ظاهرة رسوب الفتيات المتكرر في اختبار القيادة إلى أين ..!(صور)

[كتكوته]

مرحبا بج اختي ليش أنا

والله أنا اشوف انه توحيد المسافات جدا مهم وخاصة للبنات المبتدئات يحفظون المسافة بالضبط ويطبقونها في المرور ويرسبون ومدارس التعليم تمشي على أساس المسافات وليس شي آخر

ثاني شي لما أسوق في الشارع ما استخدم هذا النوع من الباركن أو الريوس وخاصة في راس الخيمة
فأصلا ما ينفعنا بشي لما نسوق عشان جذي يوحدون المسافات في المدارس والمرور أفضل لإجتياز الامتحان والشاطر ينجح بالسوق (المدينة) لأنه هذا هو الأهم في السواقة
تقبلي مروري الغالية (ليش أنا)
ومشكورة مرة ثانية اختي الصحفية ع الموضوع

[بحر الذكرى]

السلام عليكم

اول شيء ويلكم باك نور المنتدى يا لغلا


وثاني شيء ظاهرة الرسوب هاي اول شيء من المدرسه نفسها

لاني اتدربت في مدرسه كل شوي اتعلمني شيء واتغلطني وتخربطني في السواقه وتكون قاصده بهالشيء

علشان اروح لها كل شوي بس الحمدلله نجحت بعد 7 او 8 مرات من الرسوب في المدينه

وكذا مره داخل هع عادي المهم الوحده تتعلم السواقه وتظبطها زين

وبعديها المسافات في المدرسه شيء والامتحان شيء لانه ما يعلمونا في البدايه كيف

الا بعد الرسوب المتكرر يعلمون الصح



يسلموو على الموضوع الرائع


ونتريا يديدج






بحر الذكرى

[مزايين الرمس]

ماشاء الله الشباب تقبضونا شمال ويمين وما صدقوا طاحوا فينا طيحه

اقول شباب قبل لا ارد على الموضوع ترى بيوت الرمس وشوارعها ودرامات الزباله والساحل شاهد على سواقتكم ؟\\


البنات حليلهم اول مره تشوف الستيرنج في مدرسة التدريب لكن الواحد فيكم كم مره داعم قبل لا يصبح خبير وقبل لا يصل للسن القانونيه القياده . تسوقون من انتوا صغار صح ولا لا؟؟؟؟؟\\


انزين اختي خلينا نرد على الموضوع ...............الصراحه في فئات كثيرة من النساء ضعيفة وما اقول لا لانها وايد حريصه وتخاف من اي شي ..... فديتنا الحريم قلبنا طيب وحنون وبصراحه هذا ما ينفع

وحجة اختلاف القياسات وغيره مو حجه اختي كلنا تدربنا في مدارس واختبرنا في نفس المكان او في المكان القديم للمرور وكان مختلف عن المدرسة ..... القياسات مو عشا احفظها هي عبارة عن مقاييس احطها بالاعتبار بالنسبه لسيارتي .\يعني على اساسها تشوفين الاصلح لج ولسيارتج وللكراج او الباركن .... عيل لو رحتي دبي او بوظبي شو بتسوين .... بتسوين مثل ناس توقف السيارة وتوقف اي حد يساعدها .... لازم يكون عندج جراه ن السواقه مو مسكتي ستيرنج ودوس بترول ..\\\


اخوانا الشباب ...... مخالفاتكم اكثر مما يتصور ولو قارناها بمخالفات الحريم فالفرق كبير ..... هم حوادث بطىء وانتوا حوادث سرعه .\\


اتمنى السلامة للجميع ................ وادارة المرور خلوا الواسطه بعيد لان هذي ارواح ناس مو لعبه
ولا تقولون مافي ..


وتقبلوا تحيتي

[بو حمد]

اعجبني عنواان الموضووع و اجبرني ادخل و اشووفه

قبل كل شي عودة حميييدة يالصحفية و ان شااء الله نشوف مشاركااتج و مواضيعج المتميزة

ثااني شي

بخصوص رسوب الفتيات . مثل ما ذكر بعض الاخوان و الاخوات

ترا الحاالة النفسية واااايد تتأثر فييها البنت خااصة لما تكوون فالاختبار

يعني لو تقيسوا هذا الاختبار في الاختبارات مثلا نصف السنة و اخر السنة فالمدارس و الجامعات

رااح تشووفووا البنات مرتبكات و و و و ((البعض مب الكل))

و هالشي في طبيعتكم على ما اعتقد ..

و يأثر و يؤدي اغلب الاحيان الى الرسوب او ما تحل عدل فالامتحان

باعتقاادي 80% من اسباب الرسوب هو نفسية البنت مب المكان او ان المرور يبون يرسبونكم

و ثااني شي بخصوص الباركنات و مقاسااتها و و و

على ما اعتقد ان الواحد لازم يتكيف وي الوضع اللي هو فييه

يعني ما في شي اسمه مقاسات باركنات

كل شارع مقاسات الباركنات اللي فيييه غير عن الثاني

يعني اذا الوحدة منكم تبرمجة على مقاس واحد للباركن فالمدرسة و المرور

لا طلعت و مشت فالشوارع ما رااح تنصدم بالواقع يعني

راااح تتوهق مثل ما نشووف كل يوم

والدليل تعالوا شوفوا بوظبي و باركناتهاا

فان الوحدة تفر اللوم على المقاسات هالعذر على ما اعتقد مب صحيح

ربي يوفقكم فالسوااقة بس الصرااحة و الحق ينقال في بنات يسوقون احسن الشباب

و السموووووووحة عالاطالة

و تسلمين ياختي على الموضوع

و ننتظر جديدج

[جروح]

خل يتريوني شوي اسبوعين ب الاكثير ويايه لووول


ان شاءالله نتوفق ومايرسبونا

[~{ليش آناآ}~]

مرحبا بج اختي ليش أنا

والله أنا اشوف انه توحيد المسافات جدا مهم وخاصة للبنات المبتدئات يحفظون المسافة بالضبط ويطبقونها في المرور ويرسبون ومدارس التعليم تمشي على أساس المسافات وليس شي آخر

ثاني شي لما أسوق في الشارع ما استخدم هذا النوع من الباركن أو الريوس وخاصة في راس الخيمة
فأصلا ما ينفعنا بشي لما نسوق عشان جذي يوحدون المسافات في المدارس والمرور أفضل لإجتياز الامتحان والشاطر ينجح بالسوق (المدينة) لأنه هذا هو الأهم في السواقة
تقبلي مروري الغالية (ليش أنا)
ومشكورة مرة ثانية اختي الصحفية ع الموضوع

مراحب اختي

ما بعلق عل كلامج
لانه اصلا مب منطقي

[Her Highness]

اي مقاسات واي خرابيط مايخصه السواقه فن والفن يطور بالممارسه



والصراحه ماشفت ظلم لما امتحنت والحمد الله من اول مره خذت الليسن



وبعد نقطه ثانيه انا ماتعلمت فالمدرسه الوالد اللي يطول بعمره هو معلمني ورحت المدرسه بس 5 او 6 ساعات



لاني كنت اعرف اسوق من قبل واحس اللي حد من اهلها يعلمها وخصوصا اذا كان ريال تمشي وتكون متمكنه من السواقه اكثر



يسلموووووو الصحفيه ع التحقيق

[العري]

مشكورين الصراحه على هذا المقال
الصراحه زين ما يسووون فيكن
علشان تتعلمون عدل
شوفو الحوادث اللي صير كله بسبت منو
ولا منو اللي تسبب بها
على العموم الله يحفظ الجميع
ويبعد عنا شرور اللي يسوقن

[فضائي]

رسوب في الاختبار
و لا مشكلة في الشارع على الرغم من أنه يشكل ضغط و تعب في التدريب , و أخذ المواعيد
الله يعين

[حرم علي]

يتعمدون يرسبونا حتى لو نسوق بشطارة