مواطنات يُطالبن بضوابط تحدّ مــن زواج المواطنين بأجنبيات

[فريجاك]

من وجهه نظري :

انه المتطلبات اللي لازم الزوج يوفرها لزوجته كبيره وكثيره ..

مثل المهر و والعرس والهدايا الخ ...

يعني المفرووض يسوون توعيه حق الآباء بخصوص المهر وتكاليف العرس حتى الشاب يقدر يوفر حياه كريمه له ولزوجته ..

واغلب المعرسين عايشين بديوون وحالتهم حاله الا اللي ابوه او احد من اهله ساعده ..!

والمشكله انه مو ضامن حياته تكون سعيده مع زوجته فالمفروض الواحد يراعي هالشي ..

انا من رايي الناس تبدا بدايه جديده فاسعار المهور والكل يفهم انه الفرحه تكون بعد الزواج مو قبله ..

يعني الواحد اذا فلس قبل الزواج شو يسوي بعد الزواج بكوون مقهوور وكل مايشوفها بيتذكر شو السبب ههههه

وعسى الله يسهل علينا ..

شكرا عـ الخبر ..

[ريووووووف]

قبل إن يشترطن هذه الشروط التعسفية
المفروض المواطنون يطالبون بضوابط تحد من غلاء المهور و إن يتم حرمانهن بأشياء تقابل ما اشترطن .

..فعندما يطلب المرء شيء قد يخرج الانسان عن إرادته كحب شاب فتاة اجنبية هذا أصلا معارض ويسلب حقه الأول في اختيار من تشاركه حياته ..
إلا يكفي إن الله منحنا التعارف و إلاندماج ولم يحدد ذلك بقوله : "وخلقناكم شعوبا وقبائل لتعارفوا"....

إذا كان الأمر هدفه التقليل من العنوسه فالحل معالجة أسبابها وتأهيل الفتيات على تحمل أعباء الزواج :..

تحرم المواطن مستقبله لأنها أحق إنها تتزوجه لكن ما أسألت ما حقوقه هو وطلبات ورأيه فالموضوع...





..... رأي أصف مع الشاب المواطن
ؤبعدين يكفي ها الضغوط على الشباب.. اللي خلته يميل الى الزواج بأجنبيه سرا أو يميل الى العلاقه المحرمه..
قبل ان تضعين هالشروط يالمواطنأت قيسيؤها على إخوانكم وأبائكم
ؤبعدين ... آلحب والرغبه تلعب دور.. موؤ غصب. يتزوجج.
ومهما زادة الضغوط والشروط زاد عدد الطلاق ۋ العنوسه
وصح أنكم كلكم تندرجون تحت اسم مواطنين بـس تختلف الأصول .. وهذا يلعب دور
هل المواطنه الاصل ترضى تتزوج من عيمي ولا بلوشي ؟؟
ؤبعدين شروط أبوج وتحمليها مهر نص مليون ؤبعدين يروح يطر بالجمعيات الخيريه


لاتقولين السياره أحسن عني ..هيه أحسن عنج لانها توديه. لمصدر رزقه ....
لاتقولين الأجنبيه أحسن عني ..هيه أحسن عنج لأن صبرت عليه ؤبعدين كافئها بالفيلا ۋ السياره لاتقولين سحرته..
سحرته بتربيتها للعيال بصبرها بمسؤليتها تجاه البيت؟؟ فوق هذا. فيهن جمال


ؤبعدين ها نصيبج ليش تعترضين

موؤ غصب الزواج منج ولا تبيع نفسها و لا تعرض نفسها وتجبر المواطنين الزاج منكن
مع الشاب المواطن المظلوم
*ضد زواج الأجنبيات من مواطن لكن الحب و الرغبة تجتاح الضوابط و الشروط التعسفيه

[نقيب الأشراف]

<<<<حلاة الثوب رقعته منه وفيه>>>>
ياشباب
بنت أهلك وبلادك مثل التمره ماتردى بالساهل .
بنت غير أهلك و بلادك مثل الخوخ سريع التلف
يابنات البلاد
خفوا على أعماركم ورياييل
أهلكم وبلادكم من الكماليات
والركيض وراء مزاهد الدنيا .


*حرم علي
بيض الله وجهك
وكثر الله من امثالك .

[اماراتي وافتخر 40]

كل حد له وجه نظر

واختلاف الراي لا يفسد للود قضيه

فيه بيوت جي وفيه بيوت جي

والدنيا بها الوقت غاليه

وهاي فرحتهم

اللي يقدر لا يبخل

واللي ما عنده الله بيحط له بدربه الناس اللي تقدر

بس لا تقنعوني بواحد مطلع رنج وكاله ويقول مصاريف العرس وايد....

