"عائشة" أشعر بأن مصير وديمة يطاردني ..محكمة العين الابتدائية تغرم أباً اعتدى على سلامة ابنته 500 درهم..

[ملك دبي77]

بصراحه الموضوع وايد في اشياء متناقضه لو تلاحظون البنت مربوطه بسلاسل كيف تواصلت ويا امها ؟؟وغير جيه الابو ايقول انه اسقط حضانة الام والام تقول انها تنازلت عن البنت ؟كيف جيه ! واذا في تقرير يثبت اعتداء الابو. مابيقولون انه الضرب تاديبي. وبصراحه نحن فزمن لازم الاهل ايتابعون عيالهم وخاصه. من مواقع التواضل وبلاوي النت اللي مالها اخر ومن حق الابو ا يتابع. اهل بيته.

[ولد رآك5]

ام عايشه كلامها ف كل رد غير عن الي قبله وكلام الجريدة شي والتحقيق شي ثاااني !!
اتمنئ الادارة تغلق الموضوع لانه فقد المصداقية

[صوت راك]

السلام عليكم

أنا الصراحة ويا ام عايشة و ضد الأب , الله يحفظ بنتج و ان شا الله الحضانة بتكون لج , كثري من الاستغار و ان شاء الله بتتوفقيين

[*مسك الإمارات*]

اخوي ليس كل هذا ماتدري البيوت اسرار ويمكن اجبرت عن التنازل عن ابنتها لتنال حكم الطلاق منه وانا اعرف بنت ابوها تنازل عنها نهائي وان الأم تاخذ البنت الى بلدها بسبب عدم قدرته الصرف على البنت والأم وافقت ياخي خلي البيوت اسرار الله يستر علينا وعلى اخواننا المسلمين والله يحفظ عائشة وكل البنات من الجبارين والله يعافيها وتاخذها امها بحضانتها وتربيها التربية الحسنة الله يوفقها عائشة والله يوفق امها ام عائشة اصبري والله بينظر لج وبينصرج بإذن الله لاحول ولا قوة إلا بالله

[ام عائشة]

اخواني وخواتي بالنسبه لموضوع ان ابوها يقول تدخل الانترنت هذا علشان يطلع من الموضوع وبالنسبه لكلام زوجته انها اتحط مخاد كذابه لان الغلط راكبنها وهم كانو حابسين البنت ومعذبينها وبالنسبه لتنازلي عن حضانة ابنتي ترا قبل 10 سنوات كان القرار تسقط الحضانه عند زواج الام وهئضا الشي معروف والمهم بخصوص النت بالاساس مافي نت في بيت ابوها ومجرد كلام قاله علشان يظهر من الموضوع وفي النهايه ابشركم البنت عندي وحضانتها بترجعلي بعدكم يوم وموضوع البنت منتهي واشكركم

[طائر الامارات]

لا حول و لا قوة الا بالله العلي العظيم

شو هالأوادم ما لهم قلوب و لا انسانية

الله ايكون بالعون حقهم و يرد لهم حقوقهم

[الناعمة]

فديتج يا أم عايشة والله إني تألمت من كل اللي يصير لبنتج الله يحفظها لج و محدن يتمنى أبد إن يصير لها شرات المرحومة وديمة

ربي ييسر لكم الخير و بنتج تتربى عندج بعيد أي أي ألم وحزن

ويا ليت كل أب و أم يفكرون مليون مرة قبل الطلاق في مصير أطفالهم لأن اللي يدفع الثمن هو الطفل من حياته و شعوره

الله يصلح لج الحال ويبارك لج في بنتج