكل من قيم موآضيعي
لا تستعجلوا ..
لابد أن نسمع الطرف الاخر ...
الخطأ لا يعمم لكل من في الجمعية ....
ضوابط المشاركة
رد مع اقتباس