واحد يسافر بالشهر مره ويقول ما عندي

واحد ساعاته كلها ماركات ونعلته بالالاف وقال يتطلبن ويتشرطن

[Um saltoony]

فعلا كل واحد ايشوف اامور من وجهة نظره .. أو من خلال تجربته .. او من خلال مواقف ايشوفها ..


بس انا اشوف ان ايام غلاء المهور ولت عرفت بنات اتزوجوا بمهور قليله .. بالعكس اوقفوا ويارياييلهم في ظروف يمكن لو وحده اجنبيه ماتتحملها .. بنات الامارات غرسهن طيب .. والحمدلله منو هالشاب الي ماعنده فلوس . عندهم لأفخم السيارات ، والساعات، والسفرات، والسهرات ، وطول اليوم تلفليف فالاسواق ورى البنات .. ومن يطرون موضوع الزواج قالوا البيت .. وهذا حال اغلب الشباب الا من رحم ربي..

البنت ماتبغي الا الستر.. واذا شي وحده تبا مهرها مليووون في المقابل الف وحده تبا الستر .. والبنات الحين ماشالله عليهن كل وحده احلى من الثانيه وككلهن يهتمن بعمارهن ...

المفروض انا مانحكم دايما عالطرف الضعيف في اي قضيه..الشاب لو فكر في الزواج من اول مايشتغل ووفر مبلغ من راتبه كل شهر وواالله ايروم ياخذ الي يبالها وباي مهر .. بس الواحد ايقزر حياته في لعب ويوم يبا ايعرس ايكون صارف الاولي والتالي وايقول ماعندي .. بس عنده يشتري موتر ب 400,000

منطق غريب الصراحه..

وياجماعه خلوا النقاش راقي ولاتحتدون على اشياء ماتسوى .. الي له نصيب بياخذه .. والبنت الي ماتتزوج وتستر نفسها الله ايجازيها في اخرتها خير اكثر من طافها فالدنيا ..

هذا رايي .. والله يهدي الجميع

[الطنيجي ستارليت]

اؤيد لا اؤيد هذا كلامكم يالحريم رااعوا الواحد في المهر ومحد بيتزوج من الاجنبية والوااافدة
وثااني شيء الوحده قبل الزوااج يا زينها وبعد الزواااج تخووف الزووج سواا ارياااضه حاافظوووا على رشااقتكن
وان شاء الله محد بيفكر بغيركن
وبتقولوون الحمل والحمل بعد الحمل سوااا اريااضه وحاافظوواا على اشكالكن الله يزيكم كل خير

[Um saltoony]

فعلا كل واحد ايشوف الامور من وجهة نظره.. أو من مواقف شايفنها ..أو تجربه شخصيه..

بس أبا اسال الشباب الي يتاففون ويتشكون من المهور .. ماتشتكون يوم اطلعون مواتر ب 400,000 ، الواحد من يشتغل ايطيح في سلفيات سيايير كل سنتين سياره .. والسفرات الي الها اول ومالها اخر.. والساعات ................والخ .. اشمعنا من يفتحون موضوع الزواج اتحججوا عالمهر..

البنت شو تبا غير الستر .. ايااام المهور المرتفعه ولت .. هذا كلام جدا قديم واذا شي وحده تبا مهرها مليم فمقابلها الف وحده تبا الستر ... لانظلم الطرف الضعيف في كل قضيه .. بعدين منو الحين ماعنده فلوس ولله الحمد .. من زادوا الرواتب انترست راس الخيمه من الرينجات .. استون اكثر عن التكاسي ..

الي يبا الصلاة ماتفوته .. الغريبه مهما تمت وياك مردها لاهلها وبتحن لبلادها ..مالنا حق انذم فيهن في منهن ربن رياييل ماشالله عليهن بس مهما كان بتحن لبلادها .. بس بنت البلاد مهما طلبت واتغلت وقت الشده ماتلقى غيرها سندلك وعون ..

الله يهدي الجمييع .. والي له نصيب بيلقاه .. والبنت الي مالقت نصيبها فالدنيا .. ربي بيعوضها بالخير كله فالاخره ..


تقبلوا رايي ومروري

[الجوهرة الناعمة]

الله يرزق الجميع

[حرم علي]

خليهن يولن اختي , كل وحدة عقلها في راسها
و لو رمسنا في هالموضوع من اليوم لين باجر محد بيفهم
والبنت العاقلة الذكية اللي تبغي الستر
ما بتقارن نفسها بقيمة سيارة والا ساعة

خل الشباب ياخذون مغربيات ولبنانيات بالعافية عليهم

أدب للبطرانات

[رفيق الاحزان 1]

بارك الله فيك يا
حرم علي
بكل كلمه قلتيها [align=center][/align]